" عاشق لميمات "

عاشق الميمات - الجزء 44
----------------عاشق الميمات - الجزء 44------------------ خليناها فالحزء السابق ملي خرجت من المكتب ديال تورية وهي تصونيلي هونيدة كاتبكي انا : مالك اش كاين ؟؟؟؟؟ هونيدة كاتبكي : اجي دابا لكلينيك انا : واقولي شنو كاين قطعات التيليفون وانا ركبت طوموبيلتي مشيت بواحد السرعة ماحسيت براسي تا وقفوني البوليس عطيتو فلوس الغرامة قلت ليه غي اسربيني من بعد شديت الطريق لكلينيك ودخلت بالزربة لقيت هونيدة كاتبكي ومعاها سلوى المحامية وتا سامية انا : قولو ليا شنو كاين ؟ سلوى : ريم تفتحات ليها بلاست الفتيح ودخلوها لغرفة العمليات انا : ياكما شي حاجة خطيرة ؟ سلوى : ماقالو لينا والو بقينا كانتسناو حتى خرج الدكتور وقالينا باللي الجرحة تسدات والعملية نجحات ولكن المريضة فاتبقا فالمصحة لاسبعين الحمد لله رتاحينا بعدا من جهة ريم وغانمشي انا لدوار مرتاح جريت سلوى وقلت ليها على القضية ديال الفيلا ديالي وشجعاتني عليها من بعد مشيت لدار تغديت وهزيت شي فليسات وقبل مانزلت دزت لبيم خديت شي تقضية لدار ومن بعد نزلت لعروبية ديالنا بعد ساعة ... وصلت دخلت لدارنا لقيت العائلة مجموعة وفرحو بيا المهم جلست جنب الواليد وكانت تا مرات خالي وبنتها هند خرجت لجنان ديال الدار وتبعاتني هند انا : عرفتك غاتجي لعندي هند : اوا ا سيدي فين هونيدة ديالك ؟ انا : بلا بسالة هونيدة راه ماماها بين الحياة والموت غي البارح دارت 2 عمليات وهي كاتهضر عليك غي بالخير وكاتشكرك مال قلبك كحل من جهتها ؟ هند : والله ما فراسي وهونيدة عزيزة عليا غي ضحكت معاك وصدقتي مهجرها ليا انا : كون قالت هي نفس الهضرة كون هجرتها ليها هند : سمح ليا احبيبي انا : سيري كلمي ليا الواليدة باغيها هند : واخا بعد 15 دقيقة... جات الواليدة وجلسات حدايا فواحد البلاصة زوينة فالجنان الواليدة : خبار الخير اولدي انا : كي بقى الواليد ؟ الواليدة : باك لاباس عليه قوليا نتا شنو باغي بلا ماتنوعر عليا انا : ههههه المهم ا الواليدة انا كبرت الحمد لله وبداري وبالمشاريع ديالي باغي نتزوج اميمتي الواليدة : انا نيت باغية نزوجك ا ولدي عاد نرتاح ها هند بنت خويا المكي الله ارحمو بنت شهوة منها و غي ملي كانكونو جالسين كانشوفها كاتبغي تاكلك بعينيها انا : ميمتي تعقلي على ريم ؟ الواليدة : المرا اللي وقفات معانا فالموضوع ديال باك اه عاقلة الله اعمرها دار مسكينة ماكرهتش نرد ليها الخير ديالها انا : ريم مسكينة غي من البارح ليوم دارت 2 عمليات ودابا راها فالمصحة الواليدة مخلوعة : مالها مسكينة ؟ انا : على المسرانة الزايدة وتحلات ليها الجرحة وعاودات عملية خرا الواليدة : خاصنا نوصلو عندها اولدي نديرو الصواب انا : ان شاء الله ماشي موضوعنا ، هادا ا ميمتي انا ملي مشيت لمدينة فالاول راه تعرفت على هونيدة الواليدة : هونيدة ؟ انا : اه هونيدة بنت ريم اميمتي الواليدة : اه كمل ليا انا : من بعد بغيتها وتعرفت تا على ميمتها ريم وولات شريكتي فشحال من مشروع وغي ول بارح عطاتني الوكالة على كااااع الملاك ديالها ندير مابغيت فالاملاك والفلوس الواليدة : ديك المرا الله اعمرها دار واش هاد هونيدة هي اللي كانت كاتجي معاها لسبيطار ؟ انا : اه ، كي جاتك ؟ الواليدة : شهوة منها اولدي غزالة تبارك الله ولكن كي غانديرو مع هند بنت خالك ؟ انا : باغيهم بجوج ا مي الواليدة : شكون هاد الهبيلة اللي غاتقبل شي وحدة خرا تشاركها فراجلها ؟ انا : دوزت ليهم ختي هنية وراه تافقو اصلا راهم صحابات الواليدة : انا كانتيق فيك اولدي ها البنيتات نحييدوهم من الحساب وماواتهم ؟ انا : ريم لتازمات وبدات الصلاة وتا السلام باليد مع الرجال مابقاش ماكانضنش واش غاتعارض هادشي لي باغا بنتها خوصوصا شي حاجة حلال الواليدة : مرات خالك خليها ليا انا نتكلف ليك بيها انا : الله اخليك ليا ا ميمتي الواليدة : الله ارضي عليك اولدي واسهل عليك هادشي لي باغي نتا راه حلال واخا صعيب دير 2 وراهم غي دريويشات انا : الساهلة ايجيبها الله ا ميمتي من بعد دخلت انا ومي لدار ولقيت هنية وهند كايهضرو مع هونيدة وخرجت انا مشيت لقهوة ديال الدوار جلست مع الدراري تماك وتاصلت بعزيز ملي اسالي لخدمة غايلقاني فالقهوة ملي طاحت الظلمة جا عندي عزيز رييح معايا شويا سولتو على امور العمل قاليا غدا نضرب عندو دورة وعطاني خبر زوين واللي هو المدام ديالو حاملة باركت ليه وفرحت ليه بزاف حيت عزيز دري درييف ويستاهل كل خير فحياتو المهم رجعت لدار تعشينا مجموعين ولقيت هند جابت الكلاب لدارنا ومربيين كايسمعو لكلام وقررت باش ندي معايا ذكر ونتوا لمدينة ونخلي لمالين الدار 2 تعشينا مجموعين وفالصباح عطيت لواليدة واحد 5000 درهم على وديت العلف ديال البهايم ديالي درت الكلاب فكارتونة فالكوفر ومشيت لفيلاج مع ديك ال 10 ديال الصباح كلاكصونيت ماعرفنيش الحارس ديال الباب صونيت على عزيز خرج عندي ودخلت بعد ما قال لعساس انا مول الشي شفت الاجواء تماك الناس خدامة على راسها والحركة مشيا الحمد لله ودزت لشركة ديال الخياطة كي شافوني البنات والعيالات بقاو كايدعيو معايا حيت خدمت ليهم ولادهم وخوتهم ورجالهم عندي فالمعمل خرجت من الشركة ركبت طوموبيلتي مشيت لديك الكافي اللي سبق ليا وجلست فيها شافني الكارصون عقل عليا جا كايجري سلم عليا الكارصون : نوار مسوسة سيدي انا : هههههه عقلتي عليها هههه غي احمد بلا سيدي الكارصون : خيرك كبير عليا وعلى ناس الدواور والفيلاج خوتي نيت خدامين عندك وختي خدامة عندك فالشركة ديال الخياطة بالفرحة مسكين بدا كايهضر بالجهد انا : هضر غي بالشويا ولكن هايهااااات هايهات سمعوه اللي فالقهوة وتجمعو عليا كايشكرو فيا ها اللي كايبوس لي راسي ها اللي كايبوس لي يدي... وانا ماعرفت باش تبليت جاتني البكية والله باينة فيهم كانو ضايعين مساكن واحد الراجل كبير فالعمر : كمل على خيرك اولدي كمل على خيرك اولدي راه المدرسة شبه مهدومة والضواو فالفيلاج والو فالزناقي والما كايتقطع كانبقاو بلاش... جاوبو واحد الراجل اخر : الله اهديك اعمي ياكما اصحاب ليك راه رئيس المجلس البلدي هادا ؟ راه غي ولد الحلال خدم لينا وليداتنا وخوتا وخواتاتنا وبناتنا شنو بغيتي كتر ؟ الراجل الشارف : سمح ليا اولدي انا ماعارفش قلت يمكن دير شي حاجة فهادشي انا : الساهلة ايجيبها اللع اعمي مشا الكارصون جاب ليا نوار ديالي بقيت شاد بيها الستون من بعد خلصتو بالبورفوار ديالو ركبت طوموبيلتي وشديت الطريق المدينة بعد ساعة ... وصلت طلعت لكلاب لسطح تبعوني البنيتات خليهم كايلعبو مع الكلاب بواحد الكورة وتا الملاب واخة من النوع الشرس ولكن هادو مدرييسيين وباقين صغار (4 اشهر) دوشت ولبست عليا وصونيت لهونيدة وقالت ليا باللي راها عند ماماها مشيت لعندهم سلمت عليهم لقيت ريم بيخير وعلى خير الحمد لله وبلغت ليها سلام الواليدة وقلت ليها تا النشاريع ديالنا فالفيلاج راه مزيانين ريم : جربت وحسيت وعرفت باللي الصحة هي كولشي والمال والله ماينفعك الا الا استعملتيه فما يرضي الله انا : قريتي افكاري وبغيت نقتارح عليك واحد الحاجة هي صدقة جارية ريم : مرحبا انسيبي قوليا قلت ليها شنو قاليا الراجل الشارف فالفيلاج ريم : انا غادية نتكلف ليهم بالضو ديال الفيلاج وبالترميم ديال المدرسة وتا المشكل ديال الماء الصالح لشرب غادية نحلو ليهم باذن الله بصح نيت الناس ديال العالم القروي واكلين العصا انا من غدا غادية نتاصل بالناس ديالي وهما غايتكلفو ونبغيك توقف على هادشي نتا شخصيا انا : مرحبا و الف مرحبا ونفس الشيء غادي نديرو انا فالدوار ديالنا وغادي نبني ليهم تا مسجد اللي اكفيهم ريم : على ذكر المسجد كيف داير عندهم فالفيلاج ؟ انا : راه شفتو صغير ريم : تا هو غادية نحتاضنو باذن الله ، كانعرف رجال اعمال خانزين فلوس هاهوما ماتو شنو داو معاهم ؟ الكفن مافيه جيوب اولدي خلينا نسبقو رزقنا فالدنيا باش نلقاوه فالاخرة انا : كلامك فالصميم الله اجازيك بالخير فهاد اللحظة تاصلات بيا سلوى وقالت ليا خبر صدمني يتبع...