البـارت 23
بقلمي الكاتبه بنين..
لا تبحثو عن الحب ابحثو عن السند
مقوله لفتت انتباهي
ماكنت حبيبي ولا كنت سندي
هناك من يحب بصدق
وهناك من يضحي بكل مايملك
لقد اعطيتك كل شيء
وهناك من يتركك وحيد من اجل ان يشبع رغباته
وهناك من يتركك في اشد الحاجه اليه لكي يعيش حياته.............................
حياة............
اكو كلمات من ينحجن يجرحن وكو كلمات من ينحجن يشفن هواي جروح واني مايوم سمعت كلمه شفتني من جروحي
بين بجي وعذابي حسيت شخص كعد بصفي
جان طويل وبنيه جسمه ضخمه وعنده عضلات وعطره رجالي قوي
من انتبهت عليه شفته دكتور علي جان نفسه قوي وصدره يصعد وينزل وجنه هموم الدنيه كلها بيه
يمكن ماكو احد مرتاح بهايه الدنيا
دكتور علي.......
شكو حياة شنو المضوجج ليش هيج سوين بنفسج منو اليسوه اذا خسرتي صحتج كافي انتي متعبين من البجي تدرين اني عمري مشايف وحده هلكد تبجي عفيه دموع ماتخلص
حياة.......
لا دكتور ماتخلص منا حد ماموت اريد ارتاح تعبت مليت بس كلي صارلي شهر هنا محد سال عليه هسه اذا اطلع وين اروح ليش اني هيج ولله تعبت ماريد شي من الدنيا اريد بس جهالي وانستر وكعد
دكتور علي.......
كافي منا حد مطلعين من المستشفى الف حل اكو ربج ميترك عبده الفقير وحده........
حياة.........
لا دكتور اني وحدي عشت عمري وحدي وراح اموت وحدي خسرت طفولتي وخسرت شبابي وهسه راح اخسر جهالي ولله اموت من دونهم دكتور شسوي
دكتور علي.........
شوفي حياة كل نسان معرض لكلشي من هاي الدنيا هسه انتي مو شوفيني دكتور وطبيعي ولله عشت ايام تبجين على حالي
حياة.........
لله يساعدك دكتور
دكتور علي.........
ويساعدج يله كافي مسحي دموعج وخليني اوديج الردهتج حته ارجع البيتنه تعبان ولوالده متانيتني
حياة..........
لا دكتور شكرا هسه اني اروح
دكتور علي.........
لا ماكدر امن عليج وحدج ادخلج الردهتج وروح
حياة.........
اول مره واحد يخاف عليه
دكتور علي........
اجوز منا وجاي اكو منو يخاف عليج يله مشينه لو عجبتج السوالف وياي
