" عاشق لميمات "

#عاشق_لميمات

عاشق الميمات - الجزء 31
----------------عاشق الميمات - الجزء 31------------------ خليناها فالجزء السابق ملي داك الغوات اللي كان فباب القهوة تحول لمدابزة وبداو 2 تماك دقا فيا دقا فيك ولوخرين كايفكو وانا مامسوقش ناض عزيز افك وانا نشوف واحد من اللي مضاربين ضرب عزيز نضت كانجري نوضت عزيز وشديت هاداك اللي ضرب عزيز شنقتو وتكيتو على الحيط انا : مدابزين بحال البهايم وجا افكك ونتا ضربو ؟ هو : وا خويا حمد ماكانبغيش لي افكني انا : كينكو نتا شكون باقي كايدابز فهاد الوقت غي البهايم عزيز : الله اسامح طلقو اخويا حمد انا : سير سير لي فيك اكفيك سير دخلنا لقهوة وشدينا واحد الطبلة وبدينا كانلعبو الرامي انا و 3 خرين وع يز مرييح حدايا خسرت 2 طروحا هاد النهار مكوز ملي طاحت الظلمة مشيت لدار لقيت الواليدة دايرة اللحم بالبرقوق عرضتها نيت الحمد لله انا : غدا اميمتي غادي لمدينة الواليدة : صافي سخيتي بينا ؟ انا : عارفاني غادي نزكل الهرس ديال ولد الشيخ ؟ الواليدة : وصلوها ليك ؟ ماكنتش باغياك تعرف حفت دابز اولدي انا : غادي نشطح اش بغيت انا شي مدابزة الواليدة : ولاش غادي لمدينة اولدي ؟ انا : راه شريت المعمل ديال الخياطة والشكلاط اللي فالفيلاج وغدا غادي نتكاتب مع مولاه ونيت نجيب لفلوس ديال البهايم اللي طلبت من الواليد اشري ليا الواليدة : داك المعمل كون فيه الخير كاع مايسدو مولاه انا : هههههه مولاه طماع اميمتي واكل لناس رزقهم اما ولدك راه سخيي الواليدة : الله ايدير الخير اولدي هي غاتخدم ولاد الدوار انا : ان شاء الله اميمتي ، صيفطي نعايا غدا هنية لمدينة نساريها شويا الواليدة : دي تا إلهام تفوج ودي تا هند بنت خالك ولكن ها العار عليك اولدي رد ليهم البال انا : كوني هانيا ا ميمتي مشيت نعست نيشان وفالصباح لبست عليا وخرجت انا وخواتاتي ركبنا فالطوموبيل ودزنا عند هند ومشينا كاملين وطالق ليهم الشطيح والرديح فالطوموبيل كل شويا ونوقف حيت ختي الصغيرة إلهام كاترد المهم وصلنا كازا وبقات الهام و هند حتلين عينيهم فالبنايات ديال كازا حيت عنرهم شافو هاد المناظر مشينا نيشان لدار وطلهنا فسانسور هند : فين غاديين ؟ انا : طالعين لداري هند : اييييه وصلنا صونبت حلات ليا حليمة حليمة : اهلا سيدي انا : غي احمد بلا سيدي حليمة : سمح ليا عرفتهم على بعضياتهم حليمة : الفطور واجد انا : نيت مازال مافطرنا دخلنا فطرنا فطور مبرع إلهام : دارك زوبمة اخويا انا : واحد الشويا غاتفيق واحد الزوانة وطلعو لسطح تلعبو وديو معاكم اسراء إلهام : شكون اسراء ؟ انا : غاتعرفيهم كاملين بعد الفطور صونيت على التيتيزة ديالي هونيدة : صباح نور حبيبي انا : صباح الخير ماماك فايقة ؟ هونيدة : اه فايقة انا لي كنت ناعسة انا : قوليليها راني هنا الا بغات نمشية نقضيو الغرض هونيدة : واخا انا : قولي ليها انمشيو فطوموبيلتي هونيدة : صافي واخا من بعد صونيت لمول الشركة وتافقنا نتلاقاو فالبنكة الكبيرة ديال BMC انا : حليمة هاهوما امانة عندك حليمة : كون هاني ، غاترجت لغدا ؟ انا : واقيلة خرجت مشيت عند سلوى كاندق عليها خرجات عندي الخدامة ديالها فاظمة : اهلاااااا اهلا انا : صباح النور فاظمة : عاش من شافك انا : ههههه كاينة سلوى ؟ سلوى : هاني راه سمعتك خرجات سلوى مقادة الحالة ديالها وسلمات عليا فوجهي سلوى : انا غادية نتسناكم فالبيرو تاتجيو عندي انا : صافي واخا مشات سلوى وانا رجبت طوموبيبتي شويا هي تصوني ليا واحد النمرا ماداخلاش عندي ف لي كونطاكت انا : الو السلام عليكم هي : الو احمد صباح الخير انا ام هونيدة انا : صباح الخير خالتي ام هونيدة : هادي نمرتي قوليا نتا واجد ؟ انا : راني فالطوموبيل كانتسناك ام هونيدة : واخا هاني نازلة نزلات عندي لابسة جلابة فالغور وشعرها زعر غزال كي الذهب كما قال الشاعر في فيلم التجربية الدانيماركية لعادل إمام يا حيلوة يا ليل العسل شعر ميني #شيفاه شعرك سلاسل ذهب مينيش كمان #خيفاه الله اسمح ليا من اللهجة المصرية كلات التفرشيخ على لساني (رجع للقصة ابا ادريس قبل ماتجمع الدعاوي ههههه) نزلات عندي لابسة جلابة فالغور وشعرها زعر غزال كي الذهب ودايرة ليه بانضا فالغوز وطالون فالغوز ونضاضر كوحل والصاك كحل فكراتني غي فالستيل ديال بنتها قالوها ناس زمان قلب القدرة على فمها طلب البنت لمها غي نعلت الشيكان ونزلت عينيا على داك الخير عندها اللي تا الجلابة ماقظراتش تسترو نزلت حليت ليها الباب .يال الطوموبيل سلمات عليا فوجهي وسميت واحد الرويحا غزاااااالة دايراها شرشنات ليا المشاعر بيها ركبت وديماريت ام هونيدة : وريني حنت يديك واش كاتعرف تسوق ولا لا ههه انا : مرحبا ا استاذتي ام هونيدة : كلك على بعضك حلو وتا الاسلوب فالكلام غزال نصحك تبدل غي الستيل ديال اللباس انا : شنو كاتقتارح عليا خالتي الغزالة ام هونيدة : الكلاص حيت نتا عامر وعندك اللحية تبارك الله انا : ايه علاش لا ام هونيدة : قوليا كاتريني ؟ انا : لا ام هونيدة : تبارك الله عليك ولكن الا دهلتي ترينيتي غاتزيد فالصحة ديالك انا : ان شاء الله علاش لا ام هونيدة : راه عندي نادي لكمال الاجسام مرحبا بيك انا : شكرا لهلا اخطيك ، ها حنا قربنا للبنك فين درت نتلاقاو بالبايع ام هونيدة : خليه ليا نواليه انا : واخا ههههه نزلنا دخلنا لبنك استقبلنا واحد الموضف ودخلنا عند المديرة نيشان ولقيناها جالسة مع مول الشركة ناضت المديرة عنقات ام هونيدة المديرة : اهلا اهلا اهلا اهلا لالة ريم انا : ريم ؟؟؟؟؟؟؟؟ المديرة : اه ريم نتا جاي معاها ا سي احمد وماعارفش اسمها ؟ ريم : كايقوليا غي ام هونيدة هههه المديرة : كولشي زين ههههه تفضلو تفضلو مول الشركة : ماش ريم العمراني ؟ المديرة : هي هادي بشحمها ولحمها مول الشركة : احصليا الشرف ا لالة ريم نتعرف عليك ونجلس معاك ريم : شكرا انا مصدوم من هاد الاحترام كولو بان ليا كتر من اللوزوم مول الشركة : ا الله اودي ا لالة ريم مايصحابش ليا نتي هي الريكة ديال سي احمد هادا شرف ليا نتعرفو على سياتكم لالة ريم مولات المعامل الكبرى فالدار البيضاء هادا شرف ليا والله ريم : ولكن الثمن اللي درتي مع احمد ماعجبنيش مول الشركة : راه تافقنا ا لالة ريم ريم : انا اللي غايكونو عندي الاسهم الكبيرة فالمعامل اللي غاناخدو منك اذا التفاهم معايا انا مول الشركة : شنو يرديك ا لالة ريم ؟ ريم : 494 ماكايناش غي حييدها من بالك مول الشركة : نحييد ليكم ديك 4 ا لالة غي بقاي على خاطرك ريم : ارا الوثائق ديال المعمل تاع الشكلاط مول الشركة : تفضلي ا لالة انا بقيت مصدوم من ريم ام هونيدة حيت التيتيزة ديالي قالت ليا باللي عندهم معمل واحد ديال الثوب على باقي الاملاك لوخرين كانظن هونيدة ماعارفا والة على الاملاك ديالهم اصلا باقا صغيرة ريم : لا بزاف الثمن اللي قلتي لينا المعمل الضرائب ديالو كتر من الضرائب اللي على المعمل تاع الصبابط اللي عندي غادي تخلي لينا المعامل بجوج ل 480 مول الشركة : بزاف ا استاذة ضريتيني بزاف ريم : ماضريتك والو بحال والو تكون شراكة بيناتنا من هنليا قدام شكون شاف وغاتستاد كتر مول الشركة والله ماخليتي ليا مانقول الله اربحك ضارت عندي ريم وغمزات ليا خلاتني مصدوم مافهمت فيها والو الا قالو سيدة اعمال جات معاها جبدات لينا المديرة الشيكات عمرناهم ووقعناهم المديرة : باقا خاساك 60 مليون باش تكمل 200 اللي عمرتي انا : راه جايب معايا الوراق ظيال قطعة ارضية نحطهم ضمانة عندكم المديرة : اه مرحبا ريم : لا انا انعطيها من عندي تال من بعد وها الحساب بيناتنا عمرات ريم ديك 60 مليون فشيك اخر وخرج مول الشركة كايتسنانا حدا البانكة المديرة : ها البطاقة اللي قلت ليك ا سي احمد ديال حضور الزفاف وهاد 2 ديالك ا لالة ريم نتيا والبنيتة كنت انجيبها ليك وجابك الله هنايا تصدمت هههه كانت هونيدة غاتحضر لهاد العرس ههههه انا : ضبرتو التريتور والنكافات ؟ المديرة : لا باقي راه العرس بعد 15 يوم انا : عندي صالون للحلاقة النسوية وفين ستيتيك ديال تزيين العرائس ونكافات وتريتور دياولي المديرة : علاه نلقاو حسن منك ؟ عطيني الرقم ديالهم انا : انعطيك الرقم ديال المكلفة بالصالون وتلاقاي ليها هي اتقاد ليك كاع الامور المديرة : شكرا و اللهم يسر فالبيعة وشريا ديالكم الجديدة ريم : شكرا خلينا ليك الراحة خرجات ريم انا : امضرا ا استاذة ديك الامانة موجودة ؟ المديرة : هاهي واجدة 25 مليون ، مليون إنطح مليون هههه انا : شكرا خرجنا ركبنا فطوموبيلتي هو ركبت فطوموبيلتو ريم : ديماري انا : مصدوم فيك والله ريم : علاش ؟ انا : اولا سميتك زوينة شبابية ماكنتش عارفها ثانية شخصيتك القوية فالتفاوض ثالثا شخصيتك ااكبيرة فالبلاد ريم : رابعا ديماري راك حشمتيني هههههه انا : طلباتك اوامر ا لالة ديماريت الطوموبيل ومشيت وهو تابعني بطوموبيلتو حتى وقفنا عند المكتب تاع سلوى وخرجات استقبلاتنا ودخلنا لمكتب ديالها وحطات لينا ماع الوراق ووقعنا عليهم وعطينا الشيكات لمول الشركة سلوى : الله اكمل عليكم بالخير ريم : حتى نتلاقاو احبيبة العشية سلوى : واخا وطهلاي ليا فاحمد ريم : شنو داير نتا لناس ؟ كولشي كايوصي عليك ها سلوى ها بنتي سلوى : عندو القبول غي شويا حتى نتي غايولي عزيز عليك ريم : راه من دابا ولا عزيز ههههه انا : اوا نخليوك ا سلوى تخدمي كانت الساعة شي ال 11 ديال النهار خرجنا من عند سلوى وعطاتني ريك الوريقات فيدي وقالت ليا نتكلف بالمعامل هي ماسوقها فوالو نخدم لي بغيت وندير اللي بغيت انا : شكرا على الثقة ديالك ، انا عارض عليك نشربو شي حاجة ؟ ريم : قابلة ولكن نتا تخلص انا : شحال طماعة يالاه يالاه انا نخلص واخا غاتشدني السخانة ريم : حميمق هههه ركبنا فالطوموبيل ومشينا لبحر صطاسيونيت ونزلنا كانتمشاو وهي خدايا شويا عي تشد ليا فدراعي وبقينا غاديين دازو من حدانا 2 دراري مشرملين وقاليا واحد فيهم هو : إتوووووووب عليك اشريكي مامشيتي تا جبتيها سويدية انا : شكرا احبيبي العز هو : وا ضبر على خوك جبت شي حاجة مستورة عطيتها ليه ، درت عند ريم لقيتها حابسة الضحكا انا : خرجيها خرجيها غاتنفارجي ريم : ههههههههههههه مامشيتي تا جبتيها سويدية هههههههههههههههههههه انا : اودي هزيت ليه هبالو هههههه ريم : اجي يا بنتي هونيدة تسمعي ماماك ولات سويدية انا : مالمي حاكرة راسك راك غزالة وشباب والله ماكاتباني والدة قد هونيدة ريم : عندي بنتي فعمرها 22 سنة كاتقرا فامريكا سميتها نوهيدة انا : هونيدة و نوهيدة واو ههههههه ريم : باباهوم الله ارحمو هو اللي سماهم انا : ما شاء الله عليكم ، ندخلو لهاد كافي ؟ ريم : فينما بغيتي مرحبا دخلنا لواحد كافي غزالة جنب البحر انا خديت نوار مسوسة وهي خدات عاصير ليمون مسوس ريم : احمد جاوبني بصراحة انا : مرحبا ريم : بينك وبين بنتي شي علاقة ؟ انا : اه ريم : الا ناوي المعقول مرحبا نخليكم مع بعضياتكم حتى تكونو مستاعدين انما الا ناوي تفلى عليها حسن عطيها التيساع من دابا انا : ماعرفت مانقوليك من غير بنتك انا باغيها ديال بالصح ريم : جوابك كافيني نتمنى ليكم الخير راه يتيمة طهلا فيها انا : ربي يطهلا ، بغيت نقتارح عليك شي حاجة ريم : مرحبا انا : المعمل ديال الخياطة كايتخلصو فيه الخدامات ب 24 الف ريال (1200 درهم) والمعمل كايدخل مزيان اش باليك فشي زيادة ؟ ريم : ديما حسب شحال غايتنقص ليط من الربح عاد فكر شحال غاتزيد ليهم باش ماضرش راسك انا ماعنديش مشكل راني شفت الوريقات ديال الشركة ديال الخياطة الا درنا ليهم 30 الف ريال (1500 درهم) غادي تبقى لينا فالربح 3 ديال المليون ربح وراه زوينة انا : اذا نديرو ليهم 30 الف ريال (1500 درهم) ريم : ماعنديش مشكل انا : المعمل ديال الشكلاط توقف حيت خونا فالله طلبو ليه الزيادة ومابغاش وكايهددهوم بالطرد وصدقو هوما اللي تخلاو عليه ريم : اش راه بغيت ناقش معاك هاد المسئلة شفت فالوثائق باللي كان كايعطيهم 34 الف ريال (1700 درهم) والمعمل كايخلي الربح ديال 6 د المليون انا : شنو كاتقتارحي ؟ ريم : عندي إستراتجية غادي تزيد لينا من 2 المليون تال 3 فالشهر وبالنالي غادي نزيدو ليهم فالخلصة انا : واللي هي ؟ ريم : المعمل كايصدر غي لشي مدن محددة وانا باغية نعمم وغادية نخليه إتعامل مع بزاف ديال المدن بعروض زوينة والعمال شفت فالوراق كايخدمو 8 ديال الساعات من 8 ل 12 و من 14 ل 18 هادي قانونية غايخدموها وغادي نديرو ليها تا السوايع الإضافية ساعة ب 260 ريال (13 درهم) وبلل سوايع غادي تكون الخلصة ديالهم 42 الف ريال (2200 درهم) انا : ماعندي مانتساليك برافو والله ريم : غي قلت ليك القرار كايبقى ديالك انا : ماكاتعاود غي الصلاة على النبي بعد ما كملنا هضرتنا خرجنا من كافي وتمشينا شويا فلاكوط جنب البحر ومشينا لطوموبيل ريم : عطيني نسوف انا : مرحبا ريم : طوموبيلتك غزالة انا : الله اخلف على رقية مسكينة ريم : الله ارحمها ديمارات ريم الطوموبيل وهي دور واحد الدورة بالطوموبيل ديال المحترفين ريم : كي جيتك ؟ انا : ماعندي مانقول تبارك الله عليك ههه وصلنا لحي ديالنا ريم : زيد تغدا معانا انا : غي بالصحا راه دايرين بحسابي ريم : خليت ليك الراحة وشكرا على العراضة نردها ليك فساعة الخير انا : مرحبا يتبع...