البارت 13
الوووووووووو......................................................
رائد مات يوسف....................................................
رائد...
ماصدكت الي سمعته احس الدنيا ضحكتلي شكد م جنت عايش حياتي وي حياة بس عمري ماشفتها مناسبتني حتى جهالي ماحبهم ولا احاجيهم ماعرف شكول بس متعلق بليلى اكثر حته بنات ليلى احبهم اكثر من ولدي من سمعت خبر وفاة زوج ليلى تحديت روحي إذا اخسر الدنيا كلها أخذها...............
حياة.... م عندي ذكرى وي رائد ابد عمره مجابلي هديه وفرحني بيها صارلنه متزوجين ١٥ سنه بس دائماً اتمنى رائد يكولي حجايه حلوه يسئلني شلوني اجذب عليكم اذا اكلكم حاقده عليه لو كارهته وباقيه منتضرته يصير زين وياي ويحبني عمري ماكرهته برغم شكد يهيني ويضربني باقيه متعلقه بيه يمكن لان فتحت عيوني عليه دائمن اطلع الورده الي أنطاني اياها بخطوبتنا واتئمل بيها .......
ليلى..
وره مخلصت الفاتحه رجعت عند اهلي عشت حياتي عادي يم ماما وبابا حته بناتي مادري بيهن يم امي رجعت مثل المراهقه تعلقت برائد وحبيته اكثر بهاي الفتره وكبر بعيني اكثر من ماعافني بهااي الفتره
ممصدكه روحي واخيراً راح نزوج...
رائد..
رجعت اهتم بروحي البس وبدلت سيارتي احس روحي رجعت شاب بعمر ١٨ اطلع وأتونس وأحس نفسي طاير.......
حياة...
اباوع على رائد وأشوفه احلى لبس وميدري بجهاله الناس تصدق عليهم وتنطيهم ملابس ومن يشتهولهم أكله يكعدون يتخيلون بيها ويسوون نفسهم جاي ياكلوها من اشوفهم هيج حيل اتئذه واختنك بس شسوي مابيدي شي..
اشوف رائد يحضر ويوم من الايام اجه وجايب ويا رجال طبباه بلغرفه الجوه شوي وراحو وره يوم جاب صباغ صبغ الغرفه وسوه ديكور بيها صارت تخبل عجبتني حيل صارت تضوي صاحاني رائد كال تعاي نضفي الغرفه رحت انضف بلصبغ تارس الكاع ضليت اصفن.................
رائد......
بعد ماكملنه صبغ الغرفه صحت حياة تنضفها دخلت حياة حياة طبيعتها متحجي هواي بس عيونها ابد ميسكتن اباوع عليها اشوفها تصفن باوعت عليها وكلتلها.... عجبتج حلوه ...
ضلت صافنه عليه وكالت ااي... ااي حلوه...
حياة من سئلني هاذا السؤال حسيت روحي احتركت نقهرت حيل اني شنو ذنبي هيج يسوي بيه
ضليت ألوم بنفسي شلون عشت وياه وماتطلكت ليش تحملت جان تحملت عيشت اهلي ولا هااي الذله حاسبني خدامه إله ولأمه ولله تعبت شسوي ياا ربي ساعدني...
رائد.....
اول مره انقهر على حياة حسيت روحي صدك ضالمها بس مو بيدي ماكو ااي مشاعر تجاهاا ولا احبها حته جهالي عمري ماتقربت منهم خفت اتعلق بيهم وابقى طول عمري مجبور ب حياة.......
مشت الايام ورائد ملتهي بترتيب الغرفه وسواها جنها غرفه واحد يريد يزوج بيها يجيب ويحط بيها كلشي جاب ومنتضر وكرم مكيفين ابوهم صاحاهم وكلهم تعالو ساعدوني اباوعلهم الغراض ثكيله وكوه يشيلونهن ومكيفين نقهرت بداخلي شيصير لو يوم حاجيتهم وقربتهم عليك شنو ذنبهم هسه لا همه يتامه على وجه ولا عدهم اب......
ليلى صار على موت يوسف ٦ أشهر ورائد اجه خطبني بابا اعترض ومقبل بس اني وماما قنعناه وافق بقيت احضر وجني هستوني مزوجه كلشي شتريت ويوميه اروح لصالون واحضر بروحي إلى أن رائد خابر وكلي موعد العرس.....
حياة...
رائد متحضر وعمتي متحزمه جنهم عدهم عرس بس ماتوقعت الي صار أبد...
رائد جاب غرفه نوم بيضه وكبيره حيل حلوه ورتبو الغرفه وقفلوها وخالتي بس تضحك حد مايوم كعدت
الصبح شفت حمواتي وحمويني كلهم اجو نزلت شفت رائد وخالتي جايين من السوك جايبين مسواك مال عرس ومستعجلين والكل يشتغل ويطبخ بس من احجي وياهم يتجاهلوني بقيت واكفه وياهم بالمطبخ شفت رائد دخل سبح وطلع راح لغرفته الجديده على كولت كرم يسميها غرفه بابا الجديده
شوي شفت الناس كلها بدلت وأجت سيارات بلباب طلع رائد من غرفته لابس بدله ورباط ضليت صافنه عليه ابد مانزلت عيوني بس رائد ابد ماحط عينه بعيني خلو وطلعو بقيت كاعده بالمطبخ وعيوني يصبن شعور حيل مو حلو الموت ارحم منه صح ماشفت شي من رائد بس ماتخيلت يوم يزوج عليه.
ليلى رحت الصالون ولبست بدله ومكياج طلعت اخبل
رجعنه للبيت ساعه وأجت الزفه دخلن النسوان شوي ودخل رائد ضحكت من شفت رائد اجه كعد يمي وهمس ابذني بعد ابد م أعوفج............
طلعنه ورحنه للفندق دخلنه الفندق وأحنا ثنينه ممصدكين روحنه احنه تزوجنه جانت احلى ليله بحياتي رائد عيشني اياها حب غزل حنان كلشي بيها
رائد..
ماصدك ليلى صارت مرتي اشوف نفسي اسعد انسان بالدنيا اول مادخلنه للغرفه شلتها وحطيتها على صدري ماريد اعوفها عشت وياها ليله تخبل متنسي.
ثاني يوم بدلنه وردنه نرجع للبيت......
حياة.....
وره مراحو كلهم مسحت دموعي وكمت بقيت انضف نضفت كولشي ورجعت كولشي المكانه وبقيت كاعده لليل اجت خالتي طبت بساع الغرفتها وماحاجتني عفتها وصعدت الغرفتي رحت كعدت يم جهالي وايدي على خدي ماحس بروحي غير النومه ماخذتني كعدت الصبح نزلت جوه منضفت البيت أصلان نضفته بليل خالتي كالت لا تطبخين هسه نذبح هااي الدجاجه وتطبخيها انتضري بقيت واكفه بالمطبخ انفتح باب الشارع شفت رائد دخل ووياه بنيه مبدله وحاطه مكياج ضليت صافنه بس منطيت ااي رده فعل........................................
شكد صعبه الحياة من تشوفها جااي تمشي كبالك وانت حياتك واكفه اااااااااخ على هااي الدنيا شتسووي بينا بعد مو كافي مامليتي من يمنا كلما نكوم ترجعين علينه وتكعدينه على حيلنه كافي ماتعبتي منه احنه ملينه منج انتي مامليتي منيمنه كافي ولله تعبت...
من لا يؤدبه الضمير، تؤدبه الحياة حين تدور .
هلا ياب حرجع اكمل القصه بس اتفاعلو واسفه ع الانقطاع جنت امر بضروف 🥲🌚
