قصص الهوى قد أفسدتك .. فكلها
غيبوبةُ .. وخُرافةٌ .. وخَيَالُ
الصباح،،
قام ومشى لبهاء الدين في السوبر ماركت عايز يتأكد من الوضع وانو هدى في البيت براها ولا معاها زول وكدا وقعد يتونس معاه ويحاول يفهم وبهاء الدين قال ليه طبعا الحجة بقت تمشي ساعة وحدة المدرسة قدر الطلاب يطلعو ويشترو منها وبتجيب معاها اخواني عشان ما تخلي هدى براها مع اني كلمتها وقلت ليها يا أمي ما تمشي خليك مع هدى لكن هي رافضة وقالت ما عايزة تخليني اشتغل براي وبتاع
-ايواا وأسي اختك بقت كيف ان شاء الله اتحسنت
- اي الحمدلله ماشة في تحسن كبير
-يعني ما قالت ليكم للان العمل فيها كدا منو؟
- ما قالت لينا ولا راضية تقول ودي الحاجة القافلاها معي انا لو عرفتو والله اضبحو
وهو شغال يبلع في ريقو من الخوف لكن برضو عايز يمشي ليها حمار بس
-ان شاء الله بتعرفو
-حاعرفو وقريب
-وأسي الحجة في المدرسة ولا رجعت
-مشت ياداب هي جات سلمت لي بيجاي وقالت بترجع بعد ساعة وقالت لي اتفقد هدى بعد شوية.
-ايواا
وطوالي قال خلاص يمشي ليها في المسافة دي سريع ويجي وقال لبهاء الدين الحجة دي رسلتني اجيب خضار للبيت وكدا ومشى.
•
•
•
قاعدين في صينية الغداء هي واخوانها وأمها وخالها وخالها ما قادر يشيل عينو منها هي من عينة البنات المليانات ديل وهو يشيل ويعاين في جسمها واللقمة زاتها بتتبلع ليه بعد صعوبة واحد من اخوانها لاحظ ليه وانتبه انو خالو دا مركز مع أختو شديد قال ليه يا خال مالك ما بتاكل وهو قال ليه لالا ياخ قاعد اكل وبتاع واتوتر طوالي.
وبعد قامو من الغداء أخوها جاء قال ليها تاني في البيت ما تقعدي ب بجاماتك الثلث اربع ديل البسي حاجة زي الناس فاهمة ولا ما فاهمة؟
قالت ليه كويس.
•
•
•
أمريكا،،
مشى الشركة الفي واشنطن ولقى انها شركة تجارة وسأل في الرسبشن عن جاك ولقى انهم ما عارفنو ولما سألهم من المدير قالو واحد اسمو جينيف عرف انو جاك عامل فيها بعيد عن الشركة دي لكن الرجال الماتو ديلك هم العارفين اي شي عن جاك بس هو قرر انو يتابع جينيف واكيد اكيد حيصل لجاك عن طريق جينيف.
عرف انو جينيف حاليا في الشركة وبطلع بعد ساعة بقى منتظرو برا لحدي ما طلع ولحقو لحدي ما مشى بيتو وكدا بقى عارف بيتو والشركة الشغال فيها انتظر لحدي الصباح وجينيف طلع من بيتهم وكدا بقى متأكد هو بطلع متين وبرجع متين وبقى متابعو كم يوم وعرف انو جينيف ما بعمل حاجة غير انو من الشركة للبيت ف بقى شاكي انو يكون شغال مع جاك وانو ممكن يكون وظفو مدير في الشركة من غير ما يكون عندو اتصال معاه بس هو كان لازم يصل لجينيف ويتكلم معاه عشان يصل لجاك.
•
•
•
جاك بفكر في العملية الجاية وأنها لازم تكون كبيرة هو بقى الهوس بتاعو كلو انو المخدرات دي لازم تصل لكل الناس لانو بقى خاتي في بالو انها بتخلص كل الناس من الفيهم وانها ممكن تغير زول عادي زي ما غيرتو هو.
كان بتكلم مع واحد اسمو مارك وقال ليه بجيب ليك البضاعة بكرة في المكان الفلاني ويسلمو القروش طوالي وهو اليوم البعديه طوالي مشى واستلم البضاعة وبدا يوزع فيها هو والناس معاه بالسر وكبر المجموعة بتاعتو وبقو شغالين معاه مجموعة ومافي زول جايب خبرهم دا غير انو لسه ما وصل السن القانوني ومافي زول بفكر انو ممكن يطلع منو دا كلو ويكون رئيس عصابة.
•
•
•
بتتكلم مع واحد (بتكلمو انجليزي بس انا حترجم طوالي)
-انت عايز مني شنو؟
-الزول دا خطر في حياتي وانا عايز اتخلص منو
-قصدك تقتلو؟
- لا بس اخليهو بعيد عني
-وانا حاستفيد شنو لما اساعدك؟
- حتطلعي بقروش ممكن تشتري ليك قصر في امريكا ودا غير انك حتنتقمي منو.
-انتقم في شنو؟
-لانو رفضك انتي جارية وراه من زمن وهو ما شغال بيك بنت حلوة زيك كدا مفروض لو أشرت ليه بصباعها بس هو يجي واقع ليها
-وانت عرفت كيف؟
-انا عارف أي حاجة
•
•
•
السودان،،
مشى دق بابهم وهي فتحت على أساس انو بهاء الدين أخوها كالعادة والمرة دي قربت تجن وعرفت انو ما ناوي على خير والمرة دي هو ما حايخليها جرت غرفتها وعايزة تقفلها عليها وهو مسك الباب طوالي وقال ليها ماشة وين يا حلوة
وهي حاولت تجري وهو مسكها من نصها وقرب منها لكن تلفونو ضرب ودا كان بهاء الدين رد ليه وهو ببلع في ريقو خاف شديد قال ليه تعال اقعد لي في السوبر ماركت انا عايز امشي اطمن على هدى قال ليه كويس قال ليها حجيك وما حتهربي مني ولو حاولتي تجيبي سيرتي لأخوك بقتلك يا هدى وطلع وخلاها بترجف وبتشيل نفس بصعوبة.
•
•
•
بتكلم معاها،،
-يعني انتي ما اتضايقتي لما انا بستك؟
-(سكتت مسافة) لالا
-(بقى يضحك) عارفة انا اشتقت ليك سريع كأني ما شفتك اول امس
-بالجد؟
- اي والله رايك شنو نتلاقى تاني؟
-تاني اطلع كيف من البيت؟
-عندي ليك فكرة
-اها
-قولي عرس صحبتك وكدا الحفلة بليل لانو انا شغال وما بفضى الا بعد المغرب
-غسان انت مجنون منو البخليني اطلع بعد المغرب بابا مستحيل يرضى
-ابكي ليه قولي ليه هي صحبتي شديد وكدا وانا عايزة احضر عرسها قولي ليه حامشي بترحال وهم برجعوني
- ما عارفة ياخ خايفة
- ما تخافي حايخليك ان شاء الله لأني عايز اشوفك
-طيب بكلمو وان شاء الله يوافق.
•
•
•
مشت كلمت أبوها وهو رفض ليها تمشي الحفلة وبقت تحنس فيه وتحنس فيه وما وافق مشت كلمت أمها وبكت ليها وأمها مشت حنست ليها أبوها حتى وافق لكن قال ليها تقعدي ساعة وحدة بس وتجي وهي عايزة تنطط من الفرح مشت لبست فستان بتاع حفلات عشان يصدقوها وعملت فل ميكاب وبتاع ريتال قالت ليها الا امشي معاك وهي ابت ليها وقالت ليها ما عايزة شفع يمشو معي بمشي براي وطلعت واتصلت على غسان قال ليها تعاليني في المحل الفلاني وركبت ومشت ليه.
•
•
•
بتبكي بكاء شديييد وبترجف
- انا م كنت عايزة اكلمك لأني عارفة انك حتعمل مشكلة كبيرة وممكن تقتلو بس انا م قدرت أتحمل اكتر من كدا اني اشوفو قدامي بعد العملو فيني واليوم داك بعد انت جبتو معاك البيت خفت شديد وانو يرجع يعمل فيني كدا كنت خايفة بس م قادرة افتح خشمي لأني خايفة وقبيل لما جاء حسيت انو الموقف داك حيرجع تاني يحصل اي صح هو هددني انو انا لو كلمتك حيقتلني بس انا م عايزاك تعمل حاجة تدخلك السجن.
عيونو قلبت حمراء وعروق يدو ظهرت دخل شال سكينة دخلها في جيبو وطلع وهي بتصرخ بتقول ليه أقيف ي بهاء وهو لز الباب طااااخ وطلع وهي جرت تحكي لأمها
•
•
•
جاء داخل البيت وشكلو شارب ليه حاجة أختو مافي كالعادة بتكون عند الجيران وأولادها شكلهم برضو مافي في بس البنت الهو دايرها ومستني اللحظة دي من زمان عشان تجي طوالي مشى ليها في غرفتها لقاها بتقرا هي اتلفتت لما حست بزول واقف
-خالو عايز حاجة؟
واقف بعاين فيها بس
هي خافت من شكلو عيونو ما طبيعية حتى وقفتو ما طبيعية
- أمي مشت الجيران لكن قالت بتجي بعد شوية لو عايز أخت ليك الغداء حامشي اختو ليك
وقامت عايزة تمشي المطبخ فجأة مسكها من يدها تعالي قالها ليها بصوت غريب وهو بعاين ليها وهي خلاص الخوف دخلها وهو مالو وفي شنو ما فاهمة حاجة قال ليها انا الليلة حخليكي بنتي انا وبس وللأبد وهي م فاهمة كلامو تاني قال ليها حبيبة خالك انتي وهو بقرب منها ومسكها من يدها شديد وهي بتقول ليه ي خالو فكني انت ماسكني شديد وهو يزيد ويمسكها بقوة اكتر وهي تحاول تفك يدينها منو وتقول ليه فكني وهو لسه مواصل قام شالها وقعها في السرير وهي تشلتو برجلينها وتشلتو وهو يقلع ليها في ملابسها وهي تصرخ وهو مستمتع لحدي م أمها حست بحاجة في قلبها وكأنو بنتها دي حاصلة معاها حاجة وطوالي جرت البيت وفتحت الباب وجات جارية غرفة بنتها وشافت المنظر الما متمنية زول يشوفو نهائ أخوها بغتصب في بنتها.
•
•
•
وصلت المكان الوصفو ليها غسان ولقتو واقف وهو مبهور من حلاوتها جاء مسكها من يدها وباسها دي شنو الحلاوة دي وهي دنقرت راسها قال ليها يلا تعالي شوفي المفاجآة العاملها ليك قالت ليه مفاجآة شنو؟ قال ليها انتي بس تعالي وحاتشوفي اي حاجة كان مجهز ليها مركب ومزينو بأنوار وحاجات حلوة وهي اتخلعت من المنظر واااااو غسان دا كلو عشاني قال ليها ومنو غيرك ي جميل؟ وساعدها ركبت وقعد قصادها وكان خاتي بارد وقعد يعاين ليها قال ليها انتي لو قاعدة قدامي كدا العمر كلو ما بزهج منك وهي خجلانة وهو يشيل ويملاها كلام حلو.
شوية كدا تلفونو ضرب لقاه واحد من اخوانو رد ليه وفجأة نط من المركب وجرا وما فهمها اي حاجة وهي تنادي فيه غسان في شنو غساااان خلاها براها وهي م فاهمة حاجة بقت تتصل ليه وما برد ليها م عرفت تعمل شنو والزمن اتأخر وعلى أساس هو الحايرجعها اسي هي حتعمل شنو ولا ترجع كيف طلعت من المركب وقفت برة وبقت تبكي والماشي والجاي يشاغل فيها والاولاد ما خلوها في حالها فكرت في أمجد اتصلت ليه قالت ليه انا في المكان..... ممكن تجي تسوقني قال ليها حاضر وجاها طوالي ووصلها البيت ولما جات تدخل قال ليها انا ما حاسألك كنتي وين ولا مع منو لكن احسن تخلي بالك من نفسك باقي المرات تمام؟
وهي خشت بيتهم صارة وشها وزعلانة وما فاهمة غسان عمل كدا ليه
•
•
•
أمريكا،،،
المديرة اتصلت على أم جاك واستدعتها للمدرسة مع انها مشغولة لكن قالت تمشي وتشوف الحاصل شنو واكتشفت انو ولدها ما بمشي المدرسة عندو شهرين اتصدمت من الموضوع وانو هي بتشوفو بطلع من البيت طيب بمشي وين؟
ختت اللوم كلو عليها هي وانها ما قاعدة تهتم بولدها نهائ وطبيعي مشغولة وحتى ما عارفة البحصل ليه شنو وانها من الليلة ولقدام حتنتبه ليه اكتر لأنو في فترة مراهقة
انتظرو يجي عشان تسألو واستغربت انو الزمن اتأخر وهو ما جاء وبقضي زمنو دا كلو وين ومع منو وهي منتظراه لحدي ما جاء البيت والزمن كان متأخر شديد وهو اتخلع لما شافها
-مام ماذا هناك
-لماذا لا تذهب الى المدرسة
-ماذا؟من قال هذا؟(مخلوع)
-المديرة
بقى يتأتأ في الكلام وما عارف يتصرف كيف
-لا أريد الذهاب إلى المدرسة انا اكرهها
-لماذا ماذا هناك؟
بقى يتحجج ليها انو المدرسين م كويسين وهو ما عايز يمشي تاني وهي شكت انو حاصلة معاه حاجة وقررت انها تكتشف الموضوع.
•
•
•
متابع جينيف كالعادة ولحسن الحظ انو المرة دي جينيف من الشركة بدل يمشي البيت مشى لديسكو قريب من الشركة وشكلو مزاجو الليلة م كويس وهو لحقو طوالي وشايفو من بعيد طلب ويسكي وكان بقلع في الكرفتة وشكلو في حاجة مضايقاه وهو شاف انو دا الوقت المناسب وطوالي مشى قعد جنبو وطلب نفس الويسكي واتصرف انو برضو زهجان وكدا وبقى يحاول يقلع في الكرفتة.
-لا يوجد شئ جيد كله سئ سئ سئ.
جينيف عاين ليه
-انت تبدو افريقي
-أو نعم
-لماذا أتيت إلى هنا؟
-للعمل لدي شركات
جينيف صلح قعدتو واتلفت عليه
-لديك شركات؟
-نعم وأريد أن اشتري شركة ....(الشركة بتاعتهم)
-ماذا؟ماذا قلت؟ هذه الشركة ملكي
-حقا لكن انا اعرف انا المدير يدعى جاك
اتوتر وحس انو الزول دا وراه شي وهو كيف عرف انو جاك مدير الشركة اصلا ما بكونو عارفين الا الناس الشغالين معاه.
•
•
•
بتكلم معاها،
-انتي عليكي تراقبيهو لي وتعرفي اي صغيرة وكبيرة عنو
-لكن انا اصلا م عارفة هو اسي وين وما قادرة اصل ليه
-هو حاليا في واشنطن وحيجي في الأيام الجاية دي
-وانت عرفت كيف
- قلت ليك اني عارف اي حاجة بس عليكي بعد هو يرجع تراقبي لي كل تحركاتو حتى لو خش الحمام تقولي لي
-ليه اخترتني الا انا؟
-لأنك قريبة منو وهو ما حايشك فيك
-انا ما عايزاك تأذيه لأني بحبو
- ما حاعمل ليه حاجة الا اذا هو حاول يضرني ويخرب شغلي.
•
•
•
السودان،،
أمها واقعة في الأرض وهي بتكوروك الشارع مليان والناس لامة ودو البنت المستشفى الحمد لله هو ما لحق انو يأذيها شديد لانو امها جات سرعة بس كان منظر شنيع بالنسبة ليها تشوف أخوها بعمل في بنتها كدا وما قادرة تصدق الشايفاه شغالة تصرخ وتقول ياريتني عميت قبل ما اشوف المنظر دا ياريت
سجى بنتها جاتها جارية وبتبكي معاها وهي بتقول ليها انا كنت بخليها في البيت براها كنت بخليها معاه عشان بقول انو دا اخوي كنت بأمنها عليه ما اتوقعت انو يعمل كدا في البنت الأنا فاكرة انها بنتو زي ما هي بنتي انا السبب في الحصل في بنتي
هو لقى طريقة يهرب وأسي بفتشو فيه.
غسان جاء وعرف الخبر وهو وشو مليان الوان بتذكر في هدى والعملو فيها بتذكر في البنت الكان شافها في البيت المهجور وبدل يساعدها ضراها زيادة وهي ماتت ل لحظة كره نفسو واتمنى يموت .
*كما تدين تدان*
قاعدين في الشارع لحدي بليل وامها وأختها معاها في المستشفى وأخوانها بفتشو في خالهم ومعاهم أولاد الحلة والشايل ساطور والشايل سكين وحالفين يقتلو، بهاء الدين اخو هدى كان واقف معاهم برضو بس نظرو كلو مع غسان شايفو قاعد في الأرض ومهموم بس برضو ما حن عليه لانو هو عمل في اختو كدا مشى ليه وقال ليه انا عارف انو صعبة لانو حتى انا حصل مع أختي كدا وانا للان ما عرفت دا منو العمل فيها كدا(ماسك يدو بقوة) وغسان عاين بيه بمفاجأة لما هو قال كدا ووشو اتملا عرق وكان عايز يقول ليه انا العملت فيها كدا يا بهاء الدين وعندك الحق تعمل فيني العايزو لأني بستاهل بس كان عايز موضوع اختو دا ينتهي ويحكي ليه ويمشي يسلم نفسو للشرطة.
بهاء الدين قال ليه م تعمل في نفسك كدا ربنا كريم وحايشيل ليها حقها وتعال نمشي نشم هوا شوية بدل انت قاعد هنا وغسان قام معاه وبقو ماشين وبهاء الدين بتكلم معاه وهو سرحان لحدي ما وصلو مكان فااااااضي وبهاء الدين طلع سكينو وطعن غسان يلحق زي ١٠ طعنات وهو ما منتبه لنفسو بس يتذكر في اختو والعملو فيها ما وقف لحدي ما هو وقع وبقى ما فيه روح اصلا خلاه واقع ومشى مركز الشرطة وسلم نفسو.
الدنيا بتحصل فيها حاجات ما بتصدق بس عادي دا كلو بحصل وحصل كتير،الواحد قبل ما يفكر يعمل اي حاجة يتذكر انو عندو اخوات في البيت وممكن تحصل ليهم حاجة لانو بنات الناس ما لعبة عشان هو عايز يفرغ شهوتو معناها يمشي يأذي اي بنت وما يهمو ،
القصص دي كتيرة في واقعنا وعادي يكون خالك أو زول قريب منك يعمل كدا لانهم بكونو في لحظة عدم وعي عشان كدا الوحدة تكون قريبة من بناتها وتخليهم في عيونها الناس تتوقع اي حاجة من اي زول وفي اي مكان.
#يتبع
