كيفَ لك أن تأخُذ قلبي وأنت بكُلِ هذا البُعد . . !
اتصل ليها
- ريفال مالك ليه من شفتيني ما اتكلمتي معي في حاجة؟
-(خافت يكون حس انو في شي)لا مافي حاجة انا عيانة شوية بس
-سلامتك حبيبتي
-الله يسلمك
بعدين اتكلمو شوية وقفل منها عشان ترتاح وهي بقت تتكلم مع نفسها
-اول شي هو كويس وطيب وبحبني وشايلني في عيونو مافي سبب بخليني اتخلا عنو بس عشان شكلو ما عجبني الشكل ما اي شي وبعدين صح كان نفسي انو الزول الحاحبو انا يكون جنتل مان ولبيس كدا ورهيب بس ما مشكلة ما أي حاجة نحنا بنتمناها معناها لازم تحصل وكدا
فجأة حست بقناعة وانها تواصل في العلاقة دي وهو ما ذنبو حاجة وتعاملو زي ما كانت بتعاملو وما تتغير منو
رسلت ليه رسالة
غسان انا بحبك شديد
قراها وهو حاسي كأنها جديدة كأنها اول مرة تقولها ليه اصلا شال تلفونو ولمس بيه صدرو وكأنو في جوة التلفون
حتى رد ليها على الرسالة وقال ليها انا بموت فيك
•
•
•
امريكا،،
-نعم منو معي؟(بصرة)
-أزهر أنا ميسم
-(ضرب راسو بيدو وانو ما كان يرد)ااه ميسم كيفك وكيف ناس خالتي ان شاء الله كويسين
-الحمدلله بخير انت كيف؟
-كويس الحمدلله كيف انتي مع الجامعة
-انا مشتاقة ليك بس
-انا زاتي مشتاق ليكم ياخ ولناس خالتي
-(زعلت)حتجي السودان بعد التخريج صح؟
-والله م اظن
-كيف يعني ما حترجع تشتغل هنا في السودان
-م اعتقد ارجع تاني
-طيب وانا؟
-(بتكلم مع نفسو حاتكون كارثة لو فكرت في أي شي)بجيكم زيارات ان شاء الله
-امم طيب
انت ليه غيرت رقمك كنت بتصل عليك في الرقم القديم وما عارفة انك غيرتو الا شلتو من أمك
-(يالله ليه يا أمي تديه ليها)اهاا بس غيرتو لزوم الشغل وكدا
-أزهر أنا عايزة اقول ليك اني بحبك
-(من قبيل بتهرب منها عشان ما تقول ليه حاجة هو عارف انها بتحبو ومن زمان وهي بنت خالتو وهو ما عايز يجرحها)
•
•
•
-الو ريفال؟(بشفقة)
