لا تخبري الوردَ عني إنيِّ أخافُ عليكِ
ولا تبوحي بسرِّي ومَنْ أكونُ لديكِ
السودان،،
مستنية برة اضطرت انها تنتظر لحدي ما جاء دورها وخشت لقت دكتور مزمل ظاهر من وشو انو بشوش شديد قعدت وهي متوترة وما عارفة تبدا من وين ولا حاتقول شنو وهو ملاحظ الحاجة دي
-(خاتي يدو في حنكو) ميسم
-(رفعت راسها)نعم
- انا عايزك ما تخافي واعتبري انو واقفة قدامك صحبتك شديد صحبتك الأنتي بتحبيها وبتحكي ليها اي حاجة اول بأول
-للأسف انا م عندي الصحبة دي
-طيب ولا تضايقي نفسك حاتجيكي الصحبة دي
- انا كنت دايما بتمنى انو يكون عندي صحبة قريبة مني شديد احكي ليها اي حاجة نطلع مع بعض نبيت في بيوت بعض تكون زي أختي بس حتى الحاجة دي ما عندي فيها نصيب
فهم انها واصلة مرحلة سلبية بعيدة
-وليه ما عندك الصحبة دي وليه فاكرة انو م عندك نصيب في الحاجة دي؟
-لانو انا م بدي فرص للناس لأني مقفولة وبعيدة عنهم
-وانتي ليه كده
-انا كدا بسببو هو
-هو منو
-أزهر
دكتور مزمل قعد في الكرسي مد ظهرو ورجع لورا وقال لنفسو ايوااا القصة دي فيها ولد يعني انا اكون مسترخي لانها بعد شوية حتبدا بكى وبالفعل ميسم بدت تحكي عن أزهر ودموعها بتجري.
•
•
•
ريفال فاتحة كتابها وبتقرا جاتها رسالة من أمجد
(بعد تخلصي الكتاب دا حاعزمكم اسكريم بعدين انتي وريتال)
قالت ليه طيب
وهي بتقرا كل ساعة يرسل ليها وهي تضحك خلاها تكون مبسوطة وتطلع من الكآبة شوية لحدي ما جاء المساء وساقت ريتال مع انها قعدت تنق فيها وتقول ليها ياخ أمجد دا انا بكرهو وبتاع وما ماشة وهي قالت ليها اصلا انتي أي زول بتكرهيه ما بقت عليه هو ولبسو وطلعو لاقو وقعدو يتونسو وهو يضحك فيهم ويتظارف وريتال كل شوية تتساخف وهو كل ما يقول حاجة بتضحك هي تقول ليه هاهاهاها زريف وهو شماها شديد ما فاضل ليه الا يخنقها
لما خلصو وجو راجعين كان عايز يتكلم مع ريفال شغال يعمل ل ريتال حركة بعيونو نظام خشي البيت وهي ثقيلة حلفت كان تخش قالت ليه اتكلم قدامي م تقعد تغمز لي وهنا هو خلاص فاض بيه منها قال لريفال ما عايزك تتضايقي وانا هنا جمبك لو احتجتي اي حاجة كلميني وبعد تخلصي امتحانات عامل ليك مفاجأة قالت ليه طيب قال ليها المرة الجاية م تجيبي معاك الشافعة دي ريتال قالت ليه اصلا ما حايكون في مرة تانية وريفال قرصتها وخشو جوة شاكلتها وبقو بتضاربو.
•
•
•
قعد في الأرض وهو ببكي وأمو واقعة قداموو بعد شوية قام مخلوع شال شنطتو وشال قروش دخلها في الشنطة وشال ملابس والهيروين المخزنو في البيت وطلع وهو بتلفت ما يكون في زول شايفو.
ومن اللحظة دي هو تاني ما رجع البيت أبوهو رجع ولقى مرتو ميتة وولدو مختفي وجاك بقى عايش براه وكل يوم يتوسع في التجارة بتاعة الهيروين اكتر وما بتردد انو يقتل أي زول بقيف قدامو
لحدي ما مرت سنين وبقى جاك الحاليا بفتش عنو المحقق الشغال في المخبارات الأمريكية.
•
•
•
اتحرك هو وجينيف من واشنطن وماشين على كنتاكي وهو بس عايز يعرف جاك دا منو بأي طريقة ومتلهف شديد ل اللحظة الحيمسكو فيها وهم ماشين في الطريق وخشو مدينة كنتاكي وجينيف بوصف وقال ليه انو هو اشترى بيت جديد قبل شهر كدا وهم ماشين على البيت فجأة بقى في ضرب نار اتضرب السواق ووقع والشرطي طلع المسدس بتاعو وبقى يضرب في اتجاه الطلق لكن فجأة طلقة جات في جينيف والشرطي بقى يتكلم معاه انو يقوم أو يقول ليه اي حاجة عن جاك جينيف قال ليه انو جاك اصبعو الصغير مافي وهو عايش في شارع....
وخلاص تاني م قدر ينطق بكلمة اول حاجة عملها المحقق انو اتصل للشرطة الرسلهم حماية لأسرة جينيف وقال ليهم يكلمو عناصر زيادة عشان تحميهم لانو وعدو انو م تحصل ليهم حاجة هنا جاه تحدي اكبر انو لازم لازم يعرف جاك دا منو وانو ما حايخيلهو في حالو لما يعرفو.
•
•
•
-هو قرب يصل لي وانتي م عملتي أي شي
-اعمل شنو يعني وبعدين انا اصلا ما متواصلة معاه
- انا م بعرف بس اتصرفي وما تخليهو يعرفني ولا اتحملي البجيك لأني ما مديك قروش على الفاضي
-طيب طيب
اتصلت تلفون
-عايزاك في موضوع ممكن يربحك قروش فوق ما تتصور
-دي كذبة من كذبك
- لا م كذبة والله لاقيني اسي في .....
-ماشي
•
•
•
السودان،،
عيادة دكتور مزمل،،
-انا بحبو من نحنا صغار وقبل ما هو يسافر امريكا كنت دايما بشوف فيه فارس احلامي واي حاجة حلوة انا بحبو بحبو شديد وما بقدر اتقبل فكرة انو م ممكن يكون لي، حاولت اتكلم معاه واقرب منو بس هو ما قاعد يديني فرصة نهائ دايما ببعد من الناس وبختار اني اتخيل شكلو و انو بقول لي كلام حلو وبتونس معي لانو عارفة انو في الحقيقة هو م بعمل كدا بختار اني اتخيل شكلو بدل اقعد مع الناس بكون مبسوطة شديد بفكر اننا حنتزوج وحايكون عندنا أولاد انا عارفة انو ممكن يكون دا وهم لكن الوهم دا بفرحني بفرحني جدا لما اكون متشاكلة مع ناس البيت او مع أي زول بعرفو بمشي بقعد براي وبفكر فيه وبتخيل انو رضاني اعتذر مني بالنيابة عنهم قال لي م عندك ليهم حاجة مادام انا معاك لو الدنيا زعلتك انا براضيك انا عارفة انو الحاجات دي كلها ممكن م تحصل بس انا مبسوطة شديد بخيالاتي دي.
-يعني انتي مبسوطة منها ولا انتي عايزة تخليها ؟
-انا عايزة اطلعو من بالي عايزة يكون بالنسبة لي عادي
-طيب يا ستي انتي عشان تطلعيهو من بالك انا عايزك تنشغلي م يكون عندك زمن عشان تعملي فيه حاجة زمنك يكون مليان اعملي الحاجات البتحبيها لو عندك مواهب طوري من مواهبك دي عشان زمنك يكون مليان اتعرفي على ناس جدد خليكي اجتماعية شاركي في حاجات في الجامعة قابضي اي شي خشي فيه عشان م يكون عندك زمن تفكري فيه حتى انا م عايز اقول ليك م توهمي نفسك بس انتي ليه تكوني خيار أخير لأي زول ليه تنزلي من قيمتك عشان زول م بفكر فيك حتى انتي أنثى وحلوة وأي زول بتمناكي وحتلقي الزول البناسبك الزول الحيعمل أي شي عشانك عشان يشوفك مبسوطة حبي نفسك عشان ما تلقي فرصة انك تتهوسي بزول تاني حبي نفسك وقدريها انتي ما محتاجة لزول انتي محتاجة لنفسك وبس.
حاتجيني مقابلة مرة وحدة في الأسبوع وانا حكون متواصل معاك بالتلفون لحدي امورك كلها تبقى كويسة وانتي م مريضة وما تختي في بالك كدا انتي محتاجة تقعدي مع نفسك عشان تعرفي انتي منو وعايزة شنو.
•
•
•
خاتة راسها في المخدة وبتفكر لو جاء زول وطلعها من الحصل دا كلو؟ لو جاء زول وحباها من قلبو من غير ما يكون عايز منها حاجة من غير ما يوجعها بس يحبها يحبها وبس يجبر بخاطرها يقيف جنبها يبقى ليها السند الأخ والصديق الحبيب والزوج حيحصل شنو لو جاء؟؟
كانت بتتذكر انها قبل ما تقابل غسان وتعرفو كانت بتفكر في فارس أحلامها وانو حايكون كيف رجعت تاني وبقت تفكر من محل ما وقفت
"عايزاه يكون متعلم ناجح لو قعد مع أي زول يهزمو من كلامو ومعرفتو فاهم رياضي ضحكتو حلوة شديييد اي ياخ وحواجبو غزيرة من زمان نفسي يكون كدة شوف رموشو كحيلة وحواجبو غزيرة.، عايزاه يكون مفتح شديد واي شي في الدنيا عارفو أي شي يكون عصبي شديد لكن حنين يا الله لو يجي بس لو القاه بس لو القاه"
نامت وهي بتتخيل في شكلو وفي حواجبو.
من كل جنْسٍ ولونِ
وبين مئات الوجوه التي أقنعتْني، وما أقنعتْني وما بين جرحٍ أُفتّشُ عنهُ، وجرحٍ يُفتّشُ عنِّي أفكّرُ في عصرك الذهبيِّ وعصرِ البَخُورْ وأحلم في عصرك الكانَ أعظمَ كلّ العصورْ فماذا تسمّي هذا الشّعور؟ وكيفَ أفسِّرُ هذا الحُضُورَ؟وكيفَ أكونُ هنا، وأكونً هناكْ؟ وكيف يريدونني أن أراهُمْ وليس على الأرض سواكْ؟
