Rubylili (one shot collections)

My beautiful 'First Love ' (unicode)

ဆောင်းရာသီရဲ့ နှင်းတွေစကျတဲ့ ပထမဦးဆုံးနေ့မှာ
သူ့ကို စသိတယ်။

မှတ်မှတ်ရရ ဆွယ်တာအင်္ကျီ အဖြူစွပ်စွပ်ကို
သူဝတ်ထားသည်။

အဖြူရောင်ပေါ်မှာ စတော်ဘယ်ရီပုံ
နီနီရဲရဲလေးတွေနဲ့ သိပ်ကို လှတဲ့
မာဖလာလေးကိုလည်း သူက ပတ်ထားသေးသည်။

နှင်းစက်လေးတွေမြေပြင်ပေါ်သို့ ဆင်းသက်လာတဲ့အခါ ဖြူစင်တဲ့ အချစ်တစ်ခုပေါက်ဖွားလာခဲ့သည် ။

တစ်နည်းအားဖြင့် အချစ်ဦးလို့ အမည်တပ်လို့ရတဲ့
အချစ်တစ်ခု။

.....

ကျွန်မသူငယ်ချင်း ချာဟီးက သူ့ငယ်သူငယ်ချင်းနဲ့
ပန်းခြံမှာသွားတွေ့ဖို့ အတွက် အဖော်ခေါ်တာနဲ့
လိုက်သွားဖြစ်သည်။

ကျွန်မလည်း အစက လိုက်သွားဖို့အတွက်
အင်တင်တင်ဖြစ်နေပေမယ့်.. နောက်ဆုံးတော့
အဖော်လိုက်သွားဖို့အတွက် ဆုံးဖြတ်ချက်ချခဲ့သည်။

အဲ့နေ့ကသာ ချာဟီးနဲ့ အဖော်လိုက်မသွားဖြစ်ခဲ့ရင်
သူနဲ့တွေ့ဆုံဖြစ်ခဲ့မှာ မဟုတ်ပေ ။

ကျွန်မတို့နှစ်ယောက်ပန်းခြံထဲရောက်တော့
ချာဟီးရဲ့ ငယ်သူငယ်ချင်းကို စောင့်နေတုန်း
ဆောင်းရာသီရဲ့ ပထမဆုံးနှင်းကျသည်။

ပထမဆုံးနှင်းကျတဲ့အချိန်ဆိုတော့
ပန်းခြံထဲက လူတိုင်း ပျော်ရွှင်နေတဲ့ အသံကို
ခံစားနေရသည်။

ဓာတ်ပုံရိုက်တဲ့လူကရိုက်
နှင်းတွေထဲမှာပြေးလွှားနေတဲ့ သူက ပြေးလွှားနဲ့
ပျော်ရွှင်နေသည် ။

ဂျဲနီကိုယ်တိုင်လည်း နှင်းတွေကြားထဲ ပျော်နေပါသည်။

" ချာဟီး.. ငါ့ကို ဓာတ်ပုံရိုက်ပေးပါလား "

သူငယ်ချင်းချာဟီးကို ဓာတ်ပုံရိုက်ပေးဖို့ပြောတော့ သူက

" ခဏလေး Nie ..ဟိုမှာ လီဆာရောက်လာပြီ "

ချာဟီးက အမြဲတမ်း ဂျဲနီပြောတာကို လိုက်လျောပေးနေကြလူဆိုတော့

ချာဟီးက လီဆာကို တွေ့ဖို့ စိတ်လောနေတော့
ချာဟီးက ဂျဲနီထက် သူ့ကို ပိုခင်နေမှာ
ကြောက်တယ်ဆိုတဲ့ အတွေးမျိုး ဝင်မိသေးသည်။