البارت 5
بقلمي الكاتبه بنين.
ضليت افكر فكره تجيبني وفكره توديني شلون اذا صدك وحامل ضليت الليل كُله منايمه ساعه افرح وساعه انقهر بقيت على هاي الحاله شهرين وما كلت ااي احد........
فكرت وكلت لازم اكول لزوجي وأنتضرت زوجي اجه جاان طالع خفت شلون افاتحه بالموضوع زوجي ابد ميحب الأطفال كلت لازم اكول شمسويه اني وخايفه والئ متى ابقه ضامه الموضوع......
حبيبي اريد اكولك شي...
ساكت ملتهي بموبايله.......
هسه شلون تعوف الموبايل اريد احجي وياك....
حجه زوجي اااوف راح تبقين تنكين فوك راسي هسه ساعة السوده الي طبيت بيها الهل غرفه....
هسه اني شكلتلك وشسويت اريد احجي وياك موضوع.....
يله احجي فضيني بله شكو خبصتيني....
اني حامل...
شنو جاي تضحكين عليه روحي مالي خلكج....
خلك أيش جااي اكولك اني حامل صارلي شهرين.....
وصارلج شهرين هسه يله كلتيلي....
لا بس جنت مامتاكده هسه اتأكدت وكلتلك..
ااي مايهمني تحملين ميعنيني وابد لتكوليلي تعال جيب حليب اريد اروح دكتوره معليه بيج وذا سمعتج يوم تكوليلي مريضه تعبانه متلومين إله نفسج دفعني وطلع........
كرهت الدنيا و أنقهرت كُلش هسه شلون ربي شسوي ااوي شعليه هسه اني الله شكاتبلي يصير نمت وكعدت الصبح باوعت زوجي ماكو ولا راجع للبيت رحت غسلت وغسلت ابني وبدلتله ورحت للمطبخ سويت خبز وجاي وكعدت اني وابني ناكُل صادف يوم جمعه حمويني الجمه يكعدون كل واحد ومرته وجهاله يسوون ريوك وييكعدون بوكتها جايبين كيمر عرب وصمون حار صارت الريحه بخشمي واني اتنسه بقيت كاعده بالمطبخ واسمع سوالفهم وحجيهم انقهرت اتمنيت رجلي يجي ويكعد ويااي ويسوالف وياي اني انقهر واضم بكلبي ماحجي ولا أبين الروحي خاصتاً هسه من عزلتني خالتي متنه اني وابني وصلت لدرجه كمت اي شي نسوان حمويني يذبنه اروح وراهن اكيف واخذه اطبخه الي والابني وناكل احسن مانموت من الجوع صار الضهر هم جابو سمك وكعدو يشوون ويضحكون ويسولفون بس اول مره مدري شبيه نقهرت كُلش اختنكت حسيت روحي تريد تطلع صعدت لغرفتي اريد أجر النفس ماكدر بقيت كاعده شوي وندكت الباب فتحته مرت حماي جايبه الصنيه مال السمج ضال بيها بس العضام والجلد كالت هاذا اكلوه احسن ماا باقيه بليه غده ضليت صافنه عليه اخذتها منها هم صدُك احسن ما أبقى كعدت اني وابني واغمس بلدهن اكل واوكل ابني.....
انفتح الباب زوجي اجه كال سويلي غده...
اني جنت حيل مختنكه باوعتله كلتله كُلشي م عدنه هوه اني كلت هااي الحجايه وأبتليت ضل يغلط كاعده تاكلين سمك من أجيت تكوليلي ماكو ضل يضرب بيه كام شال الصنيه إلبيها سمك وذباها كُلها فوك راسي ضليت ابجي وأعيط اجو اعيالي التمو يردون بس يفكونه مني وخالتي صارت وياه عليه وتكولي كدامه احنه مو دزينالج انتي لو تفكرين بيه جان عزلتيله ماعون اني حيل اختنكت ضليت ابجي ومابيدي شي ورجلي يصيح طلعوها مني ودوها لأهلها واني اهلي أصلان اهلي ميردوني وأكثر من مره كلولي لتجين انسي عندج اهل طلعولي العبايه من الكنتور...
انطونياها و أخذوني ذبوني على اهلي اني وابني فتحت الباب واني ابجي اجت امي ونسوان اخواني يباوعلي بلعين لصغيره من طرف عيونهن شسوي ياا ربي وجابني هناا شلون اعيش ضليت كاعده بلمطبخ وابني كاعد يمي لليل محد اجه ولا احد سئل عليه بس اني دموعي ابد مانشفن نزلت مرت اخويه اباوعلها سوت عشه واخذته وراحت بلجذب ماكالت تتعشين لليل أخذت خبزه ونطيتها الابني ورحت أخذت فراش ونمت بلغرفه ضليت افكر حسبه تجيبني وحسبه تاخذني وأدعي من ربي رجعني لغرفتي على اقلها هناك عندي غرفه مو مثل هنا كل شوي طارديني من مكان نمت واني مادري بنفسي صار الصبح كمت كعدت وبيت اهلي هوسه نسوان اخواني وجهالهن اجت امي كالت كومي نضفي نسوان اخوتج يكولن احنه بعد معلينه مو اجت بتج خل تسوي كمت نضفت وطلعت على الكراج غسلته وطبيت سويت الغده الي يروح والي يجي يزمخ على ابني وحسره عليه إذا بجه البيت يكلبونه فوك راسي نسوان اخواني شدن وياي شده كشره حسره عليه ابني إذا لزم شي من العاب جهالهن ويهدن عليه ويضربن ابني ابني مشايف العاب ولا احد جايبله من يشوف شي يتعجب ويبقه يبجي عليه وهنه كامن يطلعن... لجهالهن العاب حته ابني يشوف ويضل يبجي ويحركن بڪلبي وگلب ابني ضل ابني يبجي كمت احبس ابني بلغرفه مالت امي كمنه ابد ما أطلعه بس هم كامو يجون ويلحكني بيها هنه وجهالهن احط ابني بحضني واكعد صار على هاذا الحجي اربع أشهر شفت الويل بيهن كمت اتمنه لو يجون ويرجعوني لحد مايوم اجت خالتي طرت من الفرح..........
أنتظرو البارت 6
شتكولون حياة ترجع لرائد
والطفل الجديد شتتوقعون ولد او بنت
