" عاشق لميمات "

عاشق الميمات - الجزء 33
----------------عاشق الميمات - الجزء 33------------------ خلياها فالجزء السابق ملي جات هند نوضاتني وشدوني من يدي هي وختي هنية وبقينا كانشطحو ب 3 وانا هو الراجل الوحيد اللي داخل كايشطح الباقين مانعينهم المخزن شافني مول الجوق وهو يقول ف واحد الاغنية مزدحاااا نيييت "تبارك الله على مولاي حمد" شويا هو ايصيفط ليا الشيخات ب 6 دارو بيا انا و ختي هنية وبنت خالي هند وكولشي كايشوف فينا والدراري ديال الدوار ها اللي ناشط ها اللي ماحاملنيش المهم انا ماعلاباليش ببنادم حييت واحد التريكو وبقيت غي بالتيشورتا وصيفط ختي وهند اجلسو وبقيت غي انا والشيخات هاك بالاك محييح نييت والشعر ديالي طويل من القدام وكايتشاير هكا وهكا المهم حييحت نيت ومول الكاميرا سادني غي انا والشيخات الحيحا الحيحا ناض عندي العريس سفيان اللي هو صديقي وبدا كايشطح معايا اما الاغنية مانعاودس ليكم فيها غي لانستري ماكايغنيش فيها زدحا ديال بالصح الشطيح ديال الدراري انا من هنا و العريس سفيان من الجهة المقابل ماكاين غي لوز لوز كولشي مضهشر فينا ماكاين غي زعزع ليا المشاعر لبنادم شويا دخلات عندي الواليدة ديالي كاتشطح معانا ودخلات تا ام العروسة وام العريس وا تبخناها شطيح نييييت نيت من بعد مشا الري ابدل عليه هو و العروسة ماعرفناش واش مشاو إبدو اللباس ولا مشاوإقلب ليها الشخصية من بنت لمرا ههههههه نسولو الادمين سفيان اش دار ليها 😂 من بعد حطو لينا العشا تعشينا الحمد لله كان العشا غزال وختي إلهام جمعات لينا كاع البرقوق اللي فالطبسيل ههههه من بعد دخل العريس والعروسة باغنية زوينة من الفرقة الموسيقية من بعدها ناض مول الجوق و قال : دابا وقت الغرامة لعرسان اللي عندو شي هدية ليهم وبغا إفرحهم فنهارهم مرحبا بيه ونبداو بمولاي احمد حيت بغا يقوليكم شي كلمة وقبل مايقول الكلمة ديالو خاسو إعطي هو الاول لغرامة العرسان هههه نضت وعطيتو حوا فيه 100 الف ريال (5000 درهم) مول الجوق : ها هية 5000 درهم من عند مولاي احمد لصاحبو سفيان ولالة لعروسة من هنايا تال كازا كولشي بقا مايسفق والعيالات مايزغرتو نضت وشديت الميكرو انا : السلام عليكم ا ناس الدوار كولكم كاتعرفوني حيت انا ولد هاد الدوار هنايا زيادة وخلوق وماناسيش انا هاد الدوار داكشي علاش عندي ليكم خبر زوين واللي هو المعمل ديال الشكلاط اللي فالفيلاج راه شريتو وقولوها لوليداتكم من غدا إطلعو لفيلاج وغايلقاو خويا عزيز ولد الفقيه اللي كاتعرفوه كاملين وهو اللي غايسجل الدراري والرجال اللي باغيين اخدمو ونزيدكم باللي تا المعمل ديال الخياطة اللي فالفيللج راه ولا ديالي يعني تا العيالات والبنات ممكن اخدمو معايا غي من ديورهم فالعقاد وشحال من حاجة خرا المهم نتوما راكم عارفين اش كاين وباش نختم باللي الخلصة راه ولات ظوينة وكبر من الخلصة اللي كانت شحال هادي هنايا كولشي ناض قصدني وبداو كايعنقوني ها العيالات والدراري ماتسوقوش المخزن دخلو تا هوما كايعنقوني قجوني هههه من بعد كولشي رجع لبلاصطو وناض العريس شد الميكرو و قال : شكرا خويا حمد على الغرامو المهورة هههه وشكرا على فرصة الشغل اللي عطيتيها لوليدات الدوار وكايشرفني خبر زوين بحال هادا إتقال نهار عرسي وكانطلب من المخزن يخليو الدراري تا هما إنسطو فالعرس ديالي ولكن ل باحترام طرح لعيالات وطرح لدراري من بعد خدا مول الجوق الميكرو و قال : خليونا دابا نرجعو لغرامة بداو الناس كايعطيو الغرامة كل واحد على جهدو ومن بعد بدات المزيكة تاني ماكاين غي الشطيح والرديح وشفت باللي هند بدا كايديها النعاس الواليدة : وصل بنت خالك لدار ورجع نقصرو شويا باش نمشيو تا حنا انا : واخا وننتي امرات خالي ماتمشيش ؟ مرات خالي : لا باقا انا هنا مشيت انا وهند وخرجنا من المنصة ودارو بيا الدراري خويا حمد خويا حمد... انا : واحد اللي يهضر باش نفهم واحد منهم : اشمن وقت غايكون عزيز فالمعمل ؟ انا : مع ال 10 ان شاء الله شكروني وكملت طريقي انا وهند انا : عيتي ؟ هند : بزاف تسخسخت ماحسات ب اسها تا هزيتها الهزة الرومانسية وبقيت غادي بيها هند : غاطييحني نزلني انا : هي حنا ماشي رجال من بعد عنقاتني وبقيت هازها حتى وصلنا لدار هند : تسنا راه الكلب الذكر مطلوق حلات الباب ولقات الكلب عند الباب شافها وبقا كاينقز كايلعب معاها انا : علاش النتوا مامطلوقاش ؟ هند : بغيتيها تهدم الباب وتبدا تفرشخ فناس الدوار ؟ انا : عاد فهمت علاش كاتكونو مرتاحين يالليل حيت تا حد مايقد اقرب ليكم ههههه هند : دابا غاترجع لعرس ؟ انا : واش انا حنق نضييع هاد الفرصة اللي الدار خاوية وانا وياك طيط أ طيط ؟ هند : اوا هي الا دخلتي دخلت انا وياها وتلاحينا فبيت النعاس ديال ماماها وبقينا هاك بالةك شد فيا نشد فيك والبوسان والتلماس شويا فسخنا الحوايج ووقع اللي وقع من المسكوو طبعا من بعد انا : كانظن تعطلت غانغسل عليا ونرجع لعرس هند : صاف واخا اخبيبي باستني ونضت غسلت عليا ولبست حوايجي وخرجاتني من الدار من الكلب وصلت لعرس لقيتهم محييحين دخلت جلست ب فبلاستي لقيت الواليدة و مرلت خالي عياو اما ختي الهام نعسات مشيت عند مي فطومة راه جالسة فطبلة خرا سلمت عليها وقلت ليها فودنها تقول لعزيز غدا يتسناني مع الصباح باش نمشيو لفيلاج وشكراتني بزاف حيت لقيت لولدها خدمة من بعد مشيت خديت الرقم من مول الجوق كيما واعتو من بعد ديت عائلتي ووصلنا مرات خالي لدارها وكملنا حنايا لدارنا عيينا دخلنا نعسنا وفالصباح بكري فقت لقيت الفطور واجد ومشيت دزت عند عزيز ومشينة نيشان لفيلاج دزنا لمكتبة شريت روجيستر كبير وشي لوازم غايحتاجهم عزيز فالادارة ديال الشركة ومشينة لشركة .يال الخياطة كانت الساعة 9 ديال الصباح دقينا مابغاش العساس يفتح ملي قلت لبه انا مول الشي فتح ليا ومازال مامتييقنيش وعييط ليا على السافا الكبيرة وملي شافت الوراق الشافة : مرحبا اسيدي دار دارك دخلت وقلت ليها تجمع ليا كاع اللي خدامين وداكشي اللي دارت انا : انا اللي شريت هاد الشركة وحتى الشركة ديال الشكلاط اللي عندها خوها ولا راجلها ولا ولدها باغي يخدم فيها مرحبا بيهم راه التقياد غايبدا مع ال 10 عند سي عزيز واللي هو هادا اللي معايا وغايكون مشرف حتى على هاد المعمل ولكن من بعيد وغاتبقى الشافة ديالكم هي هي وكتر من هادشي راه الخلصة ديالكم مابقاتش 24 الف ريال (1200 درهم) ولات 30 الف ريال (1500 درهم) وتا الخلصة ديال الناس اللي فالمعمل ديال الشكلاط راه تزادت من 34 الف ريال (1700 درهم) ل 44 الف ريال (2200 درهم) ناضو العيالات والبنات كايدعيو معايا وتا الشافة كولشي ولا فرحان انا : تا اللي بغات تزيد السوايع مرحبا كل ساعة ب 260 ريال (13 درهم) الشافة : هانتوما شفتو السي احمد جا بخيرو دعيو معاه وخدمو بالنية الصافية الله احازيكم بالخير من بعد خرجنا من المعمل وخليت الهيالات والبنات كولهم تلاحو على تيليفوناتهم اصونيو لعائلات ديالهم ملي وصلنا لباب العساس : سمح ليا ا سيدي عافاك ماعرفتكش انا : دنيا هانية راك داير خدمتك ، اجي معانا راه غانبغيو شويا ديال النظام حيت بنادم غايكتار علينا فالمعمل ديال الشكلاط العساس : واخا اسيدي انا : شحال كاتخلص ؟ العساس : 1000 درهم انا : عندك شي وليدات ؟ العساس : اه 2 اسيدي انا : لا حول ولا قوة الا بالله ، غاندويليك مع الشافة تزيدك شي 500 درهم العساس : الله اكتر خيرك اسيدي انا : غي احمد بلا سيدي المهم العساس سد الشركة ديال الخياطة ومشا معانا لمعمل ديال الشكلاط اللي ملاسق مع الشركة ديال الخياطة دخلنا وبدينا كانوجدو لناس فين ادخلو وبالصح وقلنا لعساس ايدير ليهم واحد واحد مازال ماوصلات ال 10 ولقينا بنادم بدا كايجي المهم تفتح الباب وبدا عزبز مايقييد فبنادم وكايعطيهم الموعد ديال البداية تاع الخدمة ومايقوليهم تا الوثائق اللي غادي احتاجو المهم بقا عزيز معاهم وانا الفوق فالبيرو حتى كملهم كاملين من بعد طلع عندي انا : صافي ؟ عزيز : قربنا ل 400 واحد وكانظن باقي بنادم غايزيد انا : ملي غايجيبو ليك الوثائق نتا ختار 5 قاريين وديرهم شيفان على باقي العمال عزيز : كون هاني انا : الشيفان شحال كتيتخلصو ؟ عزيز : 54 والتريسيانات والميمانيكيين 50 انا : واخا ونتا دير ليك 70 عزيز : الله اكتر خيرك اخويا حمد هادا المضمون فالاخوة انا : غانجيب لبك الموطور ديالي من المدبنة تبقى تمشي وتجي بيه حيت الدوار راه بعيد 10 كلمتر على الفيلاج عزيز : لا ماكاين لاش اخويا انا : درتها فراسي صافي عزيز : لي باليك اخويا من بعد جاو شي وحدين خرين ومشا عزيز كايكمل خدمتو حتى خدا العدد اللي يكفيه وزاد شي وحدين احتياط حيت الا دارت ريم ديك الاستراتيجية اللي قالت ليا غادي نحتاجو العمال كتر من بعد ما كمل عزيز جا عندي وعطيتو السوارت ديال المعمل وعطيتو كاع الوثائق اللي غايحتاج والارقام ديال الكليان اللي غابجيبو لينا المواد الاولية وتا الارقام ديال الكليان اللي غاياخدو منا السلعة من بعد انا خرجت من المعمل وخليت عزيز كايتاصل بالكليان اللي كايتعامل معاهم المعمل ديالنا ركبت طوموبيلتي نجيب دورة فالفيلاج وانا نسمع شي عيالات كايهضرو عليا وكايدعيو معايا واخا ماعارفينيش ولكن كايدعيو مع اللي فتح المعمل من بعد جاني اتصال من رقم انا ماعارفوش انا : الو السلام عليكم المتصل : وعليكم السلام سيدي انا : سيدي وسيدك رسول الله صلى الله عليه وسلم المتصل : انا رجل اعمال سكنية كاندير إقامات سكنية انا : مرحبا اش حب الخاطر المتصل : باغي نشري منك القطعة الارضية ديالك اللي فالحي وايفلاني انا : مرحبا واخا ماواقفش على البيع المتصل : شحال طالب فيها ؟ انا : عطاو 300 ومابغيتش المتصل : او 300 بزاف انا : شوف اشريف نقوليك نتا ولد الحرفة بلا او بلا واو ختها تباعت العام الفايت وغي تماك فالحي نبت ب 300 مليون ونتا عارف هادشي ومزياااان اذا بلا هاد اللف والدوران باش طييح الثمن انا راه 300 تعطاتني ومابغبتش نبيع راه الارض محفظة واخا يخرج هتلر من قبرو مايديهاش قل من الثمن اللي انا باغي المتصل : شحال قاسح فهضرتك انا : نتا عارفها ساويا كتر وكاتقوليا او 300 بزاف انا الا ماخديتش فيها 400 مابايعش المتصل : اللهم يسر ولا تعسر اللي ايجيب ليك اللي اعطيك هاد الثمن الخيالي من بعد قطع عليا ومشا ، خلي مو امشي إقاود اصلا ماعليا لا كريديات لا والو ومامزييرش من غير 60 مليون اللي كاتسال ليا ريم ام هونيدة و ريم راه خانزة فلوس عمرها غاتقوليا مختاجاها و الارض اللي تاصل على قبلها هاد خونا راه ساوية الثمن ايدوز العام ولا العاماين غايعطيوني فيها هاد الثمن وانا غانطلب كثر راه العقار غي ماغادي وكايزيد مشيت رييحت شويا فواحد القهوة وكنت لابس حوايج عاديرن جا عندي الكارصون الكارصون : اش تشرب اخويا ؟ انا : نوار مسوسة الكارصون : واخا خويا مشا جابها و جا الكارصون : وجهك جديد هنايا باينة جيتي حتى نتا باش دفع لمعمل ديال الشكلاط اللي غاد كي تحل يتبع...