البارت 7
بقلمي الكاتبه بنين
حياتي صايره حلوه بيها تغير وجاي احضر لولادتي بالقريب راح اولد شتريت ملابس للطفل وزوجي تحسن تعامله وياي مادري اني بحلم وعيالي كمت ما ألتقي بيهم بكثره اكمل شغلي وأصعد فوك الغرفتي اكعد دخلت بشهر التاسع ومنتضره ايامي بس مصارت عندي ولاده ولا اوجاع اخذوني عيالي للمستشفى مدينة الطب فحصتني الدكتوره لكت الطفل نازل حولتني على العمليات خفت واني افكر ب ابني كملت الاوراق انطتني ثوب العمليه لبسته ورحت الصاله الولاده دخلت واحس نفسي دايخه من التفكير من دخلت لكيت دكتور تخدير واكف ويمه دكتوره جنت فاتحه شعري اني احب اللون الأسود دائماً اصبغ شعري اسود فحمي ولازمه الكيتر بيدي بس ماجنت ادري بيه بأيدي بقيت اتلفت وادور عليها والدكتور التخدير هم يدور عليها وياي شوي وكال نامي وجت الدكتوره والمساعدين بقه الدكتور يسئلني كم طفل عندج لتخافين لحد مابنجني ماحسيت بشي ........
فتحت عيوني جنت نايمه واحس بيهم من يخيطون بيه بس مو ابوعيي.
كامو يحجون ويخيطون بيه بسرعه كالو راح تصحه بس الوجع البيه حيل قوي شوي وطلعوني بلأستراحه بقه دكتور التخدير واكف يم راسي بقيت أكله لله ايخليك بس أنطوني مسكن راح اموت كال هسه انطيج كثرته مو زينه عليج شافاني ضليت ابجي راح جاب ابره وضربها بلكانونه شوي ورجعت نمت ما أحس غير جاي ياخذوني الغرفتي ورجلي وامي فوك راسي شوي وجابو الطفل حليوه وناعم سماه زوجي كرم واجه كرم على هااي الدنيا..........
طلعنه من المستشفى وره يومين ورحت لأهلي بقيت يم اهلي عشر ايام تحملتهن شلون مجان جنت احسب يوم يوم حته يخلصن وارجع لغرفتي ورجلي بس حيل اتاذيت بهاي عمليتي اكثر من مره تخربطت وياخذوني للمستشفى حالتي حيل تعبت بس وره مفتحت لخياط صرت احسن ورجعت لغرفتي ونضمت حياتي وياا أولادي ثنينهم بس رجلي احس عنده شي ضامه احسه متغير هواي يصفن يسمع اغاني عبد الحلم وام كلثوم.......
رائد:
من جنت بلمتوسطه جنت دائماً اروح على مدرسه البنات جانت قريبه على مدرستنه تعرفت على بنت نعجبت بيها حيل كمت يوميا اروح بس علمود اشوفها لحد م يوم كتبتلها رساله وكتبت بيها اسمي وطلبت من يمها اتعرف عليها حيل نعجبت بيها جنت واكف شوي بعيد على فرع المدرسه وأباوع ومنتضر يحلون شوي وحلو واباوع اجت تمشي راجعه لبيتهم ضليت امشي وراها نطيتها الرساله اخذتها ضمتها بجنطتها وراحت ألبيتهم وصلتها ورجعت لبيتنا ضليت افكر بيها وحبي يزيد يوم بعد يوم يكثر وره 3 ايام بدلت وعدلت نفسي ورحت للمدرسه ماكدرت انتضر احل ويخلص الدوم رحت وره المدرسه وعبرت من الحايط ورحت على مدرستهم انتضرها اتحل وره ساعه طلعت ضليت منتضر اتمر من يمي اجت تمشي مشينه شوي بعيد من المدرسه طلعت ورقه من الجنطه ونطتني اياها فرحت فرحه من انطتني اياها ضميتها بجيبي وصلتها للبيت ورجعت فرحان حيل للبيت طبيت الغرفتي وسديت الباب وطلعتها كاتبه بيها....
سلام لمن ينتضرني كل يوم بشوق اتشرف بك اسمي ليلى...
ليلى:
احنه ثنين اخوات وأم وأب اهلي مدللينه وممقصرين ويانا ابشي كل خميس يطلعونه وشريد يجيبولي بابا حيل يحبني اختي بلاعداديه واني متوسطه احب مدرستي واحب صديقاتي بلمدرسه لحد مايوم استغربت شفت ولد كل يوم يراقبني ويبقه يمشي وراي استغربت منه لحد مايوم انطاني ورقه اخذتها وضميتها بلجنطه من وصلت للبيت دخلت الغرفتي فتحت الورقه...
إليك انت بالذات اكتب لا أمل اطلاقا ولا اتعب لطلعتك الجميله اترقب رائد...
ضليت صافنه ماعرف فرحانه احس شي تغير بيه...
ضليت كل ماروح للمدرسه اعدل نفسي واتانيه حته اشوفه لحد ماوره شهر نطاني رقمه وكال نتواصل بالموبايل خابريني بليل.....
ضلينه مخابرات حبيته هواي....
رائد... الفرحه متشيلني من تحجي وياي احس الجنه انفتحت الي صرنه كل يوم نطلع اني وياها واليل كله اكضيه احجي وياها كمت احبها اكثر واكثر طولت علاقتي وياها سنتين صرت بالخامس اعدادي وهيه بلرابع اعدادي لحد مايوم كالت راح نشيل عدنه اسباب راح نترك المنطقه.....
رائد تخبلت من كالت هيج دزيت امي عليهم خطبتها الي بس ما أنطوني اياها وره اسبوع شالو ونكطعت اخبارها كُلها لا اتصال ولا اعرف عنها شي ضليت افكر بيها كانو حلم هاي السنتين العشتهن وياها بقيت كملت الخامس ورحت للسادس لحد ما امي خطبتلي حياة......
جنت رايد اروح للجامعه وحياة يم أهلها جايبه ابني الثاني كعدت الصبح بدلت وتعطرت وطلعت رحت للجامعه طبينه للكافتريا واباوع شوي وفاتت بنيه هااي البنيه شايفها من تقربت شفتها هاي ليلى تعجبت ضليت صافن......
كُلشي جِذبه ،
حَچيك ، وشَوارِعنا ، والوعود!
انتظرو البارت 8
احداث مشوقه
