" عاشق لميمات "

#عاشق_لميمات
عاشق الميمات - الجزء 30
----------------عاشق الميمات - الجزء 30------------------ خليناها فالجزء السابق ملي كنت فالسوق انا وصاحبي عزيز كانشريو شي حويجات وهو يتاصل بيا مول الشركة وبقيت مني منك حتى خلا ليا الشركة ديال الخياطة والشكلاط بالثمن اللي انا بغيت المهم ركبنا فالطوموبيل ومشينا عندو لمعمل مول الشركة : اوا 494 مليون غاتعطيها طانان ؟ انا : انا شاري منك شاري 100% جبت 200 درهم وقطعتها على 2 وعطيتو النص وخليت عندي النص انا : ها العهد ديال الرجال غدا نتلاقاو فكازا غايكونو الوراق كولهم واجدين مول الشركة : برافو عليك من بعد خرجت انا وصاحبي عزيز ورجعنا لسوق وحطينا الغدا 2 كيلو ديال الكفتا و براد اتاي مشحر والخبز باقي سخون وبدينا هاك بالاك عزيز : منين جاك هاد الخير كولو وسمح ليا على السؤال انا : واحد السيدة كنت خدام عندها ماتت مسكينة وكتبات ليا كولشي عزيز : الله ارحمها ، واش عندك 494 مليون ديال المعامل ولا لا ؟ انا : ماكاملة عندي تا 200 مليون فلوس ولكن عندي واحد الارض الا بغيت غانبيعها ب 300 مليون من دابا وعندي شي ذهب وعندي شحال من حاجة خرا وممكن نهز كريدي من البنك وممكن ندخل معايا شريك عزيز : اشمن شريك ؟ انا : كاينة البنت اللي انا معاها فالمدينة راها لاباس عليها كتر مني ولكن ماعرفش واش غاتبغي مها ولا لا عزيز : اوا راه ماعندكش الوقت انا : خلينا غي ناكلو ونتاصل بالبنت اصاحبي عزيز : كول كول ههههه بعد ماعالجت تاصلت بهونيدة هونيدة : الو حبيبي انا : صباح النور حبي هونيدة : صباح الانوار انا : ماماك فالدار ؟ هونيدة : اه فالدار وانا كاينة فبيتي انا : عندي واحد الهميزة وبغيتعا دخل معايا شريكة هونيدة : شنو هي ؟ انا : هادشي كبير عليك سيري قوليها ليها هونيدة : واخا تسنى خلات الاتصال دايز كانسمع كولشي ومشات عند ماماها هونيدة : ماما احمد بغا اهضر معاك ام هونيدة : شكون احمد ؟ هونيدة : جارنا ا ماما ام هونيدة : اه داك الغزال المسرار هونيدة : سكتي راه دايزة لابيل ا ماما ههههه ام هونيدة : الله إلعنك ارايه ارايه ام هونيدة : الو ولدي انا : السلام عليكم ا ميمتي ام هونيدة : كي بقيتو من الموت ديال رقية مسكينة ؟ انا : ها حنا صابرين ام هونيدة : محتاجني فشي حاجة اولدي ؟ انا : انا دابا فالدوار ديالنا وكنت دايز كانتسارا فالفيلاج ولقيت واحد الشركة لبيع وتاصلت بمولاها وتفاهمنا على كولشي وحتى الوراق وجميع ارجاء المعمل سوا ديال الشكلاك ولا ديال الخياطة وصورت الوراق ديالهم وصيفطهم لمحامية سلوى جارتك وشجعاتني باش نشرينم ب 2 وعطاتني حتى الثمن باش نشري ولكن انا عطيتو قل وقنعتو حتى قبل ولكن ماكاملينش عندي الفلوس ام هونيدة : خاسك السلف ؟ انا : لا خاسني الشريك ام هونيدة : الا باقين عندك الصور صيفطهم ليا نشوفهم ومن بعد نتاصل بيك انا : واخا قطعت عليها وسيفط ليها الصور وانا نشد الطريق انا وعزيز لدوار وفالطريق صونات ليا هونيدة انا : الو الحبيبة ديالي ام هونيدة : خالتك هادي ويلييييك على موقف تفو ماتبغيه لعدوك انا : سمحي ليا ا خالتي ام هونيدة : راه شفت الصور شحال طلب ليك ؟ انا : فديال الشكلاط 300 وفديال الخياطة 210 وانا عطيتو فديال الشكلاط 290 وفديال الخياطة 204 ام هونيدة : الله اعطيك الصحا وخلاص عيبرتيه ديال بصح هههههههه انا : اوا هادا ماكان ام هونيدة : شحال عندك نتا ؟ انا : غدا غانتبايعو ونتشاراو وانا نقدر نوجد غدا 200 ام هونيدة : صافي انا عندي ديك 294 اللي غاتخصك انا : يعني نتيا شريكة ب 60% و انا ب 40% ام هونيدة : اناخد غي 55% ونخليليك 45% ؤاك عزيز وغالي انا : شكرا ، قولي ليا كاتعرفي شي دهاييبي ؟ ام هونيدة : اه علاش ؟ انا : باغي نبيع شي ذهب غدا ان شاء الله ام هونيدة : غدا انا ماخداماش الوقت اللي دزتس عندي وغانمشي معاك انا : واخا ان شاء الله بعد ما قطعت عليها عزيز : مالك قبيلات فرانيتي وسديتي عينيك ؟ انا : ديك الو الحبيبة ديالي قلتها للام ماشي لبنتها هههههه عزيز : هانتا دخلتي شريك مع نسيبتك ههههههه انا : علام هههههه وصلنا لدوار حطيت احمد حدا دارو ونزل معاه التقضية اللي خدينا لدارهم وانا كملت طريقي لدار ولقيت الواليدة فالباب مع العيالات نزلت من الطوموبيل الواليدة : نحط ليك تغدا اولدي ؟ انا : لا تغديت ا ميمتي بغيت غي ندوش نتكا عيان الواليدة : هنية سخني لخوك البرمة هنية : واخا امي دخلت تكتيت حتى سخنات البرمة ونضت دوشت ولبست عليا وتكيت تال العصر نضت وانا نمشي لدار خالي المكي انا وختي الهام الصغيرة وصلنا لقيت مراتي خالي كاتعصر فالقهوة بالعشوب انا : ااا مالين الدار واش مابغيتو ضياف ؟ مرات خالي : مرحبا بولادي مرحبا انا : فين هند ؟ مرات خالي : راها فالكوري كاتعطي لبقر التبن انا : ها الهام معاك انا غادي عندها نشوف شكادير مشيت لكوري ولقيت واحد الكلب كبير خطيييير مطلوق شافني قصدني نشيان كان غايوزعني وهي تصفر ليه هند والوحشية ديالو تحولات للعب مع هند وينقز ويفرح كلب مربي مزياااان ولكن خطير على الغرباء هند : بوسا ولا نصيفطو إوزع ليك المسارن دابا نيت انا : واش نتي حمقا ؟ راه تجي مك على غفلة هند : تسنا نمشي نطلق النتوا ديالو انا : صافي صافي جاتك البوسا هند : هههههه هادشي غي ماكاتخافش من الكلاب انا : ماكانخافش ولكن هادو عندكم مربيين هههههه هند : هادو هو اللي كايحضيو الدار فغيابنا ماعرفت كا دار حتى تطلق من السنسلة ديالو انا : سميت هاد النوع ؟ هند : ضوجو ارجنتينو (الكلب الارجونتيتي) انا : شكون عطاهم لخالي المكي ؟ هند : واحد صاحبو معروفين هاد الكلاب كايتنافسو مع النمور بلا خوف انا : هادشي كايخلع ههههه هند : يالاه تشوف النتوا ههههه ملي وصلنا لبلاصة اللي كايتسدو فيها الكلاب شفت نتوا وشافتني وهي تنوض هي مبر من الذكر وبدااات كاتجبد فالسنسلة حتى قلت غاتقطعها انا ضهشراتني نههه هند : بغيت 3 ديال اابوسات ولا نطلق على حبيبي النتوا تا هي انا : وا جاوك ا لالة جاوك هند : الله اعز الحكام ههههه اجي طل دابا شافتني كانضحك معاك ماغاتقربش ليك انا : علاياش غانطل ؟ هند : على وليداتها طليت شفت 8 ديال الفراخ انا : شغاديرو بهادشي كولو ؟ هند : كانبيعوهم دابا راه تباعو 4 وباقين 4 غي اساوليو الفترة ديال الرضيع وغادي نعطيوهم لماليهم انا فلوسهم راه خديناهم انا : شحال كاتبيعوهم ؟ هند : 1000 درهم لواحد وراه قليلة فحقهم وبزاف كون كنا فالمدينة كون نبيعو لواحد منهم تا ب 5000 درهم انا : هادشي انا كاع ما فراسي 4 لي بقاو ذكورة ولا نتاوي ؟ هند : 2 ذكورة و 2 نتاوي انا : صافي خليوهم ليا غاناخدهم هند : نحشم نبيع ليك احبيبي انا : البيع وشرا مافيه لا با لا مي هند : واخا اسيدي جاوك انا : غدا ان شاء الله ايجيوك الفلوس ديالك تانتي هههه ياك هانية عند ماماك ؟ هند : الكلاب دياولي ومي كاتخاف منهم واخا عارفينها ومستحيل إضروها بسوء انا : شفت اللون ديالهم كاملين فالبيض الباهت ؟ هند : اه هادا اللون الاصلي ديال هاد النوع انا : مزيان ا لالة هند : ها الكلب سديناه والبوسات فينهم ؟ ديتها تكيتها على الكوري وانا نحط فمي ففمها وبدينا جبد يامات جبد انا : فراسك نتي اسغلالية ؟ هند : علاش ؟ انا : حيت استاغلبتي الكلاب باش تاخدي البوسات هند : باز لوجهك ههههه يالاه نمشيو يالاه اتكون مي كاتسنانا مشينا جلسنا مع مرات خالي درنا كاسكروت مرات خالي : بنت ختي غادير العرس بعد غدا فالعشية انا : اه اوا مبروك عليها ، شكون خداها ؟ هند : ولد شيخ القبيلة انا : اه سفيان ؟ هند : اه هو هاداك انا : دري درويش واخا كايهرب ليه الريزو مرا مرا هند : هههههه علاش كايهرب ليه ؟ انا : غي قلت باش يقرا القصة يقول شوف ادريس ذكرني فالقصة هههههه ( تحية للادمين #reda_bakrim  ) نرجعو للقصة ههههه مرات خالي : راه معروضين مالين داركم انا : اوا صافي غادي نجي ههههه مرات خالي : حتى كون قلتي ماغاديش تمشي كنت انديك معايا بزز منك انا : كايعجبوني العراسات ههههه هند : راني عارفاك شطاح ههههه انا : نتي وهنية منةوع تشطحو غدا هند : شفي ا مي اش كايقول هادا مرات خالي : بيناتكم انا : اوا هانتي سمعتي شي وخدة فيكم تزيغ مرات خالي : سمعت باللي دايرين الجوق انا : ارا برع ههههه هند : نتا برد حنونك وانا وهنية نشدو الارض انا : تماما من بعد صونات ليا سلوى انا : الو سلوى سلوى : امضرا شنو درتو ؟ انا : ديال الشكلاط 290 وديال الخياطة 204 سلوى : والله تا زدحتيه ههههه انا : ياك ههههه سلوى : هي غي نوجد ليك الوراق انا : اه وديري ليا حتى ام هونيدة غاتكون شريكتي ب 55% سلوى : واش جارتنا ؟ انا : اه سلوى : ونعم الاختيار راها صاحبتي انا : المهم غدا غادي نتكابو سلوى : كون هاني ، خليت ليك الراحة هند : كيفاش الشكلاط والخياطة ؟ مرات خالي : حشمي ونتي شغلك ؟ انا : غي خليها ا خالتي ههههه المعمل ديال الخياطة والشكلاط اللي فالفيلاج غادي تشريهم مرات خالي : والله اولدي حتا دير الاجر فالشباب ديال الدوار راهم ضايعين غي فالبلية هند : واااو انا : غي ايكونو رجال ا مرات خالي ومايخسهم خير مرات خالي : خدم ليا ولاد خوتي معاك ماتنساهمش انا : هما اللولين كوني هانيا باش نعطيو هند لواحد منهم مرات خالي : ايه علاش لا هند : والله لا كنت لشي حد فيهم لا زين لا مجي بكري مرات خالي : الله إقلل حياك هند : وا والله ماناخد شي واحد منهم انا : هههههه سمعي لميمتك وهنينا هند : نتا حسابك من بعد حتى ندير كاسكروت ونطلق عليك الكلاب انا : صافي سمحي ليا نزوجو ليك لي بغيتي مرات خالي : ههههه دوك الوحوش انا كايخلعوني هند : هههههه انا : غدا غادي لمدينة نجيب شي كادو لعرسان هند : ديني معاك مرات خالي : مييييسمتي اش هاد البنت كاطير كاطير هند : وا بغيت نشوف المدينة فين عمركم ديتوني ليها انا : غي خليها امرات خالي تمشي معايا فالعشية انكونو هنايا ان شاء الله مرات خالي : واخا غي رد ليها البال عافاك انا : واخا كوني هانية ا مرات خالي ، نخليكم دابا انمشي لقهوة عند الدراري مشيت وصلت ختي لدار وخرجت لقهوة ولقيت الدراري مجمعين حدا باب القهوة كايتغاوتو ماتيوقت ليهم دخلت نيشان لقهوة شديت واحد نوار مسوسا شويا هو يجي عزيز تا هو ماعندوش مع داك الغوات دخل لقاتي جلس حدايا شديت ليه تا هو نوار عزيز : ماتصورش شحال فرحتي ليا الواليدة اخويا حمد اما المدام خلاص انا : تستاهل احبيبي راه حنا خوت عزيز : ماعرفت اش ندير باش نرد ليك خيرك انا : كاين ما دير اخويا عزيز : على الراس والعين اخويا حمد أمرني انا : هادا طلب ماشي امر اخويا بغيتك تقابل ليا المعمل ديال الشكلاط والخياطة عزيز : ا الله اودي اخويا واش هادا طلب ؟ هادي احسن خدمة اخويا على راسي وعينيا انا : نتا تيقا اخويا وتشتركنا الطعام ومي فطومة راه فمقتم الواليدة وراك عارف بينك وبين الله مانخافش تغضرتي وتاكلني عزيز : تربيت اخويا احسن تربية الواليد الله ارحمو كان امام ديال المسجد ونتا عارف هادشي والحمد لله حتمت القرآن وانا صغير على يد الواليد ولكن فضلت نكمل قرايتي ملي خديت الباك ولكن ماجابش الله انا : شحال كان كايخلصكوم ؟ عزيز : 1700 درهم (34 الف ريال) انا : وشحال كان كايصور من المعمل ؟ عزيز : ماعارفش بالضبط ولكن الا حييدنا الضو والما والضرائب والاجرة ديال العمال ، القليلة القليلة غاتبقا ليه 60 الف درهم (6 ديال المليون) فالشهر انا : تبارك الله وشحال قلتو ليه ايزيدكم ؟ عزيز : كنا باغيين إوصلها لينا ل 2000 درهم (40 الف ريال) انا : كيما سمعتي انا شريك ب 45% يعني المعمل ماشي ديالي كولو غادي نشوف مع شريكتي ومايكون غير الخير ، قوليا السيستيم ديال الخدمة كيف داير ؟ عزيز : كاين المدير ديال المعمل اللي هو الشاف الكبير انا : اللي غاتكون نتا هو ههههه عزيز : ا خليني نكمليك هههه كين المدير وكاينين 5 ديال المسؤولين تحت المدير وهو اللي مقابلين العمال وماينين 2 ميكانيكيين و 2 تريسيانات وماينين 450 ديال العمال انا : تبارك الله المعمل كان هاز الدوار عزيز : الدوار ديالنا والدواور لوخرين وتا ناس الفيلاج انا : تبارك الله اوا ايكون خير شويا داك الغوات اللي كان فباب القهوة تحول لمدابزة وبداو 2 تماك دقا فيا دقا فيك ولوخرين كايفكو وانا مامسوقش ناض عزيز افك وانا نشوف واحد من اللي مضاربين ضرب عزيز نضت كان... يتبع...