البـارت 24
بقلمي الكاتبة بنين..
كسرُ اجنحتي وبقيتُ صامده في مكاني حاوطني الالم وضننتهُ الم اجنحتي وتوقفتُ عن الطيران وعيناي تنضر حولي رئيت جمال الدنيا والوانها
وانا افكر ان اتعايش معا الامي لكن كان هناك احساس انا الامي ليس من جناح مكسور او عضمتن ترضرضت الَمي اكبر من هاذا نضرتُ حولي ورأيت قلبي الذي ينزف .......................
نضرتُ حولي ولقيتُ نفسي اقفز عالياً للاستقرار فوق نجمه مضيئه او افرد اجنحتي لانضم الى سراب الطيور المهاجره ...............
لاكنني اخذل كل تخيلاتي الجميله
لا اعلم اضحك على اغنيتك ام ابكي رئيتها تطابق معي في كلماتها ولحنها وهمساتها كنت رقيقه ك ورقه ربيع اما الان انا ك ورقت خريف
فراشتاً جئت القي كحل اجنحتي لديك فحترقت
ضلما اجنحتي ..................
................................................................
حياة ...........
راح يصير الي شهرين بلمستشفى ويوصلولي اخبار جهالي بيد اهلي والحمد لله مطمئنه عليهم وحالتي جاي تتحسن شوي شوي وماضل شي نشالله وأطلع والممرضه ساره خوش بنيه وكفتلي وكفت اخت ربي يحفظها
اما امي و أخواتي كل فتره يجن يطمنن عليه وامي كالت أنشالله من طلعين من المستشفى ترجعين لبيتنا ونجيب جهالج فرحت بهذا الخبر وحسيت نفسي ملكت الدنيا اهلي يبقون يمي ساعه ساعتين ويرحون اما ساره خطيه كل شوي تجي يمي وصرنه اقرب من الأخوات
جنه نسوالف اني وساره احس نفسي اليوم فرحانه ومرتاحه لان سمعت اخبار عن جهالي
حياة ........
تدرين ساره امنيتي البس هذا البس مال الدكاتره( ماريول) وأفتر بي
ساره.......
صدك حياة وليش تخلين شي بنفسج واني موجوده
حياة.......
يااا ساره شنو راح توضفيني هنااا
ساره.......
لا ولج راح احققلج حلمج
حياة......
شو ما أشوف هااي جايبه ( الماريول) والسماعه مال الدكتور وجايه
ساره.....
يلا هاج
حياة.........
شنو هذا
ساره.....
لبس مو أمنيتج يلا لبسيه خليني اخذلج صوره بيه تشوفينها الجهالج وتكُليلهم صرت دكتوره
حياة......
هههههههه يااا عزه يعني هسه اذا البس ذني اصير دكتوره
ساره....
ااي طبعاً
حياة.....
فرحت واخذتهن من ايدها ولبستهن وحطيت السماعه وافتر بلردههات جني خبله وامشي وشايله خشمي مكيفه
( شكد حلو هاذا الأحساس ربي ارزق طلابنا شهادت الطب)
وساره تصور بيه وتضحك واني كُل ساع اسمع صوت قلبها
دكتور علي........
جنت افتر على المرضه وصلت قريب من الردها ألي نايمه بيها حياة كلت خليني امر اشوفها
باوعت لكيت حياة لابسه الروب لابيض وحاطه سماعه ومسويه نفسها دكتوره ههههههه ربي حته لعباتها مال اطفال رحت تمشيت يمها وكلتلها
ااي دكتوره حياة ممكن تشوفيلي كلبي حيل يوجعني لاعب بيه لعب
حياة.......
جنت العب ويه ساره وماشوف غير دكتور علي كعد على السديه مالتي ويكلي دكتوره ممكن تشوفين كلبي ضليت امتمت ماعرف شجاوبه
ااي دكتور هسه اشوفه حطيت السماعه على صدره
وضليت اسمع بنبضاته وهوه صافن عليه واني مثل الغبيه مصدكه روحي
دكتور علي.......
هاا حياة بشري ليكون بيه شي
حياة.......
لا دكتور بس صوت كلبك حيل قوي
دكتور علي........
ااي من يشوفج هيج يصير بي شسويله كتبيلي علاج
حياة.......
دكتور بس اني ماعرف اوصفلك علاج اكُل لساره توصفلك
دكتور علي......
لا حياة اني ما أطيب اله انتي توصفيلي علاجج يختلف عن علاجهم
حياة.....
ضليت صافنه وأباوع جان يبتسم ويحجي وساره حاطه ايدها على حلكها واكفه على صفحه وتضحك
اسفه دكتورررر
اني نسيت جنه نلعب بيت بيوت
عبالي بعدنا بل لعبه
ولله اسفه
يربي شسوي هسه ليش اني غبيه حسيت روحي من الفشله عيوني غوشن وجهي صار نار
دكتور علي.......
حياة شبيج اني هم جنت العب وياج عادي بعدين احنه صايرين اصدقاء فعادي نلعب
حياة......
دكتور شنو اصدقاء انته ليش متحترم شوف دكتور اني مربايه ومايوم سويت شي يغضب ربي مني فميصير هيج تحجي وياي
دكتور علي...
ااي حياة واني شحجيت وشكلت ممكن تفسريلي
حياة....
يربي هذا متمكن وذا اكوله حجايه يردها عشره شسوي هسه
اسفه دكتور ولله مجان قصدي
هيج احجي بس راسي يوجعني
دكتور علي......
يربي شنو هاي من بنيه ضلت تتلعثم بلحجي ومتعرف شتحجي وتفرك بأديها بين عليها التوتر صحت على ساره كتلها خليها ترتاح وخليت وطلعت من الردها
الي لمن اطبلها احس نفسي فراشه وأطير مادري أحساس حلو يصير عندي
حياة........
ليش هيج ساره سويتي بيه ولله استحي بعد شلون اروح يمه اتعالج ويتابع حالتي ولله بعد ما أكدر احط عيني بعينه
ساره........
ااوي شبيج جنه نلعب هو هم حب يلعب ويانه وجان ضايج شبيج خبصتينه
حياة......
شبيج ولله احس كلبي راح يوكف اني شسويت يربي
مشت الأيام بين العلاج والتعب الي يصير بجسمي بسبب العلاج وحالتي جاي تتحسن للاحسن بس ضعفت حيللل و وزني نزل لل 40 وجسمي لونه اصفر وبي طكع زرك بسبب العلاج الاخذه حيل تعبت بلمستشفى
بلاخص اني وحدي اتعب اسوي التحاليل وروح للمصفى مال الدم وارجع للدكتور وافره شكبرها واني ما اندل وكل ساع اتيه وافتر المستشفى كلها يله اندل الردها مالتيي
دكتور علي متابع حالتي اول باول وجنت استجيب ويه العلاج كعدتي صارت بلمستشفى ثلاثه اشهر اما جهالي جان رائد رافض يجيني للمستشفى واشوفهم بقيت احسب ايامي يوم يوم شوكت اطلع ولشوفهم حد ما اجه يوم خروجي...................................
