لو أنني أقول للبحر ما أشعر به نحوكِ
لترك شواطئه
وأصدافه
وأسماكه
وتبعني
في الجامعة،،
قاعدة ومادة رجل فوق رجل
-البنت الاسمها ريفال دي نهائ م عاجباني م عارفة فاكرة نفسها شنو من بداية السمستر م بتتكلم مع زول وكأنو الناس دي م مستواها محسساني انو أبوها الوزير
-(وحدة من صحباتها)شكلهم ناس مرتاحين ما شايفة لبسها ولا الشنط والجزم البتجي فيهم
-هه فشر وسو وت
-ي بنت م شفتي عندها سواق
-(اتملت شديد)
-وشكلها شاطرة شفتو درجاتها في الميد كلها عالية والوحيدة البتجاوب للدكتور
-ياخ م تقعدو تشكروها لي من قبيل م معقولة معاكم.
وهم سكتو لانهم بخافو منها
شوية وشايفين ريفال جاية والبنت طوالي مدت رجلها وهي وقعت وهي قالت ليها سوري م قاصدة وريفال م ردت عليها بس قامت ومشت طوالي وهي الحركة غاظتها اكتر لانها م اشتغلت بيها.
بعد ساعة كان عندهم محاضرة سايكولوجي وكان شغال معاهم دكتور لكن هو سافر وأسي حايجيبو بدلو دكتور جديد.
شوية والدكتور الجديد دخل والبنات كلهم(وااي) دا شنو؟ ( سمح كدا مالو)
ريفال سرحت فيه وحست انو يمكن يكون دا محمد من حواجبو ومن عيونو ياربي دا هو؟ كانت متابعاه في كل خطوة لحدي م فتح خشمو واتكلم وقال انا دكتور أسامة وحدرسكم السايكولوجي وان شاء الله يكون كورس خفيف علينا كلنا
ولما اتكلمت وسمعت صوتو حست انو بالجد ممكن يكون دا محمد فجأة قلبها بدا يدق سريع وبقت م مركزة على حاجة غيرو هو هو وبس
رجعت البيت وهي الطريق كلو بتفكر فيه وبتتذكر في شكلو وبتتكلم معاه في سرها
-محمد معقولة تكون دا انت؟ انت الأنا شفتك قبيل؟ انت دكتور اسامة؟
انا عايزة بس إشارة إشارة وحدة توريني اذا دا انت أو لا معقولة تكون جيت عشان عرفت اني محتاجة ليك؟ معقولة ي محمد تكون دا انت؟
م قدرت تحس برد منو م عارفة ليه مع انها لما تتكلم معاه بتحس انو رد ليها وبتحس بإجابتو بقت تفكر ليه م حست باجاباتو تاني؟
يمكن عشان بالجد دا محمد؟ يمكن عشان كدا تاني م حاقدر اسمع منو حاجة ولا احس بحاجة يمكن؟
ودموعها جرت لما السواق لاحظ ليها وقال ليها اذا في شي وقالت ليه لا مافي حاجة.
•
•
•
بعد اسبوع،،
محاضرتو مرة وحدة في الأسبوع كانت كل يوم بتحاول تشوفو لكن ما بتلقاه في الجامعة لانو شكلو بجي يوم المحاضرة بس الاسبوع دا كلو كانت م بتنوم زي الناس والحاجة المحيراها انها بقت ما بتحس برد منو وبقت ما فاهمة اذا دا محمد أو لا لحدي ما جاء الاسبوع الجاي وكان يوم محاضرتو.
الصباح،،
لبست احلى حاجة عندها وعملت ميكاب مع انها اول مرة تعمل ميكاب للجامعة وطلعت وهي متحمسة شديد ونفسياتها فوق مشت باست أمها وقالت ليها صباح الخير لما هي استغربت وطلعت وسلمت على السواق وبتتونس معاه لحدي م وصلت برضو هو استغرب لانها م بتتكلم معاه.
*بس لو فكرنا في زول بنحبو مودنا بتغير ١٨٠ درجة ما بالكم لو بقى معانا ووشو في وشنا*
وصلت الجامعة وهي مبسوطة لانو عارفة انو عندها محاضرة معاه، البنات كلهم بقو يعاينو ليها قعدت قدام عشان يلاحظ ليها .
البنت الكان وقعتها قبل كدا(اسمها لولة) اتغاظت منها شديد وطوالي جات قعدت قدام جنبها عشان م تديها فرصة والدكتور م ينتبه ليها ، شوية والدكتور جاء خاشي وهي خلاص اتجمدت محلها وبس بقت متنحة وبتعاين ليه وهو بعد ما سلم ليهم قعد وهي كانت قصادو طوالي اول وحدة وقعت عينو عليها كانت هي.
عاين ليها مسافة وفي سرو بقول هي ليه حلوة كدا؟ بعدين انتبه لنفسو وخش في الدرس ولولة عايزة تموت غيرة لانو حتى ما لاحظ ليها وما اداها وش مع انها قاعدة جنب ريفال هنا ريفال اتأكدت انو دا محمد المحاضرة كلها بتعاين ليه وم قادرة تركز على حاجة ولا تنتبه لحاجة غيرو.
من اليوم دا ريفال حتتغير حاجات كتيرة في حياتها وتطلع من الانطوائية الهي فيها.
