إنّي أُحِبُّ ....... وإن الحُبَّ لي وطنٌولن أكونَ بغير الحبِّ إنســــــــانا-أنا ما مصدقة اني حشوفك-وانا كمان-بكرة دا ما يجي سريع-حيجي-ان شاء الله-حبيبي ممكن اسألك؟-اها؟-طيب لو طلعت شين لو ما عجبتك؟لو ما طلعت زي ما انتي فاكرة لو ما طلعت زي في الصور؟؟-انت عارف اني بحبك وما بهمني شكلك حتى واصلا انا شفتك في الصور وعجبتني فما مهم حتكون كيف في الحقيقة لأني مقتنعة بيك-متأكدة؟-والله يا غسان ياخ بطل عوارة الله!-طيب طيب زاتي ما عارف بلدكم البعيدة دي حجيها كيف؟-والله ما بعيدة ولا شي بطل دلع-مادام عايز اشوفك انتي مستعد أجي لحدي آخر الدنيا.بعد ما قفلت منو،،-ريفال انا الولد دا ما راكب في راسي وما عاجبني اصلا-انا ما عارفة ليه بتكرهي كدا-اتخيلي انو بكرة ما عجبك بالجد -لا حيعجبني وبعدين الشكل ما مقياس-نشوف•••بفكر،،انا ما عارف البس شنو اصلا ما عارف اعمل شنو عشان تشوفني وجيه المشكلة هي حلوة حلوة شديد خايف انها بعد تشوفني ما تحبني زي اول وتغير تعاملها معي انا ما زيها ولا وضعنا زي وضعهم ولا تلفوني زي تلفونها ولا حتى كلامي زي كلامها ولا حتى متعلم زيها ولا ناس بيتنا زي ناس بيتهم بس انا لمتين حكون داسي نفسي كدا في النهاية هي حاتشوفني لو ما اسي بعدين لينا 5 شهور بنتكلم مع بعض مافي زول فينا شاف التاني لازم اخليها تشوفني واشوفها و نقفل الموضوع على كدا.الصباح،،،اختار احلى قميص وبنطلون عندو بعاين لنفسو في المرايا مع انو ما متعود يقيف قدام المرايا بالطريقة دي متردد يصل الباب تاني يرجع المرايا.في النهاية طلع عشان الزمن ما يتأخر ليه وهو بيتهم بعيد من بيتها اتصلت ليه وهو في المواصلات-اها وين انت قربت؟-ياداب ركبت-غسان ياخ ليه اتأخرت كدا؟-المواصلات صعبة ياداب لقيت.-طيب طيب بعد تقرب تصل كلمني-ماشي•••-الليلة هي حاتشوفو -منو؟-غسان - انت لسه ما قادر تشيلها من بالك؟-ما قادر ولا حاقدر حتى-البنت دي م عندها ليك حاجة بدل تتعب راسك ساي احسن تخليها تحب غسان ولا غيرو-انا اول واحد حبيتها بس هي تمر بالناس دي كلها الا انا ما تفكر فيني حتىطلع وهو متضايق وخلا صحبو بتكلم براه-عندك حق تجن فيها كدا احيي بس انا بعرف كيف اوقعها انت أهبل ساي هي قاعدة في وشك من متين وانت ما قدرت تعمل شي شوف الرجال حيعملو شنو•••وصل المحل الهي وصفتو ليه نزل واتصل ليها تلفون -انا وصلت-طيب ثواني وبكون عندكلبست فستان مورد حلو ومعاه شبشب لفت طرحتها وشالت تلفونها وطلعت لحدي ما وصلت المكان وهي بتتلفت عليهو وانتبهت لواحد قاعد براهو شكلو متوتر وعرفت انو دا هو من الصور طوالي مشت ووقفت في راسو وقالت سلاااام رفع راسو عاين ليها وهو حتى ما قادر يشيل عيونو منها ما عارفة المسافة الخلتو يعاين ليها من غير ما يتكلم كانت كم بس طويلة وهي ارتبكت وما عرفت تعمل شنو مدت ليه يدها سلم ليها ومسك يدها مسافة بعدين قعدت.-م مصدق اني شايفك قدامك-لا صدق نحنا قاعدين في وشوش بعض حاليا-انتي حلوة شديد-(خجلت)اتونسو وهو الوقت كلو سرحان فيها ما مصدق في يوم انو ممكن وحدة زيها تحبو،هي سرحانة بعيد وبتفكر انو دا ما الزول الأنا عايزاه ما عارفة ياخ ليه ما عجبني ليه هو ما طالع زي في الصور ليه حتى كلامو ما زي في المكالمة ليه متغير كلو على بعضو دا ما غسان الأنا اتعرفت عليه في القروب داك ياخ دا ما هو هي شاردة وهو بتكلم معاها-بيتكم بعيد من هنا؟ -(ما جايبة ليه خبر)-ريفال -ايوا ايوا-سرحانة وين انتي ي بنت؟-لالا ما في حاجة قلت لي شنو؟-بيتكم بعيد من هنا؟-لالا قريب بالرجلين بتمشي -ايوا هو ما طلب حاجة وهم ليهم ساعة قاعدين وهي حست نفسها خجلانة كيف يقعدو في مطعم من قبيل وما يطلبو شي حست انو ما معاه قروش فقامت طلبت عصير وشربو وهو حس بخجل انها هي الطلبت لكن ما قال حاجة وبعدين قالت ليه اني اتأخرت وحامشي البيت وهو حس كأنو في حاجة لكن هي قالت ليه اني محمومة شوية بس كانت عايزة تمشي وخلاص. بعدين ودعتو ومشت وهو بعاين ليها لحدي ما اختفت من انظارو.هي في الطريق بتفكر،،هو ليه ما عندو شخصية ليه حتى لبسو مبهدل ولا الجزمة الوسخانة اللابسها استغفر الله ريفال ما تقولي كدا ياخ ما تركزي في شكلو ولبسو كتيرسكتت تاني رجعت تتكلم مع نفسهاكيف ما اركز في شكلو ولبسو كتير انا تاني حشوفو كيف طيب وهو ما عاجبني ولا حواصل معاه كيف اساسا ما بقدر اواصل مع واحد ما عاجبنيلكن ياه هو شكلو بحبني شديد انا ما بقدر أتخلى عنو بس عشان شكلو أو لبسو أو مستواهو التعليمي بالجد كيف أفكر بالطريقة دي وصلت البيت وهي قالت حاتكون معاه وان شاء الله كلو لخير لقت ريتال أختها حصل شنو وريني سريع احكي لي-استني اغير ملابسي طيب-سريع ياه اها وعجبك وعامل كيف وشكلو كيف احكي لي من البداية من شفتيهو كدا- حلاتو -بس كدا؟- انا تعبانة عايزة انومومشت غيرت ملابسها ونامت•••أمريكا،،-أزهر والله نحنا اشتقنا ليك -وانا كمان اشتقت ليكم يا أمي-طيب ما تجي الاجازة الجاية دي السودان- ما نفسي أجي تعالو انتو سوقي الحاج وأحمد وتعالو - انت اخف مننا فيها شنو لو جيت؟-أمي الجامعة والقراية مضغوط شديد-انت حاتأجز بعد اسبوعين-شغال في الاجازة انا-انت السنة دي خريج احسن تخلي الشغل وتركز في قرايتك.- قرايتي ما بقصر منها-طيب وشغال في المطعم داك زاتو صح؟-(سكت مسافة)اه اي اي-اها خلي بالك على نفسك وقرايتك- حاضر يا أمي •••برسل ليها وهي ما بترد ليه خاف شديد انها تكون غيرت رايها بعد شافتو بقت ما عايزاه ما قدر ينوم الليل دا كلو بس صاحي ماسك التلفون ويتذكر فيها خايف تضيع من يدو هو ما صدق انو لقاها حتى هو اتعلق بيها شديد وما بقدر يبعد عنها ولا شبر الصباح،،صحت وهي مصدعة مسكت تلفونها لقت منو ٥ رسايل و١٠ مكالمات اتخلعت في شنو؟فتحت الرسايل:-الأولى،،ريفال انا بحبك شديد انتي ما عارفة انا لما شفتك حصل لي شنو انتي حلوة حلوة شديدالتانية،،لما كنتي جاية من بعيد وخاشة المطعم انا جاني زهول ل لحظة حسيت اني في مكان تاني ما مصدق انو حبيبتي حلوة كدة. الثالثة،،لما قربتي مني ومديتي لي يدك انا ما مصدق اني لمست يدك اصلا.الرابعة،،عيونك حلوة حلوة شديد انا ما عايز الا يدفنوني فيها هي وبس ولا يدفنوني في وجنتك ولا بين رموشكالخامسة،،انتي زي الطفلة الصغيرة ضحكتك ابتسامتك خجلك كلو حلو يدينك الزي الأطفال ريفال انا ما عايزك تتخلي عني.بتقرا في الرسايل وخايفة هي ما عايزاه يتعلق بيها كدا هي زاتها ما عارفة نفسها بتحبو ولا لا•••-عاكف؟جرا ليه وجراهو من الحيطة -بتعمل في شنو انت مجنون؟-اي مجنون فكنيويشيل ويضرب راسو في الحيطة وأمجد يمسكو وهو راسو نذف بعد في الأرض وبقى وأمجد بحاول يهدي فيه- انا كرهت حياتي دي شديد ليه أي شي معكس معي ليه؟-في شنو كدا اتكلم معي براحة -انا ما نافع في شي الجامعة ما قدرت انجح فيها وربتوني وامي مرضت بسببي لانها نفسها تشوفني ناجح بس انا خيبت ظنها وابوي ينبذ فيني ليل ونهار انو خسر فيني قروش ساي قلت ما مشكلة يا عاكف لخير اشتغلت مع ابوي وما فهمت شغلو ويومين وطردني اشتغلت في ركشة ومن مسكتها خربت الصباح جيت خاشي البيت سامع الحاج بتكلم مع الحجة في اني مانافع في شي وبس قاعد في البيت زي النسوان باكل وبنوم-خلاص يا صحبي كلو بتسهل امشي بكرة من الصباح فتش ليك شغل عشان تثبت ليهم انك ما زي ما هم فاكرين.- طيب ان شاء الله- اما ريفال دي خليها علي انا بتصرف معاها-حتعمل شنو؟-خليها علي بسوبقى يفكر انو يستغل موضوع عاكف عشان يقرب من ريفال•••أمريكاقاعد في مكتبو الفخم الكلو عبارة عن لون أسود لابس قميص أسود وبنطلون بيج وساعة سوداء شكلو كأنو زول كبير عمرو في الثلاثينات حتى في الجامعة كانو فاكرين انو أكبر منهم بس هيبتو وقوامو وكلامو وجديتو بتخدع أي زول وهو ابن ال ٢٣ عامخاتي دفتر قدامو وهو بكتب عنها..( أفكر فيكي دائما أتخيل أنك سمراء ذات لون أسمر فاتح ذات عيون واسعة كحيلة تمتلكين خدود جميلة مثل الأطفال ووجنة في خدك الأيمن مرسومة بإتقان تمتلكين شفايف قرمزية و قوام طويل مع خصر منحوت يديكي الصغيرة الناعمة وأصابعك لا بل أناملك فهي صغيرة كيف أقول لها أصابع؟ أنتي أنثى أنثى بكل ما فيكي أنا أنتظرك بشوق فهل ستأتي؟)•••-أحمد-(وهو سكران)ياخ مالك ي مرا في آخر الليل-مرا؟أنا أمك يا حيوان وكمان بتسكر اخر تعبي وتربيتي فيك يا معفن عشان اخوك وابوك مسافرين تعمل كدا-ياخ خليني امشي زحي من طريقي زحاها ومشى وهي قعدت تبكي على ولدها شالت تلفونها واتصلت-الو يا ازهر -في شنو يا أمي مالك بتبكي-الحق اخوك يا ازهر -أحمد مالو؟-جاني سكران اسي خشى البيت وهو سكران عشان لقاك مافي ولقى ابوهو مافي بقى يسكر ويجي البيت أنصاص الليالي-انا بعرف اتصرف معاهوقفل الخطبعد ساعة،،جو شرطة ودقو الباب وساقو أحمد وهو لسه ما واعي وبقول ليهم مودني وين؟وأمو ما فاهمة حاجة قعدت في الأرض وهي بتبكي شالت تلفونها واتصلت على أزهر وكلمتو قال ليها انا الرسلت الشرطة يا أمي خلي يتأدب عشان تاني ما يرجع البيت وهو سكرانأمو مستغربة هو الرسل الشرطة كيف يعني؟ أزهر دا شغال شنو ولا كيف بس يتصل ليهم ويخليهم يجو البيت كدا لكن هو ما اداها فرصة تسألو•••اتصل ليها وهي ما كان نفسها ترد عليه بس هو اتصل كتير-الو ريفال وين انتي ما بتردي علي-كنت نايمة-وامس وين؟-نمت بدري- ما من عوايدك-محمومة -ايوا طيب اسي بقيتي كيف؟-الحمدلله احسن -الحمدلله اكلي كويس وما تهملي صحتك في زول هنا ما بستحمل تحصل فيك حاجة نهائي لانو بحبك شديد-(سكتت)طيب ماشي-(استغرب منها)اخليك ترتاحي؟-اي احسن-(استغرب اكتر)طب ماشي خلي بالك من نفسك-تماموقفلت الخط لقت اختها الصغيرة واقفة في راسها-شايفاك بقيتي ما شغالة بيه وم عندك ليه حاجة-بالله اخطيني اسي ما ناقصاك -سمح ماشة لكن انا اصلا من البداية قلت ليك انو ممكن لو شفتيهو ما يعجبك وانتي عاملة فيها بتحبيهو وبتاع-ريتال امشي من هنا-ماشةرجعت السرير تاني ونامت وهي بتتخيل في الزول الهي عايزاه الممكن تكمل معاه حياتها هي افتكرت انو ممكن يكون غسان لكن طلعت غلطانة غمضت عيونها وهي مستسلمة للخيال.•••صحت وهي مخلوعة سامعة أمها بتصرخ -الحقيييي اختكنطت من السرير وجات جارية لقت أمها في باب الشارع -في شنو يا امي-ريتال شايلة سكينة للولد في الشارع-شنووو؟طلعت الشارع وهي ب بجامة البيت والناس واقفة تتفرج وريتال بتهدد في الولد انها تطعنو - انت رسلت لي الرسالة دي ليه؟يعني عشان م عندي اخوان تقول عايز تحبني وبتاع هيي انت م بتعرفني-ريتال زحي منو السكينة خلاص ي بنت خليهو - ما بخليهو عشان تاني يفهم وما يقرب من بيتنا-(وهو برجف)خلاص خلاص ما بقرب منكم تانيجات ام الولد طالعة بعد سمعت الجوطة وقالت الا تمشي من مكانها دا القسم تبلغ وهي كانت حتقتل ليها ولدها وووووو وأم ريتال قالت ليها هي شافعة قالت ليها ياه ما بعرف شافعة ولا ما شافعة هي كانت حتقتل ولديوبعد تعب وصراخ واتدخلو ناس الحلة حتى المرة سكتت ورجعت بيتهموريتال دخلوها البيت وبقو يشاكلو فيها ال٢ -انتي مستحيل تخلي مشاكلك دي مستحيييل؟-انتي يا أمي ما شفتيهو انا لما طلعت من البيت ماشة الدكان هو طوالي وقع ورقة جنبي في الأرض واتخيلي قال كاتب لي شنو بحبك قال-عشان كتب ليك في الورقة بحبك تشيلي ليه سكينة وتقولي عايزة تقتليهو -اي بقتلو-اصبري بس خلي ابوك يجي انتي بقيتي قليلة أدب••• التخريج بتاعو قرب وهو نفسو اهلو يكونو معاه بس هم ما حيقدرو يجو في الوقت الحالي بقى يفكر هو بعد يتخرج حيعمل شنو وحيرجع السودان كيف هو بقى مقيد بشغل وصعب انو يرجع بس اكيد ناس بيتهم ما حايخلو لانو منتظرنو متين يتخرج عشان يرجع ليهم بقى محتار وما عارف كيف يتصرف.دخل غرفتو شال ليه شنطة صغيرة دخل فيها شوية ملابس وشال اللابتوب بتاعو ومعاه مجلات كتيرة عايز يمشي بيتو الفي بريطانيا لانو عايز يريح نفسو شوية من التعب والتفكير.وصل زي الساعة ٩ مساءنام في السرير وهو بفتح في المجلات كان بفتح صفحة صفحة ويفتش في عيونها في بنت عندها نفس العيون الهو بتخيلها أو نفس الضحكة أو نفس الابتسامة أو نفس البراءة بس للأسف مافي وحدة بتشبه الخيال الهو بتخيلو،قفل المجلات ختاهم بالجنبة وحاول ينوم بس هي طبعا مستحيل تفارق مخيلتو واستسلم للخيال فجأة رن تلفونوكانت مكالمة في الواتس من رقم غريب من السودان رد طوالي جاء بالو انو زول من اهلو وبالفعل طلع كدا كان صوت بنت حنييين -أزهر (ظاهر انها مشتاقة ليه شديد)•••شغال يلف في بيتهم وهو بتكلم مع نفسو انا لازم استغل الفرصة دي عشان اقرب من ريفال دي فرصتي الوحيدة عشان اتكلم معاهاطلع من بيتهم وبقى واقف جنب بيت ناس ريفال على أمل انها تطلع وهو يشوفها فجأة جات طالعة ريتال وهو من شافها اتخلع وعايز يعمل فيها انو ماشيطوالي وقفتو-امجد بتعمل في شنو هنا انت-ولا شي جيت ماري بس ما اجي ماري يعني؟-اي ما تجي امشي مر بحتة تانية وما تقيف في بابنا-الله يثبت علي العقل والدين دي شنو الشافعة دي-قلت شنو-ولا شي سلامتكمشى وهو زهجان كيف بقدر يصل لريفال ويتكلم معاها وفكر في بيت جيرانهم بابها فاتح فيهم قال اكيد بكون عندها رقمها وطوالي اتصل ليها#يتبع
