" عاشق لميمات "

300عاشق الميمات - الجزء 45
----------------عاشق الميمات - الجزء 45------------------ خليناها فالجزء السابق ملي خرجت من الغرفة ديال ريم وهي تصوني ليا سلوى انا : اهلا الحب سلوى : اجي عندي دابا انا فالمكتب تعطلت تال هاد الوقت على وديتك انا : واخا هاني جاي مسافة الطريق... وصلت لعندها لقيتها كاتسناني حدا المكتب ركبات معايا فالكوموبيل وقالت ليا نمشيو لشي كافي مشينا لواحد الكافي زوينة جنب البحر بعد ما حلسنا و دوموندينا لي بغينا انا : سلوى وجهك مخطوف سلوى : شنو كانت الوضية ظيال ختي رقية ؟ انا : طهلاو فيا وتردو ليا البال حلات الصاك ديالها وهي تجبد ليا شيك فيه 300 مليون موقع باسمي انا : هاد الشيك انا لي عطيتو لواحد المهندسة صديقة سلوى : صديقة ؟ هي بصح مهندسة ولكن نصابة كانت غاتزدحك فهاد 300 مليون نتا غي نية ماعارف والو فالدنيا علاش ماجيتيش شاورتيني من الاول انا نلي قلتي ليا هكاك كايصحاب ليا باللي كولشي عندك قانوني تا البلان اللي عطاتك مامرخصش انا : كيفاش تا وصليك الشيك وكيفاش تا عرفتي هادشي كولو ؟ سلوى : شد الشيك ديالك حرقو و ماتبقاش دير تا حاجة بلا ماتشاورني كون عرفات ريم كنتي غاتقولب فهادشي كانت سمعاتك المنقي خيارو ماترضاش شريمها يتخدع هاصة الا كان حبيب بنتها وغايكون راجلها انا : جاوبيتي كي عرفتي هادشي ؟ سلوى : فلانا الصديقة ديالك جابت ليا الشيك وقالت ليا صيداتو من واحد العروبي وبغاتني نوجد ليها وراق مزورين دفعهم لبنك مع الشيك وتجبد الفلوس قبل وقتهم وتعطيني 3 ديال المليون ، ملي شديت الشيك قريتو لقيتك نتا عييط ليها وريتها فالحاسوب ديالي باللي المحادثة ديالنا اللي قلناها دابا مسجلة صوت وصورة وباللي هاد العروبي اللي ماتقول عليه عروبي راه حبيبي وصاحبي وكتر من هادشي راه انا المستشارة القانونية ديالو الخل اللي ندير معاك دابا هو ضركي عليا زلافتك ا النصابة ولا دابا نيت نعييط ليهم ونوريهم هادشي بالدلائل على الاقل غادي تمشي ب 5 سنين مايبقا ليك لا مستقبل لا عمل لا وحه مع الاصدقاء والعائلة انا : ماعرفت مانقول والله سلوى : عندك ماضيف ولا نسدو هاد المحضر ؟ نضت عندها وقفتها بست ليها الراس وعنقتها راسها عند صدري انا : والله ماخليتيلي مانقول نتي هي الحب نتي الروح نتي الصديقة نتي رمز الوفاء سلوى : راه موصياني عليك اعز صديقة فالعالم الله ارحمها و اوسع عليها انا : يا ربي امين ، كاتساليني كادو سلوى : واخا اسيدي قابلاه من بعد هادشي توتضات العلاقة ديالي بسلوى كتر وكبرات فعيني حطو راسكم بلاستي ادار معاكم شي صديق هادشي مازال الخير فالناس والله العظيم مشست ديت سلوى لطوموبيلتها ديماراتها ومشينا ب 2 لدار طلعات وانا طلعت لداري شديت داك الشيك حرقتو وشافتني حليمة حليمة : علاش ؟ انا : كانت غاتمشي ليا 300 مليون هاد النهار غي سلوى اللي تحتنا هي اللي عتقاتني حليمة : كيفاش ؟؟ انا : من بعد ونحكي ليك ، عطيتو لكلاب ياكلو ؟ حليمة : اه ومانزلنا البنات منهم بالدموع انا : ههههه دابا تشوفي ملي يكبرو قداش غايوليو تبارك الله انا غدا غادي نمشي نشري ليهم الماكلة ديالهم وندوزهم لبيطري انصحني حيت بغيت ايكونو فاحسن حال حليمة : تا الوسخ ديالهم راه مربيينش ايديروه بجوجهم فبلاصة وحدة وكايسمعو لهضرة جلس هي جلس تعداو عليهم البنات بجلس نعس وقف نبح هههههههه انا : اه راه رباتهم بنت خالي حليمة : تبارك الله عليها ، سميتهم ؟ انا : النتوا #دجيني والذكر #رومبو حليمة : ايييه ههه اوا اسيدي غانطهلاو فيهم كون هاني جيب لي غي الماكلة والتريتمون ديالهم وهناك الله انا : صافي ا لالة رييحتيني دخلت لبيتي دوشت ولبست حوايج النعاس عييت بزاف اليوم طحت دودا تال الصباح فقت بكري فطرت هزيت الملاب ديتهم لبيطري شافهم وخرج ليا واحد السيرو ديال الشهية نعطيه ليهم وعطيهم شوكا لواحد وخطيت شي نصائح ودزت خديت واحد النوع ديال الاكل عطانة اسمو البيطري وخديتك ليهم كمية ديال شهرين دزت لكلينيك عند ريم شفتها ولات لاباس الحمد لله ولقيت عندها هونيدة وقلت ل ريم تصح حيت من ورا كاتولي هي لاباس وتا الواليد يولي شويا غانديرو الخطوبة ديالنا سمعات هونيدة هاد الكلام فرحات بزاف ريم : ان شاء الله راه الا مكتابين لبعضياتكم انا مانزيدكم غي الدعوات وكتر من هادشي راه دوات ليا بنتي على بنت خالك انا ماشي ضد التعدد وماكانعرفش بنت هالك باش نحكم عليها غي انطلاثا من كلام بنتي غادية نطلب منك تعدل بيناتهم وكون راجل ونص كيما عارفاك ا ولدي احمد انا : ولدي كاتخرج من فمك غزالة كاتفرحيني بيها والله وكوني هلنية من جهة بنتك ؤاها مومو عينيا ريم : الله ايدير الخير انا : كاتعرفي شي واحد عندو شركة ديال البناء ؟ ريم : صاحبتي راجلها عندو شركة كبيرة ديال البناء علاش ؟ انا : محتاحو فشي حاجة دوي ليا معاه ريم : هي الاولى ، اراي ليا ابنتي تيليفوني شدات تيليفون دوات مع صاحبتها سمعات صوتها عيان سولاتها سنو قالت ليها دارت عملية تم نيت شدات صاحبتها طوموبيل هي وراجلها وجاو عند ريم لكلينيك دخلو سلمو وبقات صاحبت ريم كاتخاسم حيت مافراسها والو وقلنا ليها باللي كولشي على غفلة من بعد دوات ليا مع راجل صاحبتها وشديت رقم ديالو باش نتاصل بيه من بعد خليتهم ومشيت لدار طلعت لكلاب وحطيت ليهم الماكلة وعطيتهم السيرو ووريت لحليمة التريتمون وكيفاش تعامل معاهم فالعشية تا صلت بمول الشركة ديال البناء ومشيت انا وياه وريتو الارض عجباتو وتافقنا على الثمن اللي كان 310 وتافقت معاه باش احفر ليا 2 بيار فهاد الارض وتا فقنا على المهندس اللي غايخدم ليا البلانات والمهندس كان هو مراتو نيت اللي كانت صاحبت ريم المقربة الحمد لله عش الزوجية ديالي غايتبنى على ايادي امينة كاتيق فيهم ريم تاصلت بسلوى باش تو لينا الوراق على غدا وطلبت من المدير ديال الشركة باش دير ليا مراتو شي بلان ايكون زوين فالصباح تلاقينا ب 3 ومشينا عند سلوى وقعنا عقود العمل وسنيت ليهم الشيك المهم كولشي كان قانوني هادا مسمار طرقناه بعد اسبعين... خرجات ريم من الكلينيك ديناها لدارها فنفس الوقت الخدمة بدات فالارض ديالي ومرا مرا كلنزل لعروبية مانزور الواليدة ونطمائن عليهم وواحد الحاجة وقعات فهاد الاسبعين واللي هي الاوستيديو اللي داير معاه التريتور علال الشراكة راه كان ديال ريم ولكن ريم ماكانتش عارفة حيت الاستودسو ماكاتمشيش ليه وموضيا عليه واحد المرا خدامة قديمة تماك وفهاد المدة كذالك درت على كاع الاملاك ديال ريم وتعرف على الناس اللي مكلفاهم واللي انا على راسهم وتا المعمل ديال الشكلاط ولا كايستقطب كليان كبار وكايدخل ارباح كتيرة وفهاد المدة تاصلات ريم بواحد السيد شخصية كبيرة فالمكتب الةطني للكهرباء والماء الصالح لشرب وتلاقيت بالنائب ديالو وديتو لفيلاج وبداو تا هما فالخدمة ماخلاوش شي ركيزة ماداروش ليها بولة ووصيت عزيز باش يضبر شي رجال كايخظمو فالبني باش اعاودو المسجد ديال الفيلاج وارممو المدرسة اما الدوار ديالنا راه كلفت بيه منير (خو عزيز بالرضاعة) اللي تا هو ورا خدام معانا فالمعمل ديال الشكلاط وعطيتو الاوامر باش ابني مسجد جديد هادي انا دايؤها فبالي صدقة جارية للمرحومة رقية وانا عطيت شويا ديال الفلوس ل داك النائب باش ايدوزو من بعد لدوار ديالنا انوروه تا هو بالضواو ولكن اسبوع هادا باقي ماجاو الحمد لله الامور كولها غادا مزيان وفهاد الاواخر ولا كايصوني ليا علي ولد عايدة (خطيب ختي) بزاف وتفتحات العلاقة بيني وبينو ولينا كانهضرو بلا حواجز وقاليا باللي راه دفع طلب الانتقال ديالو من الصحراء لكازا وتا عايدة براسها راه جابت التقاعد ديالها وراه مشات عند نالين ظار وحلسات معاهم فالعروبية 3 ايام انا لحد الآن الامور غادي ميفما بغيت وكتر الحمد لله الصحيحة ديال النلداس العزاز راها فتحسن وتا الكسيبة ديالي بان عليها الخير ليبة الجمعة كنت مكونيطتي البلازما مع الويفي وكانتسركل فاليةتوب بالصظفة طحت فواحد الدرس ديال محمد حسان العنوان ديالو "إلى اين ان ذاهب بهاذا يا ابن آدم ؟" غي العنوان جدبني وعجبني بزاف بقيت شاد هاد المحاضرة اللي كانت كت من ساعة ونصف ماحاسش بدموعي كاينزلو انا براسي ماعرفتش منين جانو هاد الخشوع كولو نضت تماك نيت دوشت بدلت الفراش والغدا وحوايج النعاس وصليت صلاة العشاء وفالصباح نضت مع الفجر مشيت لجامع ديال الحي تاعنا صليت جماعة ومع الصباح نزيت طوموبيلتي ومشيت لمقبرة عند قبر المرحومة رقية ترحمت عليها وقريت عليها سورة يس (ياسين) اللي كنت خافضها من يامات كان كايقرينا الامام (باين عزيز) نزلو دموعي على رقية ودعيت معاها من قلبي هي سبب الخير اللي انا فيه وكولشي بفضل الله سبحانه وتعالى الحمد لله عقت وفقت اما الطريق ديال الزهوو والنشاط مادايماش يتبع...