" عاشق لميمات "

عاشق الميمات - الجزء 34
----------------عاشق الميمات - الجزء 34------------------ خليناها فالجزء السابق ملي خليت عزيز كايقاد امور المعمل و مشيت رييحت شويا فواحد القهوة وكنت لابس حوايج عاديين جا عندي الكارصون الكارصون : اش تشرب اخويا ؟ انا : نوار مسوسة الكارصون : واخا خويا مشا جابها و جا الكارصون : وجهك جديد هنايا باينة جيتي حتى نتا باش دفع لمعمل ديال الشكلاط اللي غاد كي تحل انا : انا جاي على وديت المعمل ولكن ماجايش باش نخدم اخويا الكارصون : بغيت نسولك خفتك تقول فضولي شرب اخويا قهوتك ومرحبا بيك انا : شكرا خويا اللهم يسر ولا تعسر بقيت شاد الستون بالقهوة وكانخربق فالتيليفون حليت الكونيكسون وانا نلقى شلا ميساجات من هونيدة وتا من هند وتا من سلوى تا من علياء من هونيدة : حبيبي واياك تزيغ عينيك فالعرس ها ودني منك جاوبتها : الا احبيبتي نتي لي كاينة وماكاين ماحسن من هند : عرفتي ماكانقدرش نجلس على قاعي اصاحبي خرجتي عليا جاوبتها : وا نتي لي بديتي ونتي لي بغيتي ههههه مابقيتش نعاود احبي صافي هادي والثوبة من سلوى : وا توحشتك اصاحبي اجي خلاص جوبتها : ياك غي البارح كنت تماك ؟ هههه قريب نجي ان شاء الله من علياء : والله نا عرفت كي ندير باش نشكرك فضلك كبير بزاف سيدي ربي هو اللي غايجازيك جاوبتها : هاداكشي درتو لوجه الله صافي ماتفكريش فالماضي داكشي فات من هنايا لقدام غايكون غير الخير ان شاء الله من بعد ما جاوبتهم فالواتس اب سديت دوني موبيل باش ماضيعش الكونيكسون هههه غي ضاحك رلني داير الاشتراك واش نسيتو ؟ من بعد صونيت ل ريم ام هونيدة ريم : الوووو الغزال انا : احلى ريم ريم : الله الله على كلام يا احلى كلام انا : ياكما مشغولة ؟ ريم : لا لا انا عاد كي خرجت من الدوش ديال لاصال غي خود راحتك انا : بصحتك وراحتك ا لالة ريم : الله اعكيك الصحة ، خبار الخير انا : راني فالمعما وراح فتحت ابواب التسجيل فالساعة الاولى سجلنا ما يقارب 400 عامل ريم : تبارك الله ، ملي تكملة العدد المطلوب شدو 200 عامل ديروهم فلائحة الانتظار وهونا وزهرهم انا : كوني هانية ا الوريدة ريم : كلامك غزال بيه طييحتي بنتي ا شويطين انا : الكلام #المعسول يخرج من فمي عندما #اقول ريم : وماذا تقول ؟ انا : اقول اني ساغلق الهاتف ههههه ريم : خود راحتك اللهم يسر ولا تعسر انا : تسناي تسناي ريم : وي مرحبا انا : ملي نجي بغيتك تخرجي معايا ريم : اه مرحبا علاش لا ولكن اشمن مناسبة ؟ انا : قلتي ليا الكلاص غايجي معايا والصراحة ماعارفش نخطار فهاد النوع ريم : اسيدي كون هاني انا عندي الذوف فهاد المسائل غانختار ليك اللباس وحتى البابيون والكرافاطات وحتى الروايح انا : لهلا اخطيك عليا الله اطوليا فعمرك ريم : امين احبيبي امين ولكن بشرط !! انا : شرطك مقبول ريم : انا اللي غادية نخلص عليك هادشي اللي غاتاخد فهاد شوبينغ اللي غانديرو انا : شرطك مامقبولش ريم : الراجل ماكايرجعش فكلمتو انا : غلبتيني ريم : اوا هكاك ههه يالاه خليت ليك الراحة من بعد هاد الاتصال الزوين مع ام التيتيزة ديالي نضت من الكافي وعييط على الكارصون جا لعندي انا : نتا ماشي فضولي وها البورفوار ديالك (200درهم) مشيت لطوموبيلتي ركبتها وجا لعندي الكارصون : خويا شكرا انا : بصحتك الكارصون : شرفني بيك انا : كول المعمل ديال الشكلاط و الخياطة خليتو مضهشر مسكين إبتيسمت ليه فوجهو وديماريت الطوموبيل وزت فحالي لمعمل دخلت لقيت عزيز باقي خدام وغي الاتصالات واحد ورا لاخور خليتو تا كمل انا : امضرا ؟ عزيز : راس الشهر غانبداو الخدمة تا الناس الليكايجيبو لينا الخام (المادة الاولية التي سنستخرج منها الشكلاط) راه تافقت معاهم وهاد المعمل عندو سمعة زوينة كي صونيت على الكليان اللي كاياخدو السلعة بداو كايضومونديو من دابا انا : تبارك الله عليك ، اوا راك قاري تبارك الله ماشي بحالي اللي خرجت من السادس هههههه عزيز : المهم عارف تكتب وتقرا العربية والفرونسي تبارك الله عليك خرجنا انا وعزيز ودورت مع العساس العساس : اللي اجازبك بالخير اسيدي انا : غي احمد بلا سيدي ، قوليا كاتعرف شي واحد اخدم عساس على المعمل ؟ العساس : اه عندي خو المدام تا هو مسكين غي دريويش وبلا خدمة انا : غدا جيبو معاك لعند عزيز ومايكون غي الخير وغاياخد بحالك العساس : اللي اجازيك بالخير اسيدي انا : غي احمد بلا سيدي من بعد ركبنا فالطوموبيل ونزلنا عند اول صيدلية خليت عزيز فالطوموبيل ونزلت انا مشيت جبت واحد البوماضا كايديروها الناس اللي مراض بالبواسير وهي مزيانة لديك البلاصة ملي ماتكون طايبة من بعد شدينا الطريق لدوار وحطيت عزيز فدارهم ودزت لدار خالي لقيت مرات خالي مريضة شادا الفراش سلمت عليهم وعطيت البوماضا لهند انا : واش نديوك لسبيطار امرات خالي ؟ مرات خالي : لا انا غانولي لاباس انا : الا ساعفتيني غي خلينا نديوك مرات خالي : حتى الا مادرتش لاباس اولدي انا : صافي واخا المهم ها التيليفون بيناتنا وصلات معايا هند لباب انا : هتكي الفلوس ديال الكلاب اللي قلت ليك غانشري منك هند : عافاك ماتحرجنيش انا : هادا راه البيع والشرا المهم ها 5000 درهم ملي اساليو الرضاعة دريسيهم حتى نجي ونخلصك فالدريساج هند : بغيتي دريساج ديال الحراسة ولا الصيادة ولا الهجوم ؟ انا : الهجوم والحماية هند : اذا 1000 درهم لكل كلب انا : تافقنا هند : غي ضاحكة هههه انا : لا جاتك ا لالة هههه المهم ديك البوماضا مرا وحدة فالنهار بعد ماتغسلي بالما دافي وتنشفي مزيان هند : واخا ا مول الفعلة انا : خليت ليك الراحة هههه مشيت لدار لقيتهم كايتسناوني لغدا جلسنا تغدينا ودارت لينا الواليدة واحد براد اتاي انا : قوليا ا با قلتي ليا دوك الهرفان والنعاج ب 20 مليون ؟ الواليد : ماواصلات اولدي انا : عطيتك 10 و هاك دابا 10 خرا والباقي ظيالك ا الواليد نتا وشطارتك الواليدة : الله اخلف عليك اولدي غدا السوق نيت خاسك تمشي معايا باش تعاوني وانا غادي ندور العشية عند الطاهر باش يمشي معانا بالتراكتور والشاريو انا : انشاء الله ، إمتى الفياق ؟ الواليد : 3 ديال الصباح حزم راسك انا : اعوذ بالله 3 ؟؟ الواليد : الا بغيتي المليح انا : واخا اسيدي مانعرفوش قدك فالعشية مشيت انا والواليدة لعند مرات خالي نشوفوها كي بقات والحمد لله ولات لاباس ناضت ودارت شغل الدار بيخير وعلى خير بعد ساعات... فييقني الواليد لبسنا علينا مزيان من البرد وركبنا فالطوموبيل قبل مانديماري انا : فين ولد الطاهر ؟ الواليد : غايلحق علينا نمشيو حنا نشريو ومايكون غي الخير انا : شحال درتي معاه ؟ الواليد : خلصتو مايهمكش اولدي انا : لي باليك ا الواليد ، مشينا ؟ الواليد : على بركة الله مشينا لسوق اللي كان بعيد علينا شي 20 كلمتر وصلنا ليه وصطايسونيت الطوموبيل ووصيت عليها الكارديان والواليد لابس واااااحد مولاتي الجلابة وهاز معاه اكبر زرواطا انا : غادي تحرر فلسطين ؟ الواليد : والله تاياكلوك الدياب الا ماتحزمتيش هنايا انا : واخا ا سيدي نتا تعرف ههه دخلنا لسوق وكووولشي عارف هنايا الواليد حيت سبايبي لي داز من حداه كايسلم عليه ولاحظت باللي الواليد كايسول على راحل محدد حتى لقاه وشفت انا الكسيبة ديال هاد الراحل غي السردي المليح بقا الواليد معاه مني منك مني منك شي 30 دقيقة حتا خدا منو 30 نعجة ومعاهم 22 خروف صغير ب 17 مليون بقيت غي مبجق عيني فالواليد ومن الشطارا ديالو الواليد : خاسيني تا 2 حوالا كبار بلغين سرادا البياع : عندي ولكن فالدار ماشي هنا الواليد : شحال الثمن ؟ البياع : 60 لواحد راك عارف السوق ماشي شي واحد اللي غايتشمت نتا الواليد : غدا ها حنا عندك فالدار ان شاء الله جا مول الشاريو وشارجينا النعاج ومشينا فحالنا لدار وصلنا وبدات الواليدة فالزغاريت الواليدة : الله اسهل عليك اوليدي هادشي زين تبارك الله انا : ربي يخليك اميمتي حطات لينا الواليدة الفطور فطرنا انا : شحال ديال الحلف والتبن غايكفيهم كل شهر ؟ الواليد : ماضرب حساب لداكشي انا : لا قول نتا بحرا تكافا مع البهايم ديالك الواليد : فالشهر 50 الف (2500 درهم) ولكن هاد الثمن الغالي راه فيه الشمنضر والذرة والشعير والنخالة والتبن... انا : ماعنديش مشكل فالثمن ا الواليد ، نتا شحال من راس ديال الغنم عندك ؟ الواليد : شي 60 راس و 12 بقرة بلدية انا : علاش مادرتيش الهولندية ؟ الواليد : مشيتي لمدينة اولدي غي شي شهورة نسيتي كولشي فين الفلوس ديال الهولندية غي بقرة وحدة كاتوصل ل 3 ديال المليون خلي العلف ديالها انا : غانديرهم ليك ا الواليد ان شاء الله كون هاني الواليد : ديرهم لراسك واخا اما ليا انا لا اولدي انا : لي باليك ا الواليد الواليد : العشية غانمشي نجيب دوك 2 حوالة من عند البياع وتبارك الاه هاد الكسيبة ديالك 30 نعجة بالغة و 22 خروف صغير و 2 حوالا كبار غي ايدور العام غادي اتضوبلو ليك خاصة بالعلف المزيان اللي غاياكلو انا : غاتبقاو تلقوهم إرعاو ؟ الواليد : لا غايبقاو فالكوري على طول وفايبقاو اخرجو غي لساريج اشربو انا : نتا تعرف ا الواليد من بعد هاد المحادثة اللي دارت بيني وبين الواليد نضت نتسارا شويا فالدوار فالطبيعة وانا نشوف داك الشمكار اللي فايت ليا سلختو كايتبسل على واحد البنت يتيمة مسكينة ولكن زوينة وماعندها اللي إدافع عليها حيت ماعندها لا اب لا ام لا خوت عايشة غي مع خالتها ملي بدات كاتجاهلو هو يشدها بالزز وبدات البنت كاتبكي ولكن ماقدراتش تغوت حيت خافت منو وهو السيفا ديالو دايرة كي ابليس وضارب يديه والوشامات بحال دفتر الوساخ ماشي تا شي وشام إحمر الوجه وهاد البلاصة فين شدها خاوية وكان غالبا جايا البنت من الحانوت وهو لقاها من الجنة والناس مشيت عندو ماحست تا شنقتو من اللور بالخلعة طلق البنت وجات تخبات ورايا انا : شنو دارت ليك البنت تا تشدها هاد الشدا ؟ الشمكار : عيبنا واحد اخويا حمد انا : هاد العيب هو باش طييحتو الذل على الرجال ا جيفا يالاع غبر مابغيتش ندير فيك يدي من بعد مامشا هي : شكرا اخويا حمد انا : دنيا هانية اختي ، انا زربان دابا عندك تيليفون ؟ هي : اه انا : هاك تيليفوني كتبيلي نمرتك حتى تتاصل بيك من بعد ا بنت بلادي هي : واخا اخويا حمد شكرا على المساعدة ديالك من بعد مشيت لدار خالي ودخلت وجلست مع مرات خالي شويا سالات هند الشقا وجات جلسات معانا وقلت ليهم باللي العشيا غادس نرجع فحالي لمدينة هند بقا فيها الحال بزاف ومابغاتش تبيين حدا مها مرات خالي : هانا غادا اولظي نجيب ليك القفاطن اللي كريتي لينا مشات مرات خالي وشفت فهند لقيتها كاتبكي انا : مالك ؟ هند : سخيتي ؟ انا : لا ولكن عندي شغالاتي فالمدينة خاس نقابلهم هند : تال امتا هاد الحال ؟ انا : راك باقا صغيرة هند : مايهمش ديني غي بالفاتحة انا : لمن اتخلي ماماك ؟ هند : سديتي عليا البيبان ياك ؟ انا : لا كانقوليك اللي كاين ، مسحي دموعك ماماك غاتجي قربات ليا وعطاتني بوسا طويلة فشفايفي من بعد جات مرات خالي انا : هاد الصاك كبير مرات خالي : فيه الزبدة والبيض البلدي واللبن والقفاطن انا : الله اقوي الخير مرات خالي خيرك سابق اولدي يتبع...