"إنّي ادّخرتك يا غِنايَ ومَغْنَمي
قلبٌ كقلبِك في الحياةِ ثَراءُ"💕
-البيت ماشاء الله حلو شديد وكبير والحتة زاتها سمحة
-مش قلت ليك انو حلو
-خلاص بكرة نجيب البنات ورعد يشوفو
-لالا مافي داعي انا متاكد انو حيعجبهم بس نبدأ نرحل طوالي عشان نخلص سريع
-طيب خير ان شاء الله
•
•
•
مطار الخرطوم،،
دكتور أسامة وصل وهو على أمل انو ريفال توافق عليه لانو بحبها جدا وعايز يكمل حياتو معاها
مشى قابل مزمل اتكلمو شوية في الموضوع وطوالي قال ليه انا حامشي ليهم في البيت وكدا عشان قبل ما يجي محمد الجد الجد ويخطفها مني بقو يضحكو
أسامة اتصل لرتاج وكلمها بالموضوع واصلا هي عايزة أسامة لصحبتها لانو هو ساعدها انها تتخطى الهي مرت بيه وهي وصفت ليه البيت وقال ليها انو ما عايز يكلم ريفال بالتلفون عايز يمشي ليهم طوالي وهي اتفقت معاه انو يمشو في نفس اليوم وكدا على الأقل لو حصلت اي مشاكل ولا تعكسات رتاج تحاول تقنعها حتى لو رفضت وكدا.
هو كان مستعجل وما عايز يتأخر طوالي مشى ليهم اليوم البعديه ورتاج سبقتو وبقت تمهد لريفال في الموضوع عشان ما تتفاجئ وكدا
هو دخل لقى أبوها وأخوها في الصالون قعد معاهم وقال ليه انو انا دكتور ريفال في الجامعة وكدا كدا
وطوالي خش في الموضوع
هو مافي زول بلحقو في الفصاحة ماشاء الله والإقناع قال ليهم كلام عجبهم شديد واعتذر انو جاء براه وقال ليهم انو هو اصلا اهلو كلهم برة السودان وهو زاتو جاء من الإمارات امس ودا السبب الخلاه يجيبهم براه بس اكيد لما يجو يعملو العقد هم حيجو
أبوها بقى يسألو أسئلة روتينية انتو من وين وهنا في السودان كنتو عايشين وين وكدا نظام يسأل منهم
واتكلمو مسافه وأبوها قال ليه ان شاء الله خير ومبدئيا كدا هو شكلو موافق وبعدين أسامة طلع وهو مطمن من ردة فعل أبوها وحاسي انو حايوافق
اتكلم مع رعد ورعد قال ليه والله شكلو زول كويس وراجل
رتاج كلمت ريفال بالموضوع وريفال ما ادتها اي ردة فعل
لحدي ما رتاج مشت وأبو ريفال فتح الموضوع مع امها وكدا وقالو عايزين يشوفو رايها.
هي في غرفتها بتتكلم مع نفسها،،
انا عارفة انو دكتور أسامة قبل اليوم غش علي ومثل انو بحبني وانا لما شفتو كنت فاكرة انو محمد ويمكن اكون حبيتو بالجد أو يمكن اكون حبيتو عشان فاكرة انو محمد بس هو جاء من الإمارات عشانك ي ريفال فكري في الحاجة دي كويس هو لو ما بحبك ما كان جاء عشانك وما كان جاء البيت طوالي يمكن انتي ما تلقي زول مناسب اكتر منو وهو ماشاء الله وجيه ومتعلم وفاهم م اعتقد في سبب بخليك ترفضي.
بعدين امها نادتها عشان يتكلمو معاها في الموضوع وهم اتخلعو لما قالت ليهم انها موافقة من قبل ما هم يفتحو معاها الموضوع حتى هي حتى ما عارفة ليه وافقت سريع كدا يمكن عشان عايزة توهم نفسها انو محمد ما فارق معاها وعشان تقدر تنساه؟
بسأل عليك في زحمة التيه المحاصر بالفراغ
في صحية الوعي المخدر في جبين الكون ضياع
في غربة الشجن المعذب ورهبة الخوف المشاع
بتجيني في وجع الحروف الياسة تشرب من أنينا
في شارة الالم البتكبر الجاية من أغوار دفينة
مكسية بي لون الشفق مشحونة من طرف المدينة
بسأل عليك لاملت أشواقي السؤال
بسأل عليك لا إرتاحت الخطوة الخزينة
