فضعي يديك كنجمتين على يدي
فأنا أحبكِ كي أدافع عن وجودي.
-الليلة حتبدو خلاص
-(خايفة هي)
-(صرخ) انا م عايز زول متردد يكون معي
-م مترددة
-طيب يلا ابدو
هم الاثنين شالو الهيروين الاداهم ليه وعبد الله اتصل ليه
-انت وين؟
- في المستشفى
-حتجي البيت؟
-زي ساعة ساعتين كدا
-طيب
وقفل الخط وقال ليها ما عندنا زمن كتير يلا نمشي وخشو بيتو عبدالله كان عامل نسخة من مفتاح بيتو الكان سرقو منو وطوالي ختو ليه الهيروين في مكان مخفي كأنو هو الداسيهو وحاولو م يجوطو ولا يحركو حاجة من مكانها وخلصو وطلعو اتصلو على الشرطة من رقم غريب انو في زول بتاجر هيروين وهو حاليا مخزنو في بيتو والشرطة جات وقلبت البيت فوق وتحت ولقت الهيروين وأزهر جاء خاشي ولقاهم وهو مستغرب وطوالي قبضو وودو القسم وجاك حس بالانتصار وانو تاني مافي زول حايوقفو.
•
•
•
-(بتبكي) انت ليه بتعمل كدا انا عملت ليك شنو ولا أذيتك في شنو؟
- مش كفاية العملتي؟
- اسي خليني ارجع البيت
-مافي بيت تاني ممكن ترجعي ليه هو في اكتر من اني قتلت صحبي عشان اصل ليك وبعد دا كلو اخليك؟
-(بتبكي اكتر)يعني انت الفترة دي كلها كنت بتكذب كنت عامل فيها انك كويس بس عشان تقدر تجيبني هنا
-تتخيلي
حرام عليك والله ناس بيتنا بكونو خايفين علي
-كم يوم وبنسوك
-(بتبكي اكتر)انت عايز مني شنو
- عايزك انتي زاتك
كانت بتحاول تحنس فيه يرجعها قعدت ليه في الأرض وبتبكي المكان كان مظلم وما كان في زول بالغلط بجي ماري حاولت تجري ومسكها هي واقعة في الأرض وهو بجر فيها لحدي ما ركبها العربية وهي حست انو م عندها القدرة تتحرك ولا تضربو ولا تحاول تنقذ نفسها.
في جهة تانية،،
أمها بعد محاولات انها تتصل ليها كان تلفونها فاتح لكن ما بترد هو لما وقع التلفون ما اتكسر ولا قفل لانو وقع في رمل ف كانت بتحاول تتصل ليها لكن مافي زول برد واضطرت تكلم أبوها وهو في لحظة بقى بشوف طشاش طشاش اي هو صعب شديد لكن بس كان همو يلقى بنتو وكان بقول لأمها انو الولد دا ما كويس وانا عمري ما اطمنت ليه،أمها وأختها جرو بيتهم وكلمو أهلو وهم قالو ما عارفين هو وين وأبوها اتصل على الضباط المعاه في الجيش وبقو يحاولو يفتشو فيها وعرفو مكان تلفونها واتحركو مشو عليه.
•
•
•
بعد يومين وازهر في السجن،،
جاك ساق مرتو واولادو وعايز يسافر بلد تانية يتاجر فيها الهيروين بعد ما سلم عبد الله و ريل القروش وهم مبسوطين آخر حاجة وأي زول بفكر يشتري بيهم شنو وانهم بقو أغنياء.
جاك وهو في المطار فجأة دخلت كمية كبيرة من الشرطة ومعاهم أزهر وقبضو جاك اخيرا ومرتو وبناتو ببكو .
قبضو جاك وهو اعترف ب كل جرايمو وقبضو برضو على ريل وعبدالله لانو أزهر كان عارف انو هم الختو الهيروين وموضوع انو الشرطة تختو في السجن يومين دي كانت خطة منو بس عشان هم يفكرو انو ما عارف حاجة.
وكدا حاتكون انتهت القضية بتاعة جاك الي تم اعدامو على كل الجرائم الارتكبها وريحو الناس منو وريل وعبدالله حكم عليهم بالسجن فترة معينة.
أزهر كان دايما بقول انو ما عايز يثق في زول عشان الحاجات الممكن تحصل زي دي عشان عارف انو مافي زول بستاهل الثقة وديل اصحابو وعملو فيه كدا بس عشان قروش،هو شغال مع المخابرات الأمريكية من فترة طويلة وحتى ناس بيتهم ما عارفين بالحاجة دي لانو الحاجة دي بينو وبين نفسو وكل القروش والبيوت العندو مافي زول عارف بيها كل الناس عارفة انو شغال في مستشفى دكتور عادي وعندو بيت واحد عايش فيه.
•
•
•
بعد مرور سنة،،
ريفال بتحكي،،
اليوم داك بعد امجد وداني المحل داك الحمد لله م قدر يعمل لي حاجة لانو حصلوني بس اتغيرت ١٨٠ درجة وما قدرت اكون ريفال القديمة ريفال الأنا بعرفها.
ثقتي بنفسي اتعدمت كلامي مع الناس اتغير حتى نظرتي لنفسي اتغيرت ما قدرت اكون نفسي.
بقيت أكره حاجة اسمها أولاد واحس انو كلهم واحد انهم مؤذيين بس هو الوحيد الما قدرت اكرهو( محمد ) انا م عارفة ليه سميتو الاسم دا وليه حبيت الاسم دا بالذات مع انو هو شخصية خيالية حاجة الفتها انا وما حقيقية بس انا متمنية انو القاه انو يجي يطلعني من اي شي انا عايشاه
انا بقيت اتكلم معاه في خيالي حتى اكتر من اني اتكلم مع الناس انا فضل لي من الجنون شعرة بس بس انا محتاجة ليه شديد محتاجة يجي ويكون جنبي محتاجة انوم في حضنو وانسى اي شي مريت بيه اي شي.
في السنة دي امتحنت ثالث وجبت نسبة لا بأس بها وخشيت إدارة أعمال.
دخلت جامعة بنات بس بغض النظر عن الاسم لأنو بصراحة م كان نفسي اكون مشاركة الاولاد في حاجة.
•
•
•
- ميسم انا طالع خلاص يلا
-استنى اشرب الشاي بس طيب
-لالا لالا مافي طريقة يلا حبيبي خلي بالك من نفسك
-مزمل ما بخليك الا تشرب الشاي يلا اقعد الشغل ملحوق انت تاني م حتفطر لحدي الساعة ١
-طيب خلاص قعدت
