" عاشق لميمات "

عاشق الميمات - الجزء 17
----------------عاشق الميمات - الجزء 17------------------ خليناها فالجزء السابق ملي جات عندي رقية وتعشينا فبيتي ومن بعد نزلات تنعس وانا نعست حيت كنت عيان شويا حيت كان نهار طويل ونتمنى غدا يكون عامر فالمفاجئات فالصباح بكري فطرت ونزلت لباب العمارة شويا وهي تجي طوموبيلة زوينة بزاف كاط كاط بي إيم دابليو (4×4 BMW) من الحجك الكبير باينا فبها غالية بزاف وحسن من كاع الطوموبيلات اللي فالكراج ديال العمارة وقفات ااطوموبيل حدا الكراج ديالنا وبقا مولاها كايكلاكصوني مشيت عندو انا : ياطما غالط فالعنوان اخويا ؟ هو : ماكتينش السي المكي ؟ انا : مات الله ارحمو راه خالي وانا اللي خدام بلاستو هو : البركة فراسك اخويا انا ولد لالة عايدة انا : اه سمح ليا مرحبا بيك حليت ليه الكراج ودخل طوموبيلتو وطلع لدار ميمتو وانا بقيت فباب العمارة شويا وهي تعييط ليا لالة عايدة عطاتني 200 درهم وسحىاتني لباتيسري نجيب لبهم شي حاجة افطرو بيها مشيت شريت داكشي اللي طلبات مني ودزت لحانوت جبت الحليب ولقيت هونيدة تماك غمزاتني وضحكات مشيت ديك التقضية لعند عايدة ومابغاتش تشد كني الصرف يعني غي فهاد الصباح صورت كتر من 150درهم لحمد لله وحلالا طيبا ههههه من بعد نزلات سلوى و فاظمة سلمو عليا سلوى : صباح الخير احمد فطرتي ؟ انا : صباح النور راه فطرت ربي يخليك سلوى : نهارك مبروك خليت ليك الراحة انا : شكرا الله ايجبكم على خير من بعد صونات ليا رقية انا : الو صباح الخير حبيبتي رقية : الو حبيبي صباح النور نزل تفطر انا : لا راه فطىت احبيبتي بكري انا دابا فباب العمارة رقية : طلع ونسني انا : واخا طلعت عندها رقية : دير ايديك معايا ماتخلينيش ناكل وحدي انا : غي كولي بالصحا احبي خوي ليا غي شي كاس ديال الحليب مهرس رقية : هاك احبيبي خود ليك حليوة انا : الله على اهتمام رقية : ماشتي والو احبيبي بغبتك تقضي ليا واحد الغرض انا : ما هو ؟ رقية : تمشي لضروكري تجيب قفل دبال الباب شي حاجة زوينة حيت باقي الضوبل عند داك الحيوان (راجلها) انا : واخا رقية : نكمل فطوري ونجيب ليك الفلوس كملات فطورها ومشات ومشات جابت ليا 200 درهم لقفلة وجابت ليا انا 200 درهم ديالي انا : باركة عليا احبيبتي راك معرقاني فالخير ها الحوايج ها الفلوس ها الموطور ها الماكلة... رقية : تستاهل احبيبي ماتردهاش ليا فوجهي انا : ربي يخلف عليك امراتي الحبيبة خرجت ومشيت هزيت الإس أش ديالي ومشيت لدروكري شريت قفل زوين صحيح ب 160 درهم وجيت ركبتو فباب رقية وعطيتها السوارت وعطاتني واحد من الضوبل رقية : الدار دارك دخل خرج الوقت اللي بغيتي انا : لا لا لا فهادي سديتي ليا فمي والله ماخليتي ليا مانقول رقية : من اليوم شكليا غاتسكن فبيتك فالسطح ولكن فالمعقول غاتبقى تبات معايا هنايا ظيما وهادي دارك احبيبي انا : سيري الله اخليك ليا احوبي رقية : يوميا ورا الغدا من ال 2 ل 4 غادي نبقاو نمشيو برا كازا ونعلمك تسوق الطوموبيل انا : ايه علاش لا رقية : وماشي فابور انا : مرحبا احبيبت الروح ههههه رقية : الخلاص ديالي تا تمشي مني العادة الشهرية انا : جاتك هههه المهم خليني نزل لباب العمارة دابا رقية : نزل احبيبي ورد البال لراسك انا : قولي ليا احبيبتي فاش خدام ولد لالة عايدة ؟ رقية : فين كاتعرفو ؟ انا : جا هاد الصباح رقية : سميتو علي هو عسكري فالصحرا ولكن الكراض ديالو عاليين كوماندار انا : تبارك الله دامشي لاش طوموبيلتو غزالة تال ديك الدرجة المهم نخليك هاني نازل هههه رقية : واخا احبيبي (فهاد اللحظات اللي عاوت ليكم هادشي اللي ضار بيني وبين حبيبتي رقية راه ضار كلام بين عابدة وولدها علي الكوماندار مول الطوموبيل الغزالة) عايدة : اوا اولدي اش تبغي نوجد ليك لغدا ؟ علي : غي رتاحي اميمتي غادي نخرجو نتغداو على برا عايدة : لا غانتغداو فالدار علي : واخا اميمتي ماكرهتش شي كسكسو على شغل يديك اميمتي عايدة : واخا اولدي دابا انصيفط احمد يتقضا ليا علي : بقا فيا مسكين عمي المكي عايدة : كاملين هكاك اولدي علي : وهاد الظري اللي خظتم بلاستو بصح ولد ختو ؟ عايدة : اه الله اعمرها دار دري دريويش وكايسمع لهضرة وقوي كايدافع على الحي علي : مزيان عايدة : خدام احسن خدمة وبطوموبيلتك وبالبارطما ديالك هاهية فوقي غي مسدودة مفرشة مقادة مجهزة ومازال مابغيتي تزوج ؟ هاهو بان مول البارطما اللي فالطبقة الثانية) علي : ميمتي وهادشي انا لاش شديت الكونجي وجيت لعندك عايدة : هي عولتي اولدي علي : الا لقيتي ليا البنت المناسبة من غدا اميمتي عايدة : كاينة و موجودة غزالة كاتحمق لا من زينها لا من فورمتها والحداكة والتربية الحسنة وعائلتها دراوش بزاف علي : واقيلا بالغتي امتيتي عايدة : هز تيليفوني هاهو حداك دخل لتصاور وشوفها راه مصورا معايا علي : واخا ........ واش هي هادي ا ميمتي اللي مصورا معاك ؟ عايدة : ايه هي هاديك اولدي علي : غزالة تبارك الله ولا ماكياج لا والو تبارك الله عايدة : عرفتي شكون هاديك ؟ علي : لا عايدة : بنت خت المكي الله ارحمو وخت احمد اللي فتح ليك الكراج الصباح علي : صدفة زوينة هادي وفين تصورتو ؟ عايدة : فالموتا ديال المكي انا مشيت بت فالدار ديال احمد وهنية هي اللي قابللتني وستاغليت الفرصة وتصورت معاها واها ماكانتش متحمسا لتصاور حيت مامولفاش بيهم انا تعمدت نصورها باش نوريها ليك والحمد لله ملي عجباتك علي : ماخليتي ليا مانقول اميمتي اللي ظرتيها مرحبا بيها ماعمري عارضتك فشي قرار خديتيه وتا فهادي ماغانعارضكش عايدة : الله ارضي عليك اولدي وا خليني نسخر نسيبنا ايجيب ليا التقضية ديال الغدا هههه نزلات لالة عايدة لعندي لقاتني حاشي وجهي فالتيليفون عايدة : احمد مالك كاضحك مع التيليفون رجوع الله ههه انا : سمحي ليا ا لالة عايدة سهيت ههههه عايدة : بغيتك تقضا ليا شي حاجة من المارشي انا : اش حب الخاطر ؟ عايدة : الخضرة ديال مسكسو كولها ودوز تجيب ليا طعام الترية من الحانوت ديال الحي انا : واخا عايدة : هاك هاد 200 درهم والا خساتك شي حاجة كمل من عندك حتى تجي ونعطيك انا : واخا هزيت الموطور ديالي ومشيت تقضيت ليها داكشي اللي بغات وخوكم شطايري شييط معايا 120 درهم ههههه ولكن الخضرة مليحة جبت ليها التقضية ديالها وبغات دور معايا ورفضت عايدة : باغا نداكر معاك فشي حاجة مهمة مع ال 4 اجي لعندي انا : واخا نزلت لباب العمارة وانا نشوف هونيدة حطها الطرونسبورت هونيدة : عنداك تنسا الموعد ديالنا انا : الحب نخليوها ل 4:30 حيت عندي الشغل هونيدة : صافي واخا وصلات وقت الغدا وطلعت نتغدا مع صاحبتي رقية ولقيتها دايرة ليا الكبادي والطبحال معمرين بالكفتا ومبهرين فالفران داكشي جا غزال من بعد شحرات لينا واحد البراد منعنع شويا وحنا نزلو خرجات الطوموبيل ديالها هيونداي كاط كاط واعرة كاتحمق شدينا الطريق لخرجة ديال كازا وبدات كاتعلمني الاساسيات ديال السوقان ولقات عقلي خفيف التهار الاول قدرت نسوق واخا باقي تقيل دازت الحصة زوينة ورجعنا لدار مع ال 4 نيشان دوشت انا ورقية ولبست عليا لبسة زوينة من اللباس اللي شرات ليا رقية : شتك تفركستي انا : اه احبيبتي بغيت نخرج شويا رقية : ق لها ليا ونخرجو ب 2 انا : داير مع واحد الدري من ولاد الدوار ديالنا رقية : واخا احبيبي رد البال لراسك كازا خايبة انا : ماتخافيش نزلت دقيت على عايدة خرجات عندي ودخلاتني عايدة : جلس اولدي ، بغيت نداكر معاك فواحد الموضوع مهم انا : الله اسمعنا خبار الخير عايدة : انا شفت هنية ختك وعطباتني بزاف وبغيتها لولدي علي انا : فاجئتني بزاف عايدة : هاظشي ديال الخير خاسو افرحك انا : ولكن هنية عاد عندها 16 سنة قربات تكمل 17 عايدة : انا بادرة نخرج ليها الوراق ديال الزواج ف 17 سنة ماتنساش باللي خدمتي انا وولدي بنتي فالدولة انا : تبارك الاه ولكن صبري عليا نتاصل بمالين الدار وغدا نرد عليك عايدة : ماقلتي عيب نزلت وهزيت الموطور ديالي ومشيت لبلاصة اللي غانتلاقا ب هونيدة فيها ملي وصلت اما لقيت 2 دراري دايرين ب هونيدة وكايكريسيو فيها... يتبع...