"ကိုကို ဟိုမှာ အိမ်လေးတွေ ချစ်စရာလေး"
သူမက လမ်းတစ်လျှောက်က အိမ်တွေကိုငေးရင်း သူ့ကို လှမ်းပြောနေသည်။ သူမကို ကြည့်တော့ ပျော်နေပုံရသည်။
"မင်း ပြင်ဦးလွင်ကို အခုမှရောက်ဖူးတာလား"
"ဟုတ်တယ်၊ အိမ်လေးတွေက ချစ်စရာလေးနော် ကိုကို၊ ရာသီဥတုလေးကိုလဲ ကြိုက်လိုက်တာ"
မနက်စောစောကတည်းက မန္တလေးက ထွက်လာတယ်ဆိုပေမဲ့ ဟိုဝင် ဒီဝင်နဲ့မို့ အခုမှ ပြင်ဦးလွင်မြို့အဝင်သာရှိသေးသည်။
"မအေးဘူးလား မှန်တင်လိုက်တော့၊ အအေးမိရင် မင်းမလည်ရပဲနေမယ်နော်"
"မအေးပါဘူး ကိုကိုရဲ့....ဟတ်ချိုး..."
မအေးဘူးဟု ပြောပြီး နှာချေနေတာကြောင့် သူက မှန်ကို ပြန်တင်လိုက်ပြီး ကားကို ခဏရပ်လိုက်သည်။ ထို့နောက် ကားနောက်ခန်းက အသင့်ယူလာတဲ့ စောင်ပါးလေးကို ဆွဲယူလိုက်ပြီး သူမကို လှမ်းပေးလိုက်၏။
"ခြုံထားလိုက်၊ ခဏနေ Hotel ရောက်တော့မယ်"
ကားကို ဆက်မောင်းခဲ့ပြီး နာရီဝက်လောက်ကြာတော့ တည်းမဲ့ Hotel ကိုရောက်လာသည်။
သူမက ခပ်လှမ်းလှမ်းမှနေရင်း အခန်းယူနေသော သူ့ကို လှမ်းကြည့်လိုက်သည်။ Reception က ဝန်ထမ်းနှင့် စကားပြောနေတဲ့ သူ့ပုံက တစ်ခုခုကို အလိုမကျသလို ဖြစ်နေသည်။ ခဏနေတော့ သူမနား ပြန်ရောက်လာသည်။
"သွားရအောင် ချာတိတ်"
သူ့မျက်နှာက သုန်မှုန်နေတာကြောင့် ဘာများဖြစ်လို့လဲဟုတွေးရင်း သူ့နောက်က တိတ်ဆိတ်စွာ လိုက်လာခဲ့၏။ အခန်းထဲရောက်ရောက်ချင်း သူက ရေချိုးခန်းထဲ ဝင်သွားပြီး ၁၅ မိနစ်လောက်နေတော့ ပြန်ထွက်လာသည်။
"ကိုကို"
"ပြော"
"ဘာဖြစ်နေတာလဲ"
"ဘာမှမဖြစ်ပါဘူး"
"ဖြစ်နေတာပေါ့ ခုနကတည်းက မျက်နှာကြီး စူပုပ်နေတယ်လေ"
"မစူပုပ်ပါဘူး"
"ပြောပြလေ ဘာဖြစ်နေတာလဲ"
VOUS LISEZ
တိတ်တခိုး ချစ်ရသော....❤️
Roman d'amourတစ်နိုင်ငံလုံးမှာသာမက ပြည်ပအထိ ထူးချွန်အောင်မြင်တဲ့ လူငယ်စီးပွားရေးလုပ်ငန်းရှင်တစ်ယောက်၊ အလုပ်ကလွဲပြီး ကျန်တာ စိတ်မဝင်စား၊ အမြဲအေးတိအေးစက်နေတတ်တဲ့ ရှိန်း....❤️ ဂျာနယ်ထဲကတစ်ဆင့် အမှတ်မထင်တွေ့ပြီး ရှိန်းကို စိတ်ဝင်စားသွားတဲ့ သာမန်တက္ကသိုလ်ကျောင်းသူလေး...
