" عاشق لميمات "

#عاشق_لميمات
عاشق الميمات - الجزء 32
----------------عاشق الميمات - الجزء 32------------------ خليناها فالجزء السابق ملي كملات الخرجة ديالي مع ريم ام هونيدة من بعد دخلت طوموبيل وطلعت لداري ولقيت علياء وفاظمة وحليمة وهنية وهند ولقيت معاهم حتى عايدة انا : هاي هاي هههههه عايدة : جبتي عروستي وماقلتيهاش ليا ياك ياك انا : عرفتكم غاتلاقاو وكنت زربان غي فطرت وخرجت عايدة : غاتخلي عندي البنات الليلة انا : كاين واحد العرس من العائلة ديال مرات خالي وخاص نحضرو ليه عايدة : الا كانت الامور هكا ماشي مشكل انا : واجد الغدا ؟ حليمة : اه واجد خليني غي نزل البنات من السطح ونتغداو علياء : خليك احبيبة انا غادا نجيبهم طلعات علياء ودخلات حليمة هي وفاظمة يوجدو لينا الغدا حيت دارو بحساب الغدا عندي فداري وانا بقيت مجمع مع عايدة عايدة : امضرا مالين الدار كيف دايرين ؟ انا : الحمد لله كولشي مزيان عايدة : الحمد لله بلغ ليهم سلامي انا : علاش ماتمشيش معانا لعروبية تبدلي الجو ؟ عايدة : مابقاليش بزاف نرجع لخدمتي راه كنت واخدة كونجي طويل بشهادة طبية انا : يتك لاباس ؟ عايدة : كايعطيوني كونجي 25 يوم ف 3 شهور ونص ماكافياش داكشي لاش دفعت الشهادة الطبية باش ناخد كتر انا : هههه الله اعطيك الصحا شوي هي دخل علياء علياء : دخلو تشوفو عمو جات اسراء ونور كايجريو عنقوني وبداو كايبوسوني عايدة : رباو عليك الكبدة انا : انا كتر إلهام : و انا ؟ انا : نتي ختي الصغيرة وهادو راهوم بناتي وكولكوم عزازين عليا المهم الغدا واجد عييطات عايدة على سلوى وراجلها وطلعو لعندنا وتغدينا مجموعين من ورا الغدا بدا تيليفوني كايزغرت طليت عليه لقيت هونيدة وانا نوض من المجمع انا : الو حبيبتي هونيدة : الو الحبيب انا : اش خبارك لاباس ؟ هونيدة : الحمد لله ، قوليا اش درتي لماما ؟ انا : كويتها هونيدة : الله امسخك قول قول راه من قبيلات كاتهضر غي عليك انا : حبيبك عندو القبول هونيدة : دابا هضرتي ههههه حبيبي بغيت نشوفك انا : حتى انا هونيدة : طلع لسطح ديالكم انا فديالنا طلعت لسطح طليت عليها لقيتها كاينة كاتسناني نقوت عندها كانت لابسة... (لا ماغانقوليكمش) ماهضرناش تعانقنا وبدينا بوش ا بوش هونيدة : حبيبي مبروك عليك انا : علاياش ؟ هونيدة : الشراكة ديالك مع ماما انا : الله ابارك فيك احبيبتي هونيدة : جيتي بوحدك ؟ انا : لا جبت خواتاتي معايا وحتى هند بنت خالي هونيدة : ديك الهبيلة ههههه بغيت نشوفهم احبيبي انا : مرا خرا احبي باش ماتقلقيش غادي نقوليك شي كلمات غرامية هونبدة : يالاه سمعني انا : ... آآه على قلبي هواه #محكم فاض الجوا منه صميما #يكتم وليحي أنا ؟ بحت لها بسره ، أشكو لها ؟ قلبا بنارها #مغرم هونيدة : الله الله الله يا عيييييني على حبيبي غناها حسن من مروان خوري انا : عقتي بيا هههه إصحاب ليا غاتقولي عليا شاعر هونيدة : المهم المشاركة هههه مايصحابش ليا كاتمزك لهاد الدياسك ؟ انا : كاتمزك لهاد الدياسك ؟ غاتعاودي تهضري تعضري مرجلة غادي نهرس لمك شي ضلعة كانكره البنت المرجلة ولا اللي كاتبغي ترجل خليك بالأنوثة ديالك هونيدة : الله الله على العنيف ديالي واخا ا سيدي انا غي ولية نتا هو الراجل انا : وا مانعرف ليك من بعد عنقاتني هونيدة تعنيقة حنينة هونيدة : ماسخيتش بيك ترجع لعروبية والله انا : كولنا هكاك ولكن بغيت نجلس شويا مع ميمتي واصلا معروض لواحد العرس العشية هونيدة : عرس ؟ لا ماتمشيش عافاك انا : تمشي معايا نتي ؟ هونيدة : اه نمشي ديني معاك انا : منييتك ؟ هههههه اش غانقول لواليدية جبت صاحبتي ؟ صبري احبي راه من هنايا 15 يوم معروض انا ونتي و ماماك لواحد العرس هونيدة : ان شاء الله وغادية نحضيك مزيااان انا : مرخبا الله اودي هههه هونيدة : واياك تقرب لبنات فالعرس ديال الليلة ها ودني منك انا : لي عندو برينسيسا بحالك فين غايشوف فوحدة خرا ؟ هونيدة : نتا راك تقربتي ماع من هند ماشي غي شفتي فيها انا : غانرجعو لهاد الموضوع تاني ؟ غادي نعطيك الرقم ديالها من بعد وتعرفي عليها هونيدة : واخا ان شاء الله انا : نخليك احبيبتي غانمشي نرتاح دابا شويا باستني بوسا طويلة فشفايفي هونيدة : تهلالي فراسك بزاف عافاك من بعد نقزت لسطح ديالنا ونزلت دوشت ولبست عليا وقلت لهند وخواتاتي إدخلو تا هما يدوشو من بعد ما كملو مايخفاش عليكم الدوش ديال البنات شحال كايدوزو فيه ماسالاو تا فات العصر فييقوني من القيلولة ديالي ومشينا نيشان لصالون ديالي غزلان : مرخبا بسي احمد انا : غي احمد ا غزلان باركة غزلان : واخا ا سيدي ، شكةن هاد الغزالات ؟ انا : هاد الغزالات من عائلتي وبغيتهم إباني غوالات كتر راه عندنا عرس الليلة غزلان : عندكم عرس وكاقلتوهاش لينا نخدمو فيه ياك انا : غي معروضين راه عطيت رقمك لواحد المديرة ديال البنك غاتاصل بيك تكلفو ليها بالعرس دبنتها غزلان : مرحبا غانحكرو ليك وجهك كون هاني ، قزليا نعطي لخواتاتك وبنت عائلتك إخطارو فالتكاشت والقفاطن ؟ انا : اه عطيوهم وخليهم إخطارو تال ميمتي ومرات خالي والخلاص انا نخلص هههه غزلان : محالك هادا اش غاتخلص هههههه انا : نخليكم دابا انمشي ندير قهيوة امتى نرجع ؟ غزلان : عطينا ساعتين راك شفتي الصالون عامر انا : الرواج تبارك الله ، خليت ليكم الراحة ركبت طوموبيلتي ومشيت للحي اللي فيه الإقامات السكنية اللي فيه الارض ديالي ولقيت العساس كايدور تما شافني جا عندي العساس : مرحبا سي احمد انا : شكرا ، كاين شي جديد ؟ العساس : اه راه سمعت باللي إثانة جديدة غاتبنا هنايا وكايفكرو فالارض ديالك انا : باشما كان رد عليا جبدت شي براكة وعطيتها ليه وبقى مسكين كايدعي معايا المهم مشيت درت كافي نوار مسوسة كي العادة من بعد مشيت لصالون وخرجو ليا 3 ديال الاميرات بالقفاطن تا ختي الهام دارو ليها غوب زوينة كاتحمق غزلان : كي جاتك خدمتي ؟ انا : ماعندي مانقول ، بغيت تا انا نقاد شعري غزلان : الصالون منوع دخليه واخا ديالك راه غي ديال النساء هههه سير لعند تريتور اني جاية عندك نقاد ليك دغيا دخلت خواتاتي وهند لطوموبيل وسديت عليهم هههه ومشيت لعند تريتور رحب بيا جات غزلان وجايبة معايا الماطيريال قادات ليا شعري بواحد السرعة هائلة باينة فيها حرايفية وجبدات تا الموس والطوندوز قادات ليا الطراساج ديال اللحية ودارت ليها واحد الزين خلاتها رطبة كي الحرير انا : تبارك اله عليك مايصحابش ليا عند مع الحلاقة غزلان : عندي مع كولشي خاسني غي الراجل ههههههه انا : ايجيب الله ملي كملات ليا جبت 200 درهم مابغاتش تشدها ولكن عطيتها ليها بالزز دزت لصيدلية خديت السيرو ديال الردان وعطيتو لختي الصغيرة شرباتو من بعد دزنا خدبنا شي هداية لعرسان حيت عيب نمشيو بيدينا خاويين عطيت لهند واحد ايديوه معاهم وعطيت لختي هنية اللي غاندبو حنا من بعد شدينا الطريق لدوار ديالنا بعد ساعة ... وصلنا لعروبية دزنا لدار خالي حيت كاينة فالطريق حطينا هند وعطيناها حتى القفكان اللي خطارت لماماها وقلت ليها إبقاو حتى نجي نديهم وكملنا لدارنا وتصدمات الواليدة فبناتها الواليدة : هاي هاي هاي انا : راك ولدتي زين اميمتي ههه الواليدة : وانا نسيتيني ؟ انا : حاشا اميمتي راه جبنا ليك تانتي قفطان غزال الواليدة : الله ارضي عليك اولدي هنية : راه انا لي خطتريتو ليك هههه الواليدة : الله ارضي عليكم كاملين لبسات الواليدة عليها وتزيزات تا هيوتا انا لبست واحد اللبيسا شراتها ليا المرحومة رقية ملي طاحت الظلمة خرجت انا وميمتي والبنات ودزنا عند مرات خالي وديناهم معانا هي وهند مشينا لمنصة ديال العرس ورحبات بينا ام العروسة واللي هي خت مرات خالي المكي يعني ام العروسة هي خالت هند بمعني العروسة بنت خالت هند ههههههه عطاوها الكادوات ام العروسة : مرحبا بيكم وتبارك الله عليك اولدي حمد غزال ما شاء الله العقبة ليكم انا : ربي يخليك ا خالي الله اكمل بالخير دخلنا جلسنا فاحسن طابلة حيت جينا حنا من الاوائل من بعد بداو الناس كايجيو واللي دخل كايبجق عينيه فينا حيت الصراحة عاطين لعين انا : الا عجبني الشطيح ديالك ا إلهام غادي نعلق ليك فلوسة إلهام : شحال ؟ انا : ربعمياااااااا دريال (20 درهم) ضحكو عليها نيت نيت الواليدة : انا نعلق لبنتي الف ريال (50 درهم) إلهام : عطيوني غي حقكم ديال الحلوة البرقوق اللي كابكون فوق اللحم باركة انا : ههههههههههه وا غي عجبيني فالشطبح وغادي نغلفك بالفلوس اختي الغزالة هنية : وانا ؟ انا : نتي وهند منوع الشطيح بهاد الجلسة غاتبقاو حتى نرجعو لدار الواليدة : علاش ؟ انا : الناس مخلطة وبنتك راه تخطبات هند : هنية تخطبات وانا لاش ؟ انا : نتي حدا مك قلتها ليك البارح منوع الشطيح هند : هضري معاه ا عمتي الواليدة : شكون يقدر عليه ابنتي ؟ مرات خالي : الله اعطيك الصحة اولدي حمد زيير ليا البشر من بعد دخلو صحاب الجوق وبقاو كايستفو الماطيريال مشيت عند رئيس الفرقة درت ليه 100 درهم فجيبو انا : ملي توصل الغرامة بدا بيا وعيبط ليا وعطيني الميكرو مول الجوق : كون هاني وشكرا انا : غييز ليا الشغل مول الجوق : كون هاني انا : الا عجباني الخدمة ديالك غادي نخدمك معايا راه عندي تريتور وتانكافت فكازا مول الجوق : مرحبا ا سيدي الله اودي ، الاسم الكريم ؟ انا : احمد مول الجوق : كون هاني ا سي احمد الليلة الطايح كتر من النايض انا : تبارك الله عليك مشيت لبلاستي هند : اش قلتي ليه ؟ مرات خالي : وا ميمتي اش هاد البنت عندي اش هاد الفضول فيك ابنتي ؟ هند : وا ضرني راسي هاء مرات خالي : سكتي الله اقلل حياك انا : هههههههه خليها امرات خالي خليها الواليدة : تجمعة شويا راه الناس مخلطين ههههه من بعد جاو دورو علينا اتاي و الحلوة وكولنا عطينا لحلوة لختي إلهام (اللي ما صفاش النية غانبلوكيه من الصفحة راه زعمى العائلة ديالي هادي 👊👊👊👊👊) سالاو التجهيزات ديال الجوق وبدار فالموييقى الهادئة وبداو ناس الدوار كايتفاعلو والشيخ جايب المخازنية باش إحضيو ليه العرس مايخسرش دخلات العروسة والعريس كون تشوفو سفيان ولد الشيخ كي جا بالكومبلي هههههه (ضحكو على الادمين سفيان) المهم جلسو فالبرزة ودا السطيح والرديح وهاد الجوق عندهم 6 ديال الشيخات ماشي 4 و مل شيخة تنسيك فلوخرا غزااالات ومن الحجم الكبير اما الشعر كولهم زعرات ولابسين نفس اللبسة فاللون الغوز اما الكوامانجي اللي هو الرئيس لابس البيض وباقي اعضاء الفرقة لابسين الكحل فرقة غزالة كاملة مكمولة بالنسبة ليا عجباتني والاعضاء ديالها نقيين وزوينين ناضت الواليدة ومرات خالي إشطحو وتبعاتهم ختي إلهام وبقيت انا وهنية وهند وجات خالت هند واللي هي ام العروسة ام العروسة : نوضو ا البنات تشطحو ديرو لعز لصاحبتكم فاطمة (العروسة) هند : ماخلاناش حمد نشطحو ا خالتي ام العروسة : مولاي حمد ؟ لاواه لاواه راه عرس العائلة هادا انا : اللي بغاو ايديروه ام العروسة : يالاه نوضو نوضو ناضو يشطحو مالقيت كا ندير وخليتهم ههههه شويا جات هند نوضاتني وشدوني من يدي هي وختي هنية وبقينا كانشطحو ب 3 وانا هو الراجل الوحيد اللي داخل كايشطح الباقين مانعينهم المخزن شافني مول الجوق وهو يقول فويط واحد الاغنية مزدحاااا نيييت "تبارك الله على مولاي حمد" شوبا هو ايصيفط ليا الشيخات ب 6 دارو بيا انا و ختي هنية وبنت خالي هند وكولشي كايشوف فينا والدراري ديال الدوار ها اللي ناشط ها اللي ماحاملنيش يتبع...      
Reda Bakrim