بقلمي الكاتبه بنين..
الأنسان بداخله شي يتمنى يطلع منه مثل الغصه ألي لا انته تكدر تبلعها ولا تكدر اتطلعها وحتى البجي م يفيد بيك ولا ينسيك مهما بجيت و صرخت مترتاح احس شي بداخلي خانكني شكد مبجيت وصرخت وملخت نفسي مكدرت اطلعه شعور حيل صعب أيخليك تتمنى الموت..............
الأمان هوه الشي الوحيد الي يخلي الإنسان يرتاح ويستقر واني اي امان ماكو عندي ما أكدر اشرح الشي لبداخلي احسه شي حيل كبير وماكدر اتعايش ويا ومهما ردت اطلعه مني ماكدر ويرجع يكبر بداخلي خوف توتر أحساس حيل م حلو تحس نفسك انسان فارغ هواي اتمنه احجي ويه شخص افرغله الي بكلبي شخص اكوله اني شكد تعبانه شخص يحتويني من ازعل يراضيني يحسسني انو اني انسان عندي مشاعر عندي أحساس من ابجي يمسح دمعتي بس من اصفن ويه روحي اشوف حياتي فارغه ماكو ودائماً خايفه من شي بس ماعرف شنو شي بداخلي حيل كبير والخوف منه جاي يزيد............
حياة.........
صادف شهر الواحد ١/٣..
كاعده بلكراج والدنيا تمطر فوكاي بس ابد جسمي ميحس ببرد او بلمطر اليوكع عليه الدنيا ضباب جانت الساعه 5 أباوع على المطر تمطر شوي وترجع تسكت انتبهت ع دموعي شكد م الدنيا مطرت بس رجعت سكتت واني دموعي مجاي تسكتن ولا يرضن يوكفن احسهن بوري ويجري صفنت على نفسي كمت احس بنفسي انو اني ماعندي مشاعر ولا أحساس لدرجه كمت حته البرد م أحس بيه رجعت وتذكرت بصيف صادف شهر 7 تعارك وياي رائد ودخلت كاعده بغرفه فوك صايره كبال الشمس مابيها لا مروحه ولا مبرده وبقيت بيها اسبوع ونفس الشي هم محسيت بحر ضليت صافنه والتفت منا ومنا وكأنما مضيعه شي ارجع افرك عيوني و أباوع على نفسي احس شي مو طبيعي بيه استغفرت ربي ودخلت جوه اباوع على نفسي بالمرايا هدومي وشعري مبللات من المطر ضليت صافنه ملامحي وشكلي بعدهن مرسومات بوجهي ملامح الطفوله والبرائه الي ماشفت منها شي باوعت على اديه وعلامات الضرب بيهن وكصتي اباوع على آثار الخياطات إلبيها وكأني طالعه من سجن مال تعذيب وكمت اذكر هاي الضربه اشوكت و ليش اثرها بعده مرايح وهاي الضربه جديده من الزمها تبقه توجع بيه وصافنا ويه روحي اول مره احس هاذا الأحساس كأنما اريد اسويلي حل حته لو اموت روحي بس المهم اخلص من هااي العيشه اول مره افكر هيج ماعرف شجاني طول عمري واني افكر بجهالي بس ليش اليوم فكرت بنفسي وبس وضليت فكره تجيبني وفكره توديني وأباوع ع الظلم الي عشت بيه أشكال شفت جوع وقهر وضرب واهانه وأرجع اكول ماعندي غير جهالي ومالي احد اكعد هنا على اقلها عندي سكف حاميني بس اكو تفكير بداخلي جااي يغيرني واحس انو هااي مو اني ولا تفكيري شلون وتجراءت وفكرت هيج
............................................................................
بقلمي الكاتبه بنين..
مرات الانسان يوصل لمرحله من اليئس والأكتئاب بسبب الصدمه من تنصدم من شخص حيل تحبه ومتعلق بي انو تحسه هو امانك ومستحيل يسوي الغلط ومهما سوا غلط يبقى ملاك بنظرك لأنو تحبه مجرد تتخيل يغلط بحقك صعبه هذا واقعنه
...
أكو هواي ديشاهدون القصه ليش م اكو تفاعل😑
ترى اتوقف وم اخليكم تعرفون باقي الأحداث 🙄
وأسفى ع التأخير بس فترت أمتحانات وحياة عدها مشاكل فدتتأخر بين متنطيني الأحداث أن شاء الله اعوضكم ع العطله إذا تفاعلتو 🙂
