أحب رفقتك، كل لحظه فيها مُدهشه.. كأن كل شيء يحدث للمره الأولى ولكن بطريقه أبديّه
Day dream
دي حالة بتحصل للزول بانو يهرب من الواقع الهو فيه بالخيال ممكن يتخيل اي حاجة عشان تفرحو وهو عارف انو دا كضب بس هو بستمتع جدا بالخيال دا لانو الخيال دا الوحيد البخليهو يحب الحياة يخليهو قوي ويقدر يستمر بس الحالة دي لو خرجت اكتر من المألوف ممكن تضر الزول بانو حالتو تتأخر خاصة إذا الشخص أو الحاجة الهو بتخيلها م حصلت وهو انتظرها كتير أملو في الحياة حايكون ضعيف
دا دكتور أسامة كان بتكلم مع مزمل هو طلع اصلا صحبو ومزمل كان بحكي ليه عن الحالة دي وانو مفروض يلحقوها بسرعة ويخلوها تتعالج.
أسامة مشى اتصل على رتاج وقال ليها لازم تقنع ريفال يمشو لمزمل في العيادة ورتاج قالت ليه انها حاتحاول معاها وقفلت الخط على كدا.
وانتظرتها لحدي م جات الجامعة وشايفاها متأنقة ومبسوطة استغربت انها امس كانت متضايقة شديد
جات باستها وبقت تضحك معاها ورتاج بتسأل فيها كويسة انتي؟ في حاجة حاصلة معاك؟
-اول مرة اكون كويسة كدا اصلا
رتاج حست انو بالجد مفروض ريفال تشوف دكتور مزمل بأسرع وقت
-طيب حلو لكن حصل شنو فجأة؟
- بس يا اختي قعدت افكر في كلامك الأمس واقتنعت
-اقتنعتي بالسرعة دي؟
-تتخيلي
-طيب الحمدلله ان شاء الله دايما مبسوطة كدا
-ياارب
- ريفال عايزة اقول ليك رايك شنو نمشي لدكتور وتحكي ليه عن الكل الحصل معاك؟
-دكتور؟ قصدك دكتور نفسي ؟
-اي انتي عارفة الدكاترة النفسيين ديل رهيبين كيف يعني انتي ممكن تحكي ليه عن اي شي وهو حايساعدك.
-م محتاجة واصلا الموضوع دا قفلتو خلاص
- انتي م تفهميني غلط انا م قصدي انك مجنونة أو اي شي بس كل ما في الموضوع عشان تفرقي وتحكي كل الجواك لزول خبير وهو حايساعدك
جربي م حتخسري حاجة والله انتي عارفة انا بعرف دكتور شاطر جدا اسمو مزمل وزول بشوش ومستعد يسمع لحدي بكرة م بزهج نهائ.
-(بتفكر في الموضوع انو الدكتور دا ممكن يخليها تطلع محمد من بالها وتعيش زيها زي أي بنت) طيب موافقة
-يلا خلينا نمشي اسي
-المحاضرة
-ياخ م مشكلة وحدة هي
وساقتها ومشو ورسلت لأسامة رسالة انو هم حاليا في الطريق ماشين على مزمل واسامة انبسط انو هي وافقت.
شوية واتصلت ليه لولة وشغالة تهرج
- يعني انت سافرت وهربت عشان ما تأذيها؟ وكمان ما بتسمع كلامي ومشيت عملت الفي راسك وقلت للبنت انك بتكذب عليها مع اني قلت ليك ما تكلمها من اسي بس انت عامل فيها الشريف الرضي الما بتقدر تكذب على بنت وتغشها صح؟؟
-(اخد نفس عميق وقال حايقول ليها اي شي وما حايهمو البحصل )عايني ي الاء انا عمري دا كلو بسمع كلامك نحنا عندنا ٣ سنين مع بعض وانا اي شي بتقولي لي اعمليهو بعملو ليك اي شي وانتي كنتي عاملاني لعبة أسامة تعال أسامة امشي أسامة اعمل لي كدا أسامة اعمل لي كدا وانا عمري كلو م رفضت ليك كلمة وانتي كنتي بتستغليني عشان عارفة اني بحبك عارفة اني متمسك بيك جدا وممكن اعمل اي شي عشانك انتي وحدة مريضة وغيورة عايزة تضري البنت عشان هي حلوة وطيبة وبريئة وانتي حقد الدنيا دا كلو فيك بس خلاص لحدي هنا وكفاية ينعل ابو الحب البخلينا نعمل حاجات ما عايزنها عشان زول عشان يكون معانا اسمعي انا م عايز اشوفك ولا اسمع صوتك تاني.
وقفل الخط في وشها وهي شغالة تصرخ اسااااااااااامة
قصة أسامة ولولة،،
(بحبو بعض من ٣ سنين وهي كانت بتستغلو في أي حاجة عشان عارفة انو بحبها شديد وانو ممكن يعمل اي شي عشانها لحدي ما بقى دكتور في جامعتهم وعشان غيرتها من ريفال قالت لي تتعرف عليها وتخليها تحبك وبعدين تخليها بس هو لما عرف انو ريفال بتعاني من مرض نفسي وممكن يخليها تصل للجنون وانها فاكرة أسامة هو الزول الهي بتتمناه الحاجة دي خلتو بتراجع ويصحى على نفسو ويعرف انو بعمل في حاجة غلط وانو لولة دي حاتخليهو يضر البنت بس عشان هي بتكرهها والجرأة الجاتو في انو يقول ل لولة تاني م تتصل عليه وم عايز يشوف وشها بس عشان هو بدا يحب ريفال بالجد).
