" عاشق لميمات "

عاشق الميمات - الجزء 24
----------------عاشق الميمات - الجزء 24------------------ خليناها فالجزء السابق ملي خرج المحامي وخرجنا كاملين من الدار بعد ما خديت الساروت وطلعت لبيتي وتكيت فيها شويا وهي تصوني ليا هونيدة وبديت كانقطع عليها وطلعات عندي علياء علياء : قالت ليك لالة عايدة نزل دير كاسكروت انا : مافيا لي ياكل غي بالصحا والراحة علياء : الله اخليك غي نزل تعتق روحك شويا انا : بغيت غي نرتاح والله علياء : واش نطلع ليك كاسكروت هنا ؟ انا : بلا ما تشقي راسك علياء : الله اصبرك تكتيك طحت طيحا وحدة تال صباح من كترت العيا ماحسيتش بالوقت فقت بكري نزلت لقيت سلوى مطلعة ليا الفطور تلاقينا فالدروج سلوى : كنت جايبا لبك فطورك انا : ربي يخليك مافيا لي ياكل سلوى : لا والله حتى تاكليك شي حاجة خود ليك غي حليوة وكاس دالحليب راه موصيانا عليك ختي رقية الله يرحمها ماحبست البكية غي بالزز المهم خديت حليوة وكاس دالحليب كليتهم فالدروج نيت وحليت الدار ظيال رقية اللي ولات داري خدي منها ااوراق اللي عطاني المحامي ونزلت هزيت موطوري ومشيت نيشان لقهوة ديال المرحومة ولقيت واحد البارمان تماك سميتو سمير هو اللي دوات ليا عليه المرحومة وقالت ليا راه ولد الحلال وراه جا فالعزوو وشافني ووريت ليه الوراق وعرفني انا مول الشي ووصيتو يجمع ليا ونبقى نجي مرا فالشهر والبان كولشي يكون محسوب ودخلت لبيرو اللي كاين فالسدا وبقششت فالوراق انا راني نيفو باك وراني عارف وقاري وفاهم واخا ولد العروبية من بعد شديت الطريق لصالون ديال المرحومة ماعمري مشيت ليه ولكن عارف النعت كاين فالحي الحساني فموقع استراتيجي وقالت ليا رقية باللي كايدخل 4500 درهم كل شهر وهادي غي ربح بلا الخلصة ديال الكوافورات اللي خدامين فيه واللي هما 3 ديال الكوافورات بالديبلوم ديالهم المهم مشيت ولقيت الصالون ولقيت واحد المرا عاد كاتفتح المحل ووقفت عليها بالموطور هي : مازال اودي ماغانبداوش انا : ماجايش نقاد شعري هي : اصلا الصالون راه خاص غي بالنساء انا : وعلاش قلتي باقي ماباديين ؟ هي : مالنا على هاد الهضرا سبحنا على الله انا : جيت عند محلي هي : محلك هههههههه بتين ليا نتا كنتي سهران طول الليل سير اولدي جيب دورة سير ولا نعييط ليهم يجمعوك انا : خفت تعييطي ليهم ويصدقو هازينك (هاد المرا غزالة كاتحمق راكون عارفين الكوافورات) المهم هبط من موطوري وبغيت ندخل لصالون نشوفو من الداخب كيف داير حيت عمري شفتو وهي دفعني حتى طييحاتني نضت ماهضرتش معاها وهزيت تيليفوني وصونيت لكوافورة القديمة فهاد الصالون سميتها غزلان وجات الجنازة وشافتني وعرفاتتي ولكن ماعارفانيش وليت مول الشي انا : الو غزلان (واللي دفعاتني كاتسمع) غزلان : اهلا احمد صباح النور انا : اجي لصالون دابا انا حداه وواحد ختنا فالله هنايا دايرة فيها رجل امن غزلان : عطيني 10 دقايق نكون عندك تسنينا تا جات غزلان : اهلا سي احمد لاباس عليك ؟ انا : كنت لاباس حتى شفت هاد الكمارة على الصباح غزلان : نورة ؟ هادا سي احمد الصديق ديال المرحومة لالة رقية وجارها نورة : ماقالياش هادشي قاليا باللي هو مول المحل غزلان : كيفاش ا احمد ؟ عطبتها الوراق شافتهم غزلان : مرحبا بيك فمحلك انا : ترحب بيك الجنة ديك نورة بقات مصدومة فباب المحل انا : غي دخلي دخلي سمح ليك على الدفعة نورة : سمح ليا ا سيدي راني خدامة على مبمتي هي اللي عندي الله اخليك سمح ليا انا : الله اسامح انا شفت الصالون من الداخل تصدمت كبير بزاف ومافراسيش باللي راهم كوافورات ونكافات وحتى التريتور اللي ملاسق معاهم راه ديالي وهو تريتور كبير والصالون والتريتور بجوجهم فالوراق و غي التريتور كايدخل تال 5000 درهم لشهر بالاخص فالصيف كايدخل كتر وعييطات لتريتور جا وسلم عليا وقدم ليا الاحترام وشوية جات الكوافورو الثالثة سميتها شيماء كاع هاد الكوافورات غزالات وتا لباسهم مانعاود ليكم خلاص غزلان اللي مكلفة بالصالون راه جات بطوموبيلتها كاع بعد ما عرفوني تافقت معاهم كل شهر غانجي على وديت الحساب وخرجت ركبت موطوري ومشيت لديك البقعة الارضية اللي كاينة فموقع زوين وبزاف وشفت الرقم ديال رقية مازال مكتوب فالحيط ديال واحد الإقامة سكنية وكشيت لواحد الدروكري كاين فداك الحي الراقي وشريت منو واحد لابومب ديال الصباغة ومسحت الرقم ديال رقية وكتبت الرقم ديالي هو يوقف عليا العساس ديال داك الحي بالزرواطة العساس : اش كاي*لون نتا عنا ماعندك مايدار ؟ انا : هضر مأدب راني مول هاد البقعة العساس : وريلي الوراق وريتهم ليه العساس : سمح ليا ا سيدي راه خدمتي هادي راك عارف كازا خايبة وانا كانحافض على الامن ديال هاد الحي انا : ماشي مشكل ، قوليا نتا قديم هنا ؟ العساس : 7 سنين انا خديت بلاست الواليد الله ارحمو انا : الله ارحمو ، قوليا العقار هنا شحال واصل ؟ العساس : خت هاد البقعة ديالك تباعت السيمانة الفايتة ب 200 مليون حيت هادي ماشي بقعة راها قطعة ارضية كبيرة و إقامة اللي غاتبنا هنا ماشي غي دار ولا عمارة جبت واحد 50 درهم وعطيتها ليه فؤديه وركبت موطوري انا غادي وهو كايدعي معايا دزت لبنكا حيت بغيت نحول الفلوس من الحساب ديال رقية الله ارحمها لحساب ديالي كي شاف واكد الموضف الوراق طار عند المديرة وخرجات استقبلاتني شخصيا المديرة : تفضل لمكتب ديالي مرحبا دخلت و المديرة : تشرب شي حاجة ا سي احمد ؟ (عرفاتني حيت شافت تا هي الوراق) انا : لا لا ماكاين لاش المديرة : قوليا شنو المطلوب منا ؟ انا : الحساب ديال رقية بغيتو يرجع ليا فالحساب ديالي المديرة : مرحبا هادا طلب ساهل ولكن واش عندك حساب بنكي عندنا ؟ انا : ماعنديش فتا شي بنك المديرة : ارا ليا غي البكاقة الوطنية دابا نفتحو ليك انا شخصيا (لدابا مازال ظستغرب علاش هاد المعانلة الزوينة كاملة من المديرة شخصيا) المديرة : ها الكونت فتحتو ليك وحولت ليك 150 ديال لالة رقية لحسابك انا : 150 اش ؟ المديرة : 150 ميلون انا : ك ك ك ك.. ك ك ك ك ك ...... ك كيفاش ؟؟؟؟؟؟؟؟ المديرة : اه 150 مليون هادا هو الحساب ديال 150 مليون انا نفاجرت بالبكا حدا المديرة المديرة ناضت عندي جابت كلينيكس وعطاتو ليا المديرة : مالك اسي احمد ؟ انا : مسكينة هادشي كولو عطاتو ليا ماهماتها تا حاجة من غيري المديرة : راه تا انا استغربت وبزاااااااف 150 مليون دقا وحدة حولاتها ليك مالها فين هي ؟ انا : تحت التراب المديرة : ان لله وان اليه راجعون البركة فراسك انا : مامشا معاك باس المديرة : بعد يوماين غاتوصلك كارت كيشي تال دارك فالعنوان اللي عطيتيني مسحت دموعي وشكرت المديرة وعطاتني حتى كارت فيزيت ديالها وخدات نمرتي وخرجت منها ودخلت لطواليط غسلت وجهي وركبت موطوري ومشيت لمدرسة ديال السياقة باش ناخد الموعد فاش ندوز وعطيت الحبااااا لمديرة ديال المدرسة وخلاتني ندوز مع واحد الفوج غايدخل دابا نيت دخلت وقلت على قبل رقية اللي علماتني غادي ووقفات فجنبي دوزت الحمد لله نجحت وجبت فيه 38/40 وعطيت 300 درهم وخرجات ليا المديرة الورقة باللي راه نجحت فالسوقان البلاد ديالنا عطي غي الفلوس اعطيوم اي شهادة بغيتي ماتقرا ما ماتحفض البلاد ظيالنا من اللخر مابغاتش #الباك بغات #باباك وقلت لمديرة باللي انا : باغي البيرمي ديالي دابا ومستاعد نميزي المديرة : اه مرحبا ولكن فالعشية ماشي دابا غاتجي عندي لسيرفيس ديميل انا : صافي واخا ال 16 مزيانة ؟ المديرة : مزيانة و 500 درهم مزيانة ؟ انا : غي وجديه ليا وماعنديش مشكل شديت الطريق لدار دخلت الموطور وخرجت الطوموبيل جبت دويرة غي فالحي من بعد رديتها ودخلتها وشافتني علياء كانت مسخرة لحانوت علياء : واو جات معاك الطوموبيلة واش عندك البيرمي ؟ انا : عاد خديتو دابا علياء : اوا مبروك عليك فرحت ليك خاسانة الموناضا انا : تستاهلي احسن عراضة علياء : اوا عنداك ماديرهاش انا : كوني هانية علياء : عارفاك راجل ونص انا : اجي عاونيني بغيت نخمل الدار ديال رقية علياء : نسا رقية ودعي معاها هاديك دارك ا احمد انا : الله ارحمها مسكينة واوسع عليها طلعنا وتلاقينا ب فاظمة انا : اجي ا فاظمة معانا تانتي محتاجك علياء : سبقوني نسد غي على الغدا ونجيب بنتي ونلحق عليكم طلعت انا وفاظمة فاظمة : شنو بغيتي دير ؟ انا : باغي نخمل الدار من جديد فاظمة : لالة رقية الله ارحمها كانت مبلية بالنظافة ودارها نقية بزاف وكبيرة تبارك الله وفيها احسن فراش واحسن اجهزة إليكترونية انا : اوكي غي نسييقوها ونجبدو حوايجها نحييدوهم دخلت لبيت النعاس انا وفاظمة شوية جات علياء وبنتها الغزالة وجبدنا ماااع الحوايج ديال المرحومة وعندها الخوايج بزاف بزااااااف وعطيتهم ل فاظمة وعلياء اقسموهم وغي الحوايج الغاليين وحتى الروايح والماجياج عطيتو ليهم علياء : احمد اجي تشوف تصدمنا ملي لقينا واحد الباليزة متوسطة ملي حليناها لقيناها عامرة بالذهب 2 مضمات غلاض والسناسل والخواتم واادبالج والبراسليات والحلقات... وكولهم بالوراق ديالهم سديت عليهم وحديناهم على جنب انا : فاظمة طلعي جيبي ليا حوايجي من بيتي اللي لفوق وداكشي اللي فالصندوق اللي عندي فبيتي الفوق قسموه نتي و علياء وطاعي معاها ا علياء حيت كاينين الحوايج بزاف المهم حولنا كاع حوايجنا وكاع اللوازم ديال رقية فرقتهم على فاظمة وعلياء وداكشي اللي فالسندوق ديالي لفوق كان فلوس شي 1000 درهم قسموها بيناتهم من بعد عييطات لينا عايدة كاملين نتغداو عندها حتى سلوى وراجلها تغدينا الحمد لله وطلعت لداري دخلت لبيت النعاس اللي باقي كانشم فيها ريحت رقية وبقيت مانخمم فهاد الخير اللي دارت فيا الصالون 4500 درهم اللي كايدخل فالشهر التريتور 5000 درهم اللي كايدخل فالشهر المقهى 6000 درهم اللي كادخل فالشهر القطعة الارضية تباعت وحدة بحالها ب 200 مليون ولكن غانخليها تزيد حيت العقار غادي وكايتزاد الحساب البنكي 150 مليون وخلي الارض الزراعية اللي فالخرجة ديال كازا هادي باقي كاع ما شفتها كيف دايرة سمعت كبيرة بزاف يتبع...