لا تقلقي يا حلوة الحلوات
ما دمت في شعري وفي كلماتي
قد تكبرين مع السنين وإنما
لن تكبرين أبدا على صفحاتي.
قبل ١٥ سنة،،
في البداية رعد كان منطوي على نفسو شديد وما بحب يطلع لزول ولا يشوف زول بس حبة حبة بدا يطلع بس في حاجة فيه اتغيرت انو بقى يميل للأولاد كتير وانو بفكر فيهم بطريقة جنسية والحاجة دي حاتسبب لي أمراض نفسية ومشاكل.
بعد أمو اتزوجت راجل وضعو كويس وكدا اصرت عليه انو يرجع المدرسة وبالفعل رجع المدرسة بس هي ما عارفة الراجيها منو شنو.
يوم وهو رجع من المدرسة لقى ولد راجل أمو معاهم في البيت أمو قالت ليه انو حيقعد معانا كم يوم كدا هو تقريبا قدرو في العمر وانهم حايشاركو الغرفة وبالفعل شال شنطتو ودخل غرفة رعد وقعد في السرير التاني.
بليل،،
الولد كان بلعب بلستيشن ومندمج شديد، رعد كان في الحمام لما طلع كان لابس فنيلة داخلية وجيب شورت قصير مشى قعد في السرير بتاعو وهو بعاين ل معتز( ولد راجل أمو)بطريقة غريبة جدا نظرة شهوانية بس معتز ما كان ملاحظ ليه لانو كان مندمج مع البلستيشن فجأة رعد قام من محلو وجاء قعد جنب معتز وهو لسه بعاين ليه بالطريقة دي وقرب منو اكتر حتى معتز لاحظ وقال ليه تلعب معي؟؟
•
•
•
رجعت البيت وهي عايزة تطير من الفرح م مصدقة انها اتكلمت معاه وانو اداها رقمو حاسة انها م عايزة حاجة تاني من الدنيا .
*لما تلقي فارس احلامك كل الأحلام حاتموت ف عينك*
ما قدرت تغير ملابسها ولا تاكل ولا تعمل اي شي بس قاعدة وماسكة تلفونها وقلبها بدق بسرعة وما عارفة تتصل اسي ولا لا ولو اتصلت تقول ليه شنو بقت ماشة وجاية في الغرفة م عارفة تعمل شنو
اتصلت على رتاج وقالت ليها م عارفة اعمل شنو رتاج قالت ليها اتصلي ليه ي هبلة هو بكون منتظر منك مكالمة اتصلي ليه سريع وأرجعي لي ومشت سجلت رقمو واتصلت وهو رد من الجرس الاول وهي عايزة تهبط خلاص قالت الو بصوت براحة
وهو سمعها قال ليها ريفال؟؟
خلاص في اللحظة دي جسمها كلو برد سكتت م عرفت ترد قال ألو قالت ليه ايوا ايوا ريفال بسرعة ولهفة كدا هو بهناك قعد يضحك.
*اكتفيت من خيالاتي اريدك امامي*
•
•
•
سكتت مسافة وهي بتسمع في ضحكتو
-حتفضلي ساكتة كدا؟
-لالا بس
- بس شنو؟
-متوترة
-(رجع يضحك)متوترة من شنو؟
-طب انت ما تضحك عشان انا اقدر اتكلم
-حاضر م حاضحك
مخها شغال يجيب ليها كلمة حاضر حاضر حاضر وهي شغالة تتبسم سكتت تاني
-هيي ريفال
-ايوا ايوا
-انتي بتسرحي وين؟
-لالا مافي حاجة
-طيب ممكن اسألك سؤال؟
-اها
- انتي ليه حلوة كدا؟
كانت قاعدة في طرف السرير وقعت في السرير وهي ما عارفة تقول شنوو
وهو رجع يتكلم
-ما عارف اقول ليك شنو بس انتي بهرتيني جدا وانا مبسوط اني حاليا بتكلم مع البنت البهرتني من اول م شفتها.
قلبها بدق بسرعة بتستوعب في الكلام ومافي زول ممكن يلحق الفرحة الاترسمت على وشها وقلبها وكلو.
بعد زمن قررت تتكلم وترد ليه
-حتى انا مبسوطة اني بتكلم معاك
-طيب رايك شنو نطلع
تاني قلبها رجع يدق
-م عندي مشكلة
-طيب بكرة؟؟
-ماشي
