" عاشق لميمات "

عاشق الميمات - الجزء 37
----------------عاشق الميمات - الجزء 37------------------ خليناها فالجزء السابق ملي طاحت الظلمة ومشينا لديك الريسرتو اللي قالت لينا عليها ريم مقابلة مع البحر وكبيرة بزاف وزوينة ورجال الامن فالباب وموضفين خاصين بالاستقبال واللغات كايعطيو ليهم قتلا ههههه خوكم خارج من السادس ههههه المهم استقبونا احسن استقبال واحد خونا لابس مزيان باينة فيه هو المكلف بالريستو هادشي الا ماكان مولاها كي شافنا جا كايسربي فالمشيا كون لاق ليه كو جا كايجري مافهمتش علاش جا وهو إحني راسو احتراما هو : لالة ريم شرفتينا ريم : مروان كي غادا امور هنايا ؟ هو : بمعييتك كولشي مزيان الحمد لله لالة ريم شرفتونا تفضلو ،أجي نتي سربي نوضي الناس اللي فديك الطاولة الرئيسية راج جات لالة ريم ريم : لا عيب خليهم حنا غانجلسو فاي وحدة هو : خليني نخدمكم ا لالة هاد الليلة غايشرفني هادشي ريم : لي باليك ديرو مشا خطار لينا طاولة زوينة فالمقدمة ومشا جاب لينا داك الدفتر اللي فيه كاع الوجبات ريم : انا اللي غادية نخطار ليكم على دوقي هونيدة : ماما علاش هادا كايعاملك بهاد الاحترام كولو ؟ ريم : خليني نخطار دابا من بعد ونقوليك بقات كاتشوف شحال فداك الدفتر ريم : قيد عندك اش غاتجيب لينا هو : مرحبا لالة ريم : فالاول 3 الصوبا ديال الخضر ومن بعد غاتجيب لينا 3 صلاد فخوي من وراها 3 بلا ديال فواكه البحر من بعد طاجين كبير ديال الحوت وفالاخير التحلية على دوقك هو : على الراس والعين مشا عند مول الكامانجا وقاليه شي حاجة فودنيه وجا لعندنا بكامانجتو دايرها حدا ودنيه وبدا كايعزف لينا الحان جميلة جبدات ريم 200 درهم دارتها ليه فجيبو وبقا مكمل العزف ديالو شويا خونا بنفسو جاب لينا الصوبات واخا كاينين السربايا بزاف شي 6 ولا 8 ولكن هو كايخدمنا بنفسو ولحد الان مافهمتش علاش ومابغيتش نسول حيت سولات هونيدة وتهربات من الجواب هونيدة : ماما سولتك علاش هادا كايعلملنا بهاد الاخترام كامل بزاف على الاحترام ريم : هاد الريستو ديالنا ا بنتي هونيدة : من إمتى ؟ ريم : ماشي بزاف شي 4 شهور المهم بقا كايجيب لينا فالوجبات الحمد لله كان عشا غزال ملي بغينا نمشيو جاب ليها فاكتورة بيضا مامكتوب فيها والو وهي تجبد شي بركة دارتها ليه تماك خرجنا ركبنا فطوموبيلتي ومشينا لدار ملي وصلنا سلكت على هونيدة و ريم و انا دخلت طوموبيل وصونيت ل حليمة فلانتيرفون تنزل هزت معايا واخا كاين السانسور ولكن غي اليدين اللي يهزو هاد الحوايج ماكافيينش نزلات عندي هزينا داكشي ملي دخلنا لدار لقيت علياء وفاظمة فداري كانو مجمعين مع حليمة فاظمة : هاي هاي الناس تزييزو بالصحة والراحة ا سيديج انا : الله اعطيك الصحا ا لالة علياء : اوا لبس لينا شي لبيسة نشوفوك انا : لا غاتزعطو فيا خلي تال الصباح ، قولولي فين بناتي ؟ علياء : راه كايلعبو فالبيت الكبيرة انا : بسلامتهم اللعب بالسكات ماشي بحال ختي الهام الا بغات تلعب الدوار كولو كايسمعها حليمة : ههههه انا : اوا نمشي نبوس البنات ونعس راه عيان وغدا الا داتني عؤني فييقيني مع ال 9 حليمة : واخا مشيت بست البنيوتات وتلاحيت لبيتي نتكا كي طفيت الضو وهي تصوني ليا هند انا : الو هنودة ديالي هند : هنودة ديالك داكشي علاش سولتي فيا تا ب ميساج انا : والله تا غي مع الشغالات جري عليا نجري عليك هند : باينة انا : نتيا كيف راك ؟ هند : انا الحمد لله ، مال صوتك واش عيان ؟ انا : شويا وصافي هند : اوا نخليك ترتاح تال من بعظ ونتاصل بيك انا : يالاه احبي تال الصباح ان شاء الله هند : ما بان ليا فهاد حبي لي كاتقوليا غي مشيتي ونتا تبدل انا : والله ماكاين هادشي لي كاتقولي خليني غي نسالي شي شغالات ماشي بعيد نرجع لعروبية شي يامات هند : واخا ا سيدي ربي معاك ملي قطعات حلست كانفكر كي غاندير ؟ هونيدة كانبغيها و هي الا قلت ليكم ماكانحس بتا شي حاجة من جهوها غادي نكون كدبت هونيدة زوينة وتا هند كاتحمق ماغاديش تقدرو تختارو ما بيناتهم هونيدة بغاتني من ايام الحزقة وتا هند اذا ماداخلينيش على الطمع بجوجات ونعس معاهم بجوجات ولكن هونيدة ديت ليها البكرة كاع انا ماعمري حسيت براسي حاصل تال هاد الدرجة هونيدة تعرفت عليها على اساس الزهو من الاول ولكن بغيتها اما هند ماتعرفتش عليها على هاد الاساس بقيت شحال و انا كانخمم ومالقيت تا شي حل هاديك بنت عائلتي وهادي بنت شريكتي خليتها على مولانا ونعست فالصباح فييقاتني حليمة لبست عليا وغسلت سناني بغيت نخرج حليمة : اجي تفطر انا : زربان شويا خرجت ركبت طوموبيلتي مشيت نيشان لكافي ديالي لقيت خونا (المقاول) كايتسناني ركبنا شدينا الطريق عند سلوى لقينا الوريقات واجدين تكاتبنى بعد ماحسبت فلوسي قدامو من بعد مشا خرج سلوى : اش ناوي ظير بهاد الفلوس كولهم ؟ انا : نحييد واحد الظين عليا وغادي نحطهم فالبنك حتى نزيد عليهم ونشوف شي فيلا نستاقر فيها سلوى : درتي عقلك ههههه انا : اودي الزهو مادايمش ، المهم شحال الاتعاب ديالك ؟ سلوى : والله ماني شادا منك ريال راك ماشي براني انا : لهلا اخطيك عليا خرجت بعد ما سلكت عليها درت الفلوس ف الطوطوبيل عزلت 60 مليون ديال ريم فالجنب ودزت لبنكا دخلت عند المديرة استقبلاتني المديرة : اهلا سي احمد انا : ربي يخليك المديرة : اوا راه العرس د بنتي بقا ليه اسبوع واحد انا : راه دايرو فبالي وتا انا بدوري راه وصيت عليكم الناس ديالي اديرو ليكم خدمة نقية المديرة : ربي يخليك ، قوليا اش حب الخاطر ؟ انا : شي بركة بغيت نحطها فحسابي المديرة : مرحبا حطيت دوك الفلوس ديال المقاول و الفلوس اللي شاطو من الكسيبة اللي عطيت منهم لواليد ومعاهم تا الفلوس ديال الكافي اللي عطاني الكارصون من بعد خرجت من البنك قبل مانركب طوموبيليتي تاصل بيا صاحبي عزيز انا : الو حبيبي الغزال عزيز : السلام عليكم خويا حمد انا : وعليكم السلام اش خبارك ؟ عزيز : الحمد لله بغيت نقوليك باللي شريكتك تاصلات بيا وعطاتني شي كليان اش غانقوليك اخويا تحطهم على الجرح يبرا انا : اوا غييز ليا الشغل عزيز : ماتخممش اخويا ، الافتتاح غدا وبغيتك تحضر انا : متيليقش ليا اخويا غي تكلف نتا عزيز : واخا اخويا غي بغيت نديرهاليك فراسك انا : شكرا اخويا من بعد مشيت لدار بغيت نجمع شويا مع البنيتات ةلصغار بحكم انا عزازين عليا الدراري والبنات الصغار وصلت دخلت طوموبيل وطلعت لظاري لقيت علياء مع حليمة علياء : لالة عايدة باغاك انا : واخا هاني نازل عندها نزلت عند عايدة حلات ليا الباب تسالمنا ودخلت عايدة : خاسني نرجع لخدمتي ندوز شي شهر وندير نوقع على التقاعد ديالي انا : الله اسهل عليك عايدة : كي نرحع ان شاء الاه غايجي ولدي علي وبنتي ونديرو شي عراسية غزالة انا : ان شاء الله ، امتى غادا ؟ عايدة : صباح بكري انا : اش باليك ف شي عشا جماعي ؟ عايدة : علاش لاش ولكن على حسابي انا : والله ماتخلصي الريال انا نتكلف عايدة : واخا انا : شنو كاتقتارحي ؟ عايدة : نعاودو شوا بحال داك النهار انا : صافي ا لالة جاتك طلعت لداري تغديت وطلعت لسطح انا و نور و اسراء كانلعبو شويا وانا نجلس وجلسو فجنبي وانا نتاصل ب ريم ريم : الو السلام عليكم انا : احلى ريم ريم : الله الله انا : عارض عليك لعشا فداري نتي وبنتك راه مجموعين فيه كاع الناس ديال العمارة ريم : واو ايه علاش لا والنصيب ديالي نعطيه لك انا : لا لا كولشي على حسابي صدقة للمرحومة رقية ريم : هادي فكرة زوينة دير بحساب سامية راه جاية معايا انا : البنت اللي خدامة عندك ياك ؟ ريم : اه هي ، اطيب خلق الله دريويشا انا : مرحبا بيها ، هونيدة فالدار ؟ ريم : لا ال 16 خارجة انا : اه غي بغيتها نخرجو شويا منها نيت نتقضا لعشا ريم : المهم هي ال 16 خارجة ردو البال لراسكم عافاك انا : بغيتي تخرجي معانا مرحبا ريم : لا عندي حصة فلاصال انا : المهم ال 21 تكوني هنايا ريم : ان شاء الله بعد ما قطعت عليها بقيت كانلعب مع البنات ماحسيتش بالوقت طليت على الساعة لقيت 16:30 صونيت لهونيدة طلبت منها توجد راسها هاني دايز عندها وانا نزلت لبنات وبدلت عليا ودزت عند التوتوزا ديالي وخرجات عندي بجلابة فالصفر الله الله كيكايجيو عليها الجلالب شدينا الطريق لبلايا تنزهنا شويا اليد فاليد هونيدة : مادوزتيش ليا الرقم ديال هند انا : اش بغيتيها هونيدة : ديجا واعتيني والراجل هو الكلمة انا : غلبتيني المهم ديرو عقلكم راها غي يتيمة مسكينة بحالك وباقي الجرح اللي خلا خالي المكي فقلبها مابرا هونيدة : احمد راني عارفة اش كاندير انا : الله اخليك ليا احبي هونيدة : دابا غي جيني لصراحة الله اخليليك خالتي الحنينة انا : واخا سوليني هونيدة : كاتبغيني ؟ انا : وبزاف هونيدة : وهند ؟ انا : كانحس بشي حاجة قوية من جهتها ممكن نقول حب ولكن ماشي بالدرجة ديال حبك نتي هونيدة : علاش عطيتيها امل ؟ انا : مرارا وتكرارا سولت رلسي نفس السؤال ومالقيتش الجواب بصراحة ملي بظيت معاك العلاقة كنت ناوي نتفلا عليك وكنت كانهضر تا مع هند وعلا ما قالت ليا ختي هنية باللي هند كانت كاتبغيتي تا قبل مانجي لمدينة نخدم ومع الوقت تعلقت بيك ونويت معاك النعقول ولكن تا هند خدات بلاصة فقلبي هونيدة : صراحتك زمتاتني ماخلاتش ليا الفرصة فبن نغضب عليك والله وانا كانبغيك وبزاف ومانقدرش نقول شي حاجة لي تخليك ضربني انا : الضرب مابقاش هضري بكل حرية هونيدة : هند كانشفق عليها وبزاف وحاسا بيها ختى انا تحطمت ملي مات بابا و الحمد لله تجبرو التكسرات اللي تكسرت بسباب الوفاة ديال بابا وهي غاتكون باقا واكلة العصا من جيتو وفنفس الوقت ماباغا تا وحدة تشاركني فيك والله انا : ها هند عندك دابا وغاندوز ليك تا ختي هنية وديرو شي مجموعة فالواتس اب وغاتفاهمو بزاف هونيدة : ان شاء الله انا : راكوم معشيين عندي ا حبي نتي و ماماك و سامية وخرجنا انا وياك على هاد الاساس غادي ندوزو نتقضاو شي حاجة كاتشوا هونيدة : خليني انا نتقضى انا : كاتعرفي نتي تصلقي تا بيضة هونيدة : غلبتيني هههههه انا : قولي لهند ولا ختي اعلموك راه كايديرو شغل الدار كووووولو هونيدة : اه ضروري المهم من بعد هاد المحادثة اللي رييحات ليا قلبي مشيت انا و التوتوزا ديالي لكارفور وبدينا كانتقضاو خدينا الكفتا والطيحال والكوطليط والكبادي وطروفة داللحم مبريسيين ... دزنا خدينا الفاخر ومشينا لدار طلعت انا وهونيدة هادشي لداري شداتو مني حليمة هونيدة : دارك غزالة تبارك الله لقينا نور كاتلعب مع اسراء كي شافت هونيظة اسراء طارح عليها حيت فايت لينا خرجنا ب 3 وتوالفو شداتهوم هونيدة وبقات كاتلعب معاهم شويا جات فاظمة انا : شوفي علياء وطلعو فرشو السطح وخرجة داك المجمر الكبير اللي شوينا فيه المرا الفايتا فاظمة : واخا انا : فرلس سلوى وراجلها ؟ فاظمة : اه فراسهم انا : دوزي تا عند ام سليم اللي فالطبقة ال 5 تجي وهي وراجلها ووليداتها فاظمة : صافي كون هاني كانت الساعة 20:30 وهو يتاصل بيا عزيز انا : الو خويا عزيز : سمح ليا اخويا حمد نسيت نا قلتش ليك... يتبع...