البـارت 14
اااخ شكد صعبه من تشوف حياتك تمر بتعب بئهانه بقهر تتعايش ويه علامات الضرب الي بجسمك وشكد صعبه انو انتَ متعرف شي عن الدنيا وعبالك هيه هااي الحياة..........
ويه كل خطوه من رائد ومرته واني الف تفكير فكرت بيه والف حسبه أبالي لدرجه نسيت رائد ومرته الجابها عليه ..........
صار تفكيري بس بنفسي شلون قابله وشلون راضيه ومتعايشه بهذا الذل وأڪول عادي
شكـد نقهرت على روحي شلون بهذلت نفسي ليش هملتها ليش ذبلتها....
جنت ورد شلون ذبلتها بهااي الطريقه لدرجه ذبيت الصوج كوله بيه مو برائد اني الي ضلمت روحي اني دمرت حياتي اني لضيعت نفسي شلون جنت مرخصه نفسي وليش منو السبب منو يستاهل اضحيله اوووووف من هااي الدنيا........
تقربت مني ليلى سلمت...
رديت السلام بكل برود....
ليلى هلاو حياة
حياة هلاو بيج
..................
مادري بذاك الوكت شلون صارت عندي قوه اول مره تصير عندي هااي القوه تقرب رائد
مبروك انشالله حياة سعيده
رائد... لله يبارك بيج
ضليت يومي كُله صافنه وأباوع على روحي كانو انفتح كتاب حياتي كله كبالي واقره بيه حته أدق التفاصيل قريتها بيه شكد صعب من شوف عمرك خلص وانت كلشي مشايف منه........
ليلى......
رجعنه البيت رائد جنت متحمسه اشوف حياة او بالاحره ضرتي من تقربت منها شفتها بنيه حلوه بعدها صغيره بس احسها التعب الي ماره بيه كانو مسوي عمرها بلأربعين الشيب بارز على شعرها السواد الي داير مداير عيونها نضرتها الحاده اوكثر شي جذبني بيها عيونها يحجن برغم متحجي هواي على كد السؤال بس عيونها ابد ماسكتن بس يحجن
والغريب عيونها يحجن حجي معروف بس صدك حالتها تقهر كانو عايشه بعالم غير عالمنا وحياة غير حياتنا هاذا الشي خوفني من رائد وضليت دائماً اسئل روحي هم راح يصير بيه مثلها ورجع وكول رائد يحبني.........
حياة عفت كلشي من أيدي وصعدت فوك الغرفتي شكد صعب هذا الشعور لله ليحسس وحده بيه ولا يشوفها اياه شكد متعب.....
بدي اصرخ بدي اكسر اشكك اهدومي بس اديه مربطات مختنكه اريد اتنفس كوه جنت بيومها أجر النفس مايوم كتله لا ولا ليش ولا ااي كلمه ليش سكتي ليش ماجنتي تحجين خوف لو شنو
بقيت كاعده بس الغريب بالموضوع مانزلت مني دمعه ماعرف ليش اني ادموعي الي مجانن يسكتن هسه مجاي ينزلن بقيت للعصر ونزلت رحت للمطبخ
جانو كاعدين بل صاله من نزلت الكل جان كاعد احسهم استغربو من برودي رحت صبيت اكل وأخذت الصنيه وصعدت كعدت اكل اني وجهالي همه الي كاسرين ضهري همه هم يباوعولي بس مابيدهم شي عليه
كملنه نفس الحاله رحت نزلت الصنيه غسلتها ورجعت الغرفتي بقيت بغرفتي بقيت ابد مانزل يمكن ماريد اشوفهم ومصبره روحي بكعدتي بغرفتي اسمع رائد شلون يصيحلها شكد نحرمت من أشياء حته من هاي نحرمت بس اكو شي بداخلي مقويني ومخليني متماسكه كانو يريد يصير شي...................
باعوني برخص م̷ـــِْن رخص التراب
وانه الضحيت لجله بكلشي غـِْاليّے
