البارت 11
بقلمي الكاتبه بنين...
جنه اريد نطلع من مدينه الألعاب بعد ما الجهال اتونسو من طلعنه جنه نسولف اني وجهالي م أنتبهت ع الطريق من طلعت صار رائد بوجهي ضلينه نرجف اني وجهالي بس بنفس الوقت أستغربنه هذا رائد ويا وحده مبدله وممكيجه وياها ثنين بنات منو ذولي بس بقيت افكر بمصيري شراح يصير بيه رائد مر من يمي وجنه ماعرفنه ضلينه صافنين عافنا وطلع وياها أخذت جهالي بسرعه ورجعت للبيت واني افكر شراح يصير من رجعت لكيت محد اكو بلبيت فرحت ضليت كاعده وأفكر شكول لرائد احنه ويامن رحنه شوي ودخل ابن حماي شاب عمره 18 سنه بس هوه حباب صحته بسرعه وحجيتله كال اذا اجو اكلهم اني اخذتهم الجهال بقو يبجون ونقهرت عليهم فرحت من لكالي حل وراح يخلصني من رائد نومت الجهال ونمت نسيت رائد وذولي لويا منو من مصيبتي ردت احل مصيبتي وماعليه بلناس لليل ضليت افكر منو ذولي عمري ماشايفتهم فكره تجيبني وفكره توديني معقوله رائد مزوج ااي اكيد مزوج لعد هذوله منو اكيد عائلته........
منا حد مغفيت محسيت الصبح غير رائد واكف يم راسي ويدفر برجليه على راسي....
رائد....... مامصدك ليلى قبلت تطلع وياي اخذتهم على مطعم عشيتهم وأشتريت العاب لبناتها اريد اعلم بناتها علي وتونسنا اني وليلى سوالف وضحك من ردنه نرجع البنات رادن مدينه العاب كلت يله راح اوديجن بس من دخلنه شفت حياة كبالي هيه والجهال
هااي شلون طالعه ومنو مطلعها ومنو ماخذها عفتها ومشيت ولا حجيت وياهم ماردت تخرب الطلعه واخرب ونسه ليلى........
رحت نمت ببيت عمي للصبح كلت بله خل اشوف حياة كايمه تطلع وتطب وراخيلها الحبل خل اروح اربيها..
حسيت رائد ضربني ضربه وكع بيها عقلي بحلكي كمت وكفت كتله شبيك تخبلت شكو حته جاينه من الصبح ضرب اكو شي....
رائد..... ولج انتي البارحه ويامن طالعه ولله اليوم تموتين انتي وجهالج...
رائد جلب براسي وضل يسحل بيه على صوت العياط كعدو جهالي يفتحون بعيونهم ميدرون شنو اكو اجو ضلو يجرون برائد مني صعدو عيالي بغرفتي كوه فكوه مني بس بعد ماوجهي صار مينعرف من الضرب والدم بقه يصيح ويكسر بلغرفه وكُل شوي ضارب منتضر و كرم همه كاعدين بصفي ويبجون كال احجي البارحه ويامن طالعه........
اجه أصلان صار بوجها أصلان ابن حماي بس حيل ينقهر عليه......
وكف بوجه رائد وكله اني اخذتهم......
الجهال كامو يبجون واخذتهم إنقهرت عليهم...
كام يصيح رائد عليه وتلازمو هوه وياه وبقو عيالي يفاككونهم ماشوف غير خالتي وحمويني وأم أصلان هجمو عليه ضرب وصياح هاا هجمتي البيت رحتي قشمرتي الولد ضليت ساكته ماعرف شكول بس ابجي وجهالي وياي يبجون كوه يله سكتو طلعو من الغرفه ضليت اني وجهالي كاعدين وجهي كُله مشوه
للضهر وجهالي بلا ريوك كسرو خاطري صارت هذا صادف ثاني يوم العيد للعصر البيت كله فرغ الكول طلع ونسوان إحمويني راحو لأهلهم بقيت بس اني وجهال طلعت سويت اكل للجهال سويت بيض وطماطه وكعدتهم وكعدت وياهم حته ياكلون ضليت اباوع عليهم ياكلون وعيونهم يمطرن دموع.........
بقيت ابجي بداخلي بس لا دموعي ينزلن ولا صوتي يطلع حته جهالي مينقهرون وافكر شلون اخلص واخلص جهالي من هااي العيشه.............
انتظرو البارت 12
رائد متعجبني شخصيته حيل إذا الأم مبيها حيل تربي ليش تورط بنات العالم بهيج نماذج 👍😑
