ولكثرة ما نظرتُ إليه، بتّ أحسبهُ بعضاً من قلبي ”
-محمد دا منو يا ريفال انتي من قبيل بتجيبي سيرتو في شنو ي بنت؟
وبتقولي بحبك ي محمد قدامي كدا عادي وكأني قبل شوية م قلت ليك اني بحبك وعايزك
-(بتضحك) اسامة دقيقة افهمك
-تفهميني شنو تاني
-محمد دا انت على فكرة
-كيف يعني؟
حكت ليه القصة كلها وهي متين بدت تتخيلو وتتكلم معاه وهو يرد ليها حكت ليه القصة كلها وانو الموضوع بقى زي الجن بالنسبة ليها وانو هو بقى حاجة أساسية في حياتها مستحيل يمر يوم وما تتكلم معاه مستحيل يمر يوم وهو ما يجي على بالها وما تتخيل صورتو وهي م عارفة لو ما كان لقتو كان حيحصل ليها شنو.
هو كدكتور سايكولوجي عرف انو دي حالة ما طبيعية والحالة دي دايما بتحصل مع البنات البكونو مارين بفترة صعبة أو اتخذلو من ناس كتار فبتخيلو زول فيه كل الصفات الهم عايزنها عشان يطلعهم من الهم فيه وممكن عادي الوحدة تجن لو الخيال كتر وهي اتعلقت بيه وفي النهاية ما لقتو أو ما ظهر في حياتها وممكن عادي ما تتزوج عشان هي عايزاه هو بس
دكتور أسامة كان بفكر في الكلام دا وهي بتتكلم معاه
-دكتور اسامة
دكتور أسامة
دكتور أسامة
رد وهو مخلوع
- ايوا ايوا
-سرحان وين انت؟
-لالا معاكي معاكي
•
•
•
قاعد في مكتبو وبتذكر قبل كم سنة من اسي لما كان برجع البيت وهو سكران ويقعد يضربها ويضربها وعادي يهددها بالمسدس وهي م تقدر تقول حاجة بس تقعد تبكي الليل كلو، واليوم الطلقها فيه م عارف هو كيف عمل كدا حتى هي ما كانت بتغلط معاه في حاجة حتى ولدو اسي م عارفو عامل كيف ولا شكلو كيف ولا هم عايشين كيف ولا حاصل عليهم شنو؟
خاتي يدو في راسو ومتحسر على اي حاجة عملها ومتمني لو يرجع الزمن ماكان حصل الحصل.
لمدة ١٥ سنة هو كل يوم بفكر في الموضوع دا لكن ما جاتو الجرأة يفتشهم أو يعرف الحاصل عليهم يمكن عشان خجلان.
•
•
•
رجعت البيت وهي عايزة تطير من الفرح يعني هي حاتعيش معاه العمر كلو؟ هي تاني م محتاجة تتكلم معاه في خيالها لانو قصادها هو قدامها وما محتاجة تغمض عيونها عشان تتخيل شكلو
اتصلت لرتاج صحبتها وحكت ليها ورتاج قالت ليها خلي يجي يخطبك ساي عشان على الأقل تكوني ضامنة انو حايكون معاك وما يغير رايو في يوم .
بقت تفكر في الموضوع وانو بالجد لو ما بقت بيناتهم علاقة رسمية يمكن عادي يخليها أو وحدة تخطفو منها بالذات بنات الجامعة ديل
وقررت تحكي الموضوع لأمها وكدا وهي تكلم ابوها
بس المهم هي تكون معاه العمر كلو ومافي شي يفرقهم لانها ما بتستحمل يغيب عنها بعد ما لقتو.
*رأيتك أمامي سمعت صوتك وضحكتك رأيت عيناك عندما تضيق من الضحك ابتسامتك رأيت كل شئ كنت اتخيله فيك*
الصباح في الجامعة،،
لبست واتأنقت آخر حاجة ومشت وهي مبسوطة ورافعة راسها فوق واي بنت تعاين ليها هي تعاين ليها بطرف عينها بس لدرجة انو مشيتها اتغيرت ويا ارض ما فيك الا انا
*بالجد الحب بغير فينا أي حاجة*
وجات خاشة القاعة تنكش تنكش وعارفة انوو اللكشر معاه مشت قعدت قداااااام قصاد البورد طوالي ولو عليها مافي زول يحضر اللكشر غيرها ومافي زول يشوف أسامة غيرها تشوفو هي وبس بقت تفكر انهم لما يتزوجو هي حاتقول ليه ما يشتغل في الجامعة دي لانها بتغير عليه شديد
المهم لحدي ما جات رتاج وقعدت جنبها وقعدت تشاغل فيها انها طالعة حلوة وكدا شوية واسامة جاء خاشي والقاعة صنت خلاص وهو لقاها قدامو وهي بتعاين ليه ومبسوطة قام طوالي سلم وبدا اللكشر بتاعتو والوقت كلو ما عاين ليها نهائ لدرجة هي زعلت ودموعها عايزة تجري انو ليه ما اداها اي انتباه؟ وانو هي الليلة طالعة حلوة شديد هو ليه م عبرها؟ ليه ما عاين ليها زي ما بعاين ليها كل مرة؟ في شنو؟
ما قدرت تركز في اللكشر وكانت منتظراه يخلص بسرعة والساعتين بقو ليها زي ال ١٠ ساعات لدرجة انها حست انها م قادرة تتنفس وبعد المحاضرة خلصت وهو طلع هي طوالي طلعت وراه ولولة الكريهة ديك وصحباتها فكو ضحكة بصوت عالي رتاج اتلفتت ورا حمرت ليهم وطلعت ورا صحبتها.
جرت وراه ووقفتو
-أسامة
وقف واتلفت ليها
- ايوا ي ريفال
دموعها عايزة تنزل
-انت مالك الليلة؟
-مالي في شنو؟
-م كنت بتعاين لي زي اول حتى ما انتبهت لي
- مافي حاجة كل مافي الموضوع اني الليلة مشغول شوية
-طيب
عاين ليها وهي زعلانة
-ليه الحلو زعلان
- ما عارفة بس حسيت في شي حاصل
- مافي شي
-طيب انا عايزة اكلم ماما عشان انت تجي البيت
-شنو؟
- مش انت امس قلت لي لو حابة ممكن اجي بيتكم
سكت مسافة
-طيب ان شاء الله
ومشى طوالي وهي وقفت مستغربة هو ليه فجأة بقى كدا؟ وليه بتكلم معي كدا حتى في شنو؟
وبقت تبكي
جاتها رتاج وقالت ليها مالك وفي شنو وهي بتهدي فيها
-أسامة اتغير علي ما شفتي الليلة حتى م عبرني
-ي بنت عادي بكون مشغول بس
•
•
•
امريكا،،
بفكر
هم اصلا ما كانو نايمين هم كانو مخدرين بمخدر قوي في زول جاء وخدرهم ونومهم بالطريقة دي عشان راجل السكرتيرة يجي ويشوفهم كدا وبعدين يقولو انو هو القتلهم
دا منو العندو مصلحة انو يقتلهم ال٢؟
الحلق بتاع مرة المدير؟
عادي ممكن يكون نستو اي يوم ما الا يوم الجريمة
لكن هو شاكي فيها هي عادي ممكن تكون قتلت راجلها عشان تشيل كل قروشو لانو هو م عندو أولاد وهي حاتشيل كل الورثة؟
بس هي كانت متأثرة شديد
رجع وقال
أزهر ما تشتغل باحاسيسك عادي جدا هي تكون عاملة فيها بتبكي ومتأثرة
جاتو فكرة حلوة وطوالي دور عربيتو ومشى الشركة وقاصد كراج السيارات
لقى الاوفيسر المسؤول منو
سألو انو يوم الجريمة اي واحد جاء شال عربيتو من هنا الساعة كم وكل الناس طلعو بدري قبل زمن الجريمة بمسافة تاني رجع وقال ليه لكن المدام طلعت حوالي الساعة ١٢ كدا انا بس لمحتها ركبت عربيتها وطلعت.
بس خلاص هو وصل للعايزو وعرف انو مرتو هي القاتلة.
•
•
•
قاعد بفكر،،
انا ليه استغلها هي م عندها ذنب البنت دي عندها شعرة بس من الجنون حاتروح في ستين داهية لو عرفت انو انا ما محمد الهي بتتمناه أو اني خيبت ظنها مافي حل غير اني اكلمها بأي حاجة هي بنت ناس وبريئة ومسكينة مافي داعي للبتعمل فيه دا يا أسامة
شال تلفونو واتصل ليها
وهي من شافت رقمو عايزة تطير ردت بسرعة ولهفة
-أسامة
- ريفال كيفك؟
-م كويسة انا
-نتلاقى؟
-(فرحت شديد)اي متين؟
- اسي انا قاعد في ...
-بجيك خلاص
-طيب اسرعي
ولبست سريع سريع وطلعت وهي قلبها بدق من ناحية بتقول يمكن عايز يتكلم معاها في موضوع العرس ومن ناحية خايفة يكون في شي تاني لانو صوتو كان ما بطمن اتصلت لرتاج حكت ليها ورتاج قالت ليها ما تخافي عادي م حايكون في شي.
وصلت لقتو قاعد بشرب سيجارة وسرحان وقفت عاينت ليه من بعيد وقالت في سرها
-محمد ما بشرب سجاير
وصلت وقعدت هو اتلفت ليها
-تشربي شنو
-ولا شي
-طيب انا حادخل في الموضوع طوالي
-(قلبها بدق)موضوع شنو
-ريفال انا ما بحبك وما جادي في القلتو ليك انا بس عملت حاجة لولة قالت اعملها وما كنت فاكر الموضوع حيصل لحدي هنا
-شنووووو؟
- ريفال بصراحة ما كنت فاكر الموضوع حايكون كدا كنا بنلعب عادي
-بتلعبو؟؟
- انتي بنت حلوة واي حاجة وانا بس كان نفسي اتكلم معاك واصل ليك لكن دا ما معناه اني حبيتك لانو الحب ما بجي في يوم أو يومين وانا لما جيت قعدت واتكلمت معاك ولقيت انك جادة شديد وانو الحالة الحكيتيها لي عنك وانتي بتتخيلي زول والكلام دا الحاجة دي خلتني اتراجع لانو انتي كدا ممكن تجني عادي وانا كدكتور نفسي عرفت انو حالتك دي صعبة وما مفروض نحنا نتعامل معاك كدا ومفروض تعرفي حقيقة الموضوع دا
-(دموعها جرت) حالتي؟ يعني انت اسي شايف اني مريضة وبتتعامل معي على اساس اني حالة؟؟
-ريفال انا م قلت كدا لكن الكلام الأنتي قلتيهو لي م كلام طبيعي ولا بتاع ناس طبيعيين يعني انتي ممكن تروحي فيها عادي لو كان نحنا واصلنا
- لو كان م عرفت انك كذاب وصدقتك
-انا اسف اسف لأني ختيتك في حتة زي دي بس م كنت عارف انو ممكن تكوني متمسكة كدا انا ممكن اساعدك تحاربي خيالاتك وتحاربي محمد الأنتي بتتخيليهو دا لانو ما حقيقي
- (بتبكي شديد ) لا حقيقي حقيقي ومافي زول عندو الحق يقول انو م حقيقي واحتفظ بنصايحك لنفسك
وقامت مشت وهو بنادي فيها.
م قادرة تمشي في الشارع زي الناس حتى ودموعها جارية والشارع كلو بعاين ليها مشت قعدت تحت الكبري وبتتكلم مع محمد في خيالها
-على اساس انو دا انت على اساس اني خلاص لقيتك وانك جنبي على اساس حبطل اتكلم معاك في الخيال لأنك بقيت حقيقي بس للاسف انت خذلتني جدا خذلتني مع اني محتاجة ليك ودي اكتر فترة انا محتاجة ليك فيها بس انت ما جيت للاسف م جيت وانا الغيبة صدقتك صدقتك لما كنت بتقول لي بجي بس شوية وبجي خليتني اكون مهذلة قدام الناس ويستهترو بي ويقولو اني مجنونة انا بكرهك شديييد
وبتبكي
