لكِنني مُهتمٌ بك ، مهتمٌ بشكلٍ غريبٍ ومفرط ...
أمريكا،،
الأولاد بعد عرفو انو جاك قتل شرطي انبسطو منو وقالو خلاص انو بقى لعبة في يدهم وممكن يعمل ليهم اي حاجة ويوزع ليهم الهيروين لأنو هم بقو معروفين.
عندهم بيت صغير كدا جنب بيت ناس جاك بقعدو فيه اتصلو على جاك وجاهم وبقو يستفذو في الكلام ويقولو ليه انو انت من الليلة حتشتغل معانا وتعمل لينا النحنا عايزنو ولا نحنا حانكلم الشرطة انك وزعت للاولاد الفي المدرسة هيروين وكمان قتلت الشرطي.
وقف مسافة وهو بعاين ليهم وهم لسه بهددو فيه فجأة طلع المسدس القبيل الهم أدوهو ليه وقال ليهم كلمة وحدة وبقتلكم وهم اي واحد بعاين للتاني معقولة دا جاك؟
واحد منهم
-كيف تجرأت؟
في لحظة طلعت طلقة من المسدس في راس الولد
وهم مخلوعين وبعاينو لصاحبهم الفي الأرض وبعاينو للمجنون الواقف قدامهم بس هم ما عندهم حل غير يسمعو كلامو ومن هنا اتشكلت عصابة جاك.
•
•
•
كان بحاول يفهم حاجة في القضية دي رجع للشاحنة الكان فيها المخدرات وكراتين التلفونات فتش وفتش لحدي ما عرف التلفونات دي جاية من أي مدينة وسافر ليها ومشى للزول الاشترو منو الكمية الكبيرة من التلفونات دي والزول وصف ليه أشكال الراجلين الجو اشتروهم منو لكن للأسف هم ماتو وهم الوحيدين الكان ممكن يوصلو لجاك الهم كانو بتكلمو عنو دا رجع وهو ما استفاد حاجة بس جاهو تلفون فجأة من ضابط وقال ليه يجي القسم ومشى لقى بطاقة واحد من الرجال الماتو كانت قاعدة في جيبو والتاني ما لقو معاه شي، شال البطاقة في يدو كان مكتوب فيها اسمو بالكامل وهو طوالي مشى يفتش عن اهل الزول دا أو سكنو أو اي معلومة عنو ممكن توصلو ل جاك،،
•
•
•
قاعدة بتشرب في وسكي وبتتكلم مع عبدالله صاحب أزهر
-معقولة انت صحبو وما عارفو وين؟ بالله بطل طلسك دا
-ازهر دا انا لي منو زمن هو بقى مشغول شديد المستشفى اخدت وقتو كلو
-طيب اتصل ليه
-م برد لي ياخ أنا من قبيل بقول ليك في شنو
- ما منك فايدة
وقامت مشت بيت أزهر على أمل انها ممكن تلقاه لكن للأسف م لقتو وقعدت برة منتظراه على أساس انو ممكن يجي وشغالة تمشي وتجي جنب الباب وزهجت وتتصل ليه وهو ما برد ليها فجأة طلع جيران أزهر الرحل ياداب ولقاها ماشة وجاية
-هل يمكنني مساعدتك؟
-لا شكرا
وهو عايز يخش بيتو وقفتو
-انتظر
-نعم
-هل تعرف اين ازهر
-لا من انتي؟
-انا صديقة أزهر وانا خائفة لأنه لا يرد علي
وقف مسافة عاين ليها بعدين قال ليها خشي معي البيت واصلا انا معي زوجتي وبناتي وكدا انتظريه لحدي ما يجي وهي خشت معاه.
•
•
•
قاعد في بيتو الفي الجبل تقريبا حوليه مافي بيوت اصلا البيت جميل شديد مصنوع من الخشب قاعد برة وبعاين للمنظر وهو بفكر في حالتو وانو لمتين حايكون كدا يعني هو ما حايكلم أهلو بشئ حايكون مواصل كدا على أساس انو شغال في المستشفى وبس طيب هو مش مفروض ينزل السودان عندو زمن من اهلو ومفروض يفتش البنت دي لانو هو عايزها هي وبس وما عايز غيرها.
أخذ نفس عميق وهو بفكر فيها
هي بريئة زي الأطفال ضحكتها حلوة زي النغمة عيونها سوداء زي الليل لما تتكلم كل الناس بتسكت عشان تسمع صوتها هي مميزة شديد ولما تخش مكان بتاخد أنظار الحوليها هي حلوة حلوة لدرجة كل الناس بتتمنى تكون في حياتها هي حاتغير لي كل شي انا عايشو بس لما تجي هي الوحيدة الأنا حقول ليها اي شي عني وأي شي بملكو بس هي.
•
•
•
السودان،،
خاتي في راسو انو لازم يهددها عشان هي ما تفضحو وما تكلم أخوها وصل بيتهم ودق الباب وهي جوة سمعت صوت الباب بس قالت يا إما حاتكون أمها يا اما بهاء الدين أخوها فقامت وفتحت الباب ومن شافتو في وشها صرخت ورجعت لورا وهي بترجف طوالي هو قفل الباب وجاء قفل ليها خشمها
-اسكتي ي بنت اسكتي ياخ
هي دموعها بتجري وخايفة منو شديد
- انا م عايز اعمل ليك حاجة بس عايزك تسمعيني ما تجيبي سيرتي لزول نهائ لأنو انا حارجع واعمل فيك زي اليوم داك وممكن اخطفك عادي احسن تنسي اني في يوم عملت فيك كدا وتنسي اسمي وشكلي وأي شي فاهمة؟
وطلع خلاها وهي طوالي وقعت وأمها جات لقتها واقعة وبقت تصرخ اتصلت على بهاء الدين وهو جاء جاري ودوها المستشفى.
•
•
•
-اها عملت شنو
-بالنسبة؟
-بالنسبة للشغل مش قلت حتعمل ليك مشروع وكدا؟
- اي لكن لسه ما بديت
ولا عشان القروش اديتيني ليها انتي خايفة اني ما اعمل حاجة واضيع القروش
-معقولة يا غسان كيف بتقول كدا ما قصدي كدا انا بس قلت أسألك ما اكتر
-ايوا م مشكلة انا مشتاق ليك وعايز اشوفك
-وانا كمان لي زمن منك
-طيب نتلاقى رايك شنو؟
-ناس البيت لكن
-قولي ماشة لصحبتك ولا أي شي بس
-طيب
-نتلاقى بكرة في .....
-طيب
ومشت فتحت دولابها عايزة تختار ليها حاجة تلبسها لبكرة وانو لازم تطلع أنيقة شديد وكدا م عرفت تلبس شنو بقت تنادي في ريتال وريتال بتتونس مع أحمد في الفيس وما جايبة ليها خبر اصلا الا مشت شالت منها التلفون وجرتها جابتها الدولاب.
•
•
•
قاعدة مع أمها في المطبخ بتساعدها وبتونسو فجأة خالها جاء خاشي عليهم وقال ليهم الليلة عاملين لينا شنو في الغداء وأمها قالت ليه خضرة قال ليها يا سلاااام ياخ وهو شغال يعاين للبنت لحدي ما قال ليها تعالي أكوي لي قميصي اللبني طالع بيه بعد الغداء وأرجعي لأمك قالت ليه كويس ومشت معاه الصالون واصلا طلع مافي أي قميص عايزها تكويه هي واقفة قدامو بتسأل فيه وينو القميص ي خالو وهو بعاين ليها قام قفل الباب وجاها وهي بتقول ليه وينو القميص قال ليها مافي قميص تعالي مد ليها يدو مشت ليه وهي قلبها بدق قال ليها بتحبي خالو؟ هزت ليه براسها ااي قال ليها كتيير؟ قالت ليه آي قال ليها طيب لو قلت ليك اعملي لي حاجة بتعمليها قالت لي أي قال ليها طيب اقلعي ملابسك قالت ليه ليه يا خالو قال ليها خليك شاطرة واقلعيها بس وهي بقت تعاين ليه بس ومترددة وخايفة فقام جراها عليه وقال ليها شاطرة تعالي وقلع ليها ملابسها بيدو ونومها في السرير وبقى يلعب ليها في جسمها.
•
•
•
اليوم البعديه،،
بعد ما لبست واتظبطت طلعت عشان تمشي المكان الاتفقو يتلاقو فيه لقت أمجد طالع من بيتهم بقى يعاين ليها نظام ماشة وين وكدا
-طالعة مشوار
ما حب يسألها مشوار وين لكن عرف انها ماشة تشوف زولها دا
- ريفال انا ما حقول ليك ما تمشي لكن خلي بالك من روحك وخليك فاهمة حاجة الزمن دا مافي زول ممكن تثقي فيه عشان كدا خلي بالك على نفسك.
-طيب
-انا حديك رقمي انتي لو احتجتي لأي حاجة في أي زمن ممكن تتصلي لي أنا اخوك وحقيف جنبك
-طيب
واداها رقمو وهي مشت لكن بقت تفكر في كلامو وانو معقولة غسان يكون م كويس وكدا وبقت خايفة لحدي ما وصلت ولقتو منتظرها الزمن كان زي بعد العصر كدا وقعدو في مكان جنب البحر وهو عايز يجن من البنت الحلوة القاعدة قدامو دي وما قادر يشيل عيونو منها وهي خجلانة ومنزلة راسها تحت وهو كل شوية يرفع ليها راسها ويقول ليها ما تحرميني من جمالك دا
- ريفال انا ما عارف لو ما كان جيتي حياتي لو ما كان عرفتك ما عارف كان حيحصل شنو كنت حكون عايش وما فاهم انا عايز شنو اصلا انا بحبك وم عايزك تبعدي عني ولو شوية عايزك تكوني معي كدا دايما
وهي ساكتة
وهو لسه بتكلم وبتكلم وهي أول مرة زول يقول ليها كدا وقلبها شغال دق دق دق.
*شفتو احساس انو الزول يقيمك ويقول ليك كلام حلو فيك ويخليك تحب نفسك يقول ليك حاجات فيك انت حتى ما ملاحظها في نفسك احساس حلو شديد*
قعدو لحدي ما المغرب أذن وهي خافت وقالت ليه انا مفروض امشي البيت بعد دا ولأنو بابا حايشاكلني ووووو وهو قال ليها خلاص م تخافي انا حوصلك قامو وبقو ماشين عشان يصلو مكان فيه مواصلات وهو يركبها لكن هي قالت ليه وصلني البيت وانا خايفة وما قاعدة اركب مواصلات وما حصل مشيت براي قبيل جيت بترحال لكن اسي الزمن اتأخر وما عايزة اركب ترحال براي ووو وعايزة تبكي وهو بضحك فيها قال ليها خلاص بطلي انا حوصلك لحدي باب بيتكم خايفة من شنو وانا قاعد وهي اطمنت.
بقو ماشين وصلو مكان فاضي مافيه زول قام وقفها ريفال دقيقة قالت ليه في شنو؟؟
قرب منها شديد ووشو في وشها وبعدين باسها وهو بعاين ليها بعدين هي زحت منو وقالت ليه خلينا نمشي سريع لأني اتأخرت قال ليها طيب وبقو ماشين لحدي ما وصلها ولما هي خشت البيت رسل ليها رسالة(انا لو عارف انك حتضايقي ما كان عملت كدا)
•
•
•
- أزهر دا ما عايز يجي ولا شنو ي نوال؟
-والله م عارفة مهما اتكلمنا معاه قال اسي م بقدر يجي وعندو شغل وكدا
-طيب ما فتحتي معاه موضوع ميسم؟
-فتحتو معاه لكن شايفاه م موافق
-ليه يا اختي ما يوافق بنتي مالها عيبيها لي فيها شنو حلاة الدنيا عليها اي راجل بتمناها بس هي عاجبها أزهر ود خالتها دا
-(ميسم)ي أمي خلاص في النهاية دي حاجة بترجع ليه هو يمكن هو في وحدة تانية في حياتو
-اصلا الاولاد ديل كدا الواحد من يغترب بنسى أهلو وبفكر في الأجنبيات
-والله أزهر ولدي مافي بنت في حياتو ولا حاجة لكن يمكن هو ما عايز يعرس اسي
-(لوت خشمها)سمح
طلعت قعدت برة وهي بتتكلم مع روحها
خلاص ي ميسم هو ما اول واحد ولا اخر واحد انسيهو ياخي م ممكن تكوني بالطريقة دي رافضة كل الناس عشانو وهو ما شغال بيك ولا حتى بتصل بسلم ليك ساي وانتي عندك أمل انو ممكن يحبك أو يعرسك غبية انتي؟
•
•
•
أمريكا،،
لقى زوجة الراجل المات في الشاحنة عرف بيتهم ومشى ليها لقى انو عندها ولدين صغار بقى يتكلم معاها عن انو راجلها شغال شنو وكدا وهي قالت ليه انو عندو شاحنة وبشيل فيها البضائع بتاعة الناس وكدا وفهم انها ما عارفة حاجة وحاول يعرف منها اذا الشاحنة حقتو ولا لا وهي قالت ليه انو اشتراها ليه صحبو اسمو جاك وحاول يعرف منها جاك دا منو وبيتو وين أو شغال وين وأدتو عنوان الشركة بتاعتو في واشنطن وقالت تاني م عارفة حاجة وهنا بقى عندو راس الخيط عشان يعرف جاك دا منو.
•
•
•
كان عندهم هيروين عايزين يوزعو وجاك بقى الرئيس بتاعهم قاعد بياكل في فواكه وهم واقفين فوقو عرف منهم الناس البتعاملو معاهم ومنو البجيب ليهم المخدرات وكدا وقرر انو يتعامل معاهم شخصيا واصلا هو القروش عندو زي التراب ف عادي يشيل منهم الكمية العايزها وانو ما حيقتصر على الهيروين وبس حايشوف انواع تانية وكدا.
•
•
•
أمريكا،،
جاتو رسالة من ميسم في الواتس،،
-أزهر كيفك؟
اتأفأف اووف ورد ليها
-اهلين ميسم الحمدلله بخير وانتي؟
-انا كويسة الحمدلله الشغل وياك؟
-كويس مافي عوجة كيف انتي مع الجامعة؟
-الحمدلله دي آخر سنة
-كويس والله
ما عرفت تفتح موضوع عشان تتكلم معاه وهو بقفلها طوالي وحتى ما بديها احساس انو عايز يتكلم معاها قعدت تبكي ولقت انها غبية شديد وهي بتجبرو عليها وهي ما فارقة معاه حتى بس هي بتحبو شديد شديد لدرجة انها ما عايزة غيرو ولا قادرة تتخيل نفسها مع واحد تاني.
الحب من طرف واحد دا قاتل
بتكون حاسي انو الدنيا متوقفة عليه هو بس الدنيا دي مافيها غيرو كل الناس في نظرك عاديين الا هو بتقفل كل الناس بسرعة ما بتدي فرصة لزول لأنك عايزو هو وبس بتقضيها خيالات ووهم وانو ممكن يكون ببادلني نفس الشعور بس هو ما عايز يقول لي لأنو دا م وقتو أو هو اسي ما خاتي في راسو موضوع علاقات وكدا بتتخيل مية فكرة وللأسف كلهم بكونو غلط وبتكون عايش في أوهام وبس
"الله م وقع زول في المصيدة دي"
•
•
•
هي حست بإحساس حلو لما هو باسها بس كانت اول مرة تجرب الحاجة دي وحست بحاجة غريبة وهي زاتها ما عارفة روحها فرحانة ولا متضايقة لانو عمل كدا بقت ما فاهمة بس كل مرة بتتخيل لما هو عمل كدا ردت ليه على رسالتو وقالت ليه انا م زعلت منك
وهو اطمن انها ما زعلت وما فهمتو غلط وكدا.
قعدت تعاين في صورو وتتخيل انهم حايكونو سوا انو حيتزوجو وحايعيشو احلى عيشة مع بعض.
هي نفسها انو يتزوجو اسي وهي عمرها ١٦ سنة حتى ما مفكرة في اهدافها أو أنها تقرا شنو في الجامعة أو حتشتغل شنو مخها بقى ماشي في اتجاه واحد انها تعرسو وبس وتاني هي م عايزة حاجة تنوم وهي بتتخيل فيه تصحى وهي بتتخيل فيه ، بقت ما بتقرا من ترجع من المدرسة تقعد تتكلم معاه وكتاب واحد ما بتفتحو حتى وهو ما كان بنصحها وما كان بقول ليها قومي اقري حتى عشان مستقبلك أو عشان امتحاناتك قربت أو عشان اي شي.
"دايما بقول ليك خليك مع البنيرك مش مع البطفيك"
في جهة تانية،،
- انتي ي زفتة قريتي الرياضيات الليلة؟
-ياخ يا احمد قلت ليك انا الرياضيات دا ما بحبو
-يعني لو ما بتحبيهو معناها ما حتقريهو مش بعدين حتمتحني فيه.
- اي عارفة لكن اعمل شنو يعني
-حاولي اقريه انا متأكد انك حتتقبليه عادي لكن ما تختي في بالك انو صعب وكدا بالعكس قولي انو حلو وساهل وكدا حتقدري عليه عادي
-متأكد؟
-اي والله جربي الحركة دي لكن خليك واثقة يعني م تقولي بلسانك انو حلو وساهل وانتي ما متأكدة وخايفة
-طيب حاعمل كدا وانت عملت شنو
- كنت في الجبنة مع اصحابي جيت خاشي البيت اسي وعايز انوم
-والله بالجد زيل الكلب عمرو ما يتعدل
-مالك ي زولة وكلب منو هيييي
- في غيرك؟ على اساس عايز اوري ناس بيتنا اني رهيييب وما زي ما هم فاكرين وووو وكلو طلع بمباااا
- ما كدا ياه كلو يوم واحد عايزة تحسديني عليه
-من بكرة ي حيوان تبدا تقرا ولا انا بوريك الوش التاني
- في زول قبل كدا قال ليك انك شافعة قليلة ادب؟
-كتييير
•
•
•
نايم في السرير وبفكر في هدى وبقول ياخ لالا انت عايز يكشفوك يعني؟ كفاية طلعت منها بعد صعوبة اسي البنت دي كلمت اهلها ولا قالت ليهم انو دا انت يتقلب بالجهة التانية ويرجع يقول ياخ لكن انا م قادر البنت دي عاجباني ياخ اعمل شنو يعني؟ تاني يتقلب بالجهة التانية ويقول لكن بهاء الدين أخوها لو عرفني بقتلني لأنو اصلا موضوع اغتصاب اختو دا ماكل معاه جنبة وقال لما يلقى الزول العمل فيها كدا ما حايريحو تاني يتقلب وبقول لكن ياه هو حيعرف كيف انا حخوفها واقول ليها لو اتكلمتي بقتلك كدا هي ما حتتكلم .
كان منتظر بس الصباح يجي عشان هو يمشي ليها ويعمل الفي بالو.
#يتبع
