البـارت 36
بقلمي الكاتبة بنين
منتظر.......
الدنيا لعبت بينا لعب من زغر عمري تحملت مشاكل ماما وبابا
جنت اذا خطئت شوي بابا يكتلني ويكتل ماما وياي
كرم جان بابا يحبه فماحس بلي اني حسيته او عشته عشت بضلم ابوي جنت من اروح للمدرسه وشوف واحد من الطلاب ابوه يجيبه ويسولف وياه او يجي ياخذله اجازه جنت اروح اركض اختل بلحمامات وضل ابجي
بس كل هاذا الشي عمري ماحسسته ماما
صدك ماما ماقصرت وياي بس احس ماما راح تبتعد علينه بزواجها هاذا
وهاذا الزواح الحل الوحيد الي راح ينقذ ماما من بيت جدي خفت ماما يرجعلها المرض اذا ضلت بيت جدي لهاذا السبب وافقت على زواجها يكولون عليه جاهل بس اني مو جاهل كولشي اعرف وافتهم
اليوم ماما من رادت تروح وسلمت عليها مابينت الها شي بس حسيت سحبت روحي كلها وياها وراحت ضميت دموعي وشهكتي ماردت اخرب فرحتها واهسها ادري ماما مراح تعوفنه هنا وراح ترجعنه بس ياا عيشه راح نعيشها اذا ابونه واهلنه وبيتنه وعشنه غربه وياهم شلون بلغريب الي راح نعيش وياه
ربي انته غفور رحيم ربي ارحمنه تعبنه من الذل والهانه
ضليت جوه بطانيتي وبجي بس جنت كاتم شهكتي حته محد يحس بيها
كرم.......
كل يوم بيت جدي واحد يضربني اذا دزوني لدكان ونسيت شي يضربوني وذا دزوني للمخبز وتاخرت بسبب السره هم انضرب تعلمت على ضربهم ماما كالت من روح البيتنه الجديد بعد محد يضربني
بابا جان يحبني ابد ميضربني بس هوه عافاني وماسال عليه حته من اجينه البيت جدي ماودعني وباسني
ماما حضرت غراضنه وهدومنه بجنطه وكالت باجر راح يجي عمكم علي يجيبكم يمي هناك راح نعيش سوه محد يحجي ويانا او يضربنه
منتظر.......
جنه نرسم احلام ورديه اني وماما وكرم شلون راح تتغير حياتي وشلون راح ادرس وصير دكتور حته اطيبها وشلون كرم يصير محامي حته ياخذلها حقوقنا من الضلمنه وكسرنه وبهذلنه
ولله ياا رائد ماسامحك ولو ميبقه بعمري بس يوم راح اجي وحاسبك على السويته بينه وكسرتك النه وعلى بهذلتنه هاي واخذ كل يوم عشناه وياك بضلم
................................................
حياة.......
عمري ماحطيت بال جهالي حقد لو انتقام او كره تجاه رائد لان اعرف الكره مياذي غير صاحبه وادري منتظر حاقد بس دائماً انسي بيه واكله لله موجود هوه الياخذ حقنه
خايفه من ليام الراح يكبرون بيها ويصيرون شباب خاف يحاسبوني راح يكلولي ليش ربيتينه عند رجل ام ليش مخذتي حقنه من بابا وليش وليش
بس مابيدي شي عليهم حته زواجي من علي جنت اريد اطلعهم من الذل لي همه بيه جنت مستعده اضحي بكلشي الخاطرهم ربي لتحرمني منهم ودليني ودليهم على الطريق الصح.......................................
