البـارت 15
هل بارت بي هواي حماس
شكد جنت ابجي واحزن بس بداخلي ماخلي احد يحس بيه لو أبين لأحد بالعكس قويت نفسي وصرت أقوى بس الذل العايشه بيه يرجع ويكسرني ويضعفني ضليت عايشه يمهم انزل انضف واطبخ واخبز ينطوني لكمه الي ولجهالي مانزل مينطوني كأني اشتغل مقابل الاكل كل يوم اهانه كدام ليلى وأشوف نضرتها اليه واحسها تكول شكد رخيصه وذاله نفسها وهي متدري البيه وين اروح وين اكعد
رائد علاقته مو قويه ويه منتضر ابني بس يحب كرم ومتعلق بيه بس لان ابني حارمه من هواي اشياء بس تبقه إله لهفه لكرم اذا يوم ميشوفه يصيحه يشوفه ويسلم عليه ويروح حته كرم عنده مشاعر اتجاها عكس منتضر حته بهذا الشي مفرق اشوفه رائد كعدت الصبح نزلت على شغلي جانت ليلى نايمه بقيت انضف واطبخ شفتها من كعدت لابسه روب وراحت للحمام تسبح باوعت على روحي شفت ذني الشغلات شكد بسيطات بس انحرمت منهن ضليت منتضره العجين يختمر حتى اخبز وأصعد بعد ماعندي شي انزل وحته من يجي رائد ماشوفه
شكد اختنك من اشوفهم سوه احس روحي تطلع مني.....
مايوم كلي حجايه حلوه مايوم جابلي شي فرحني بيه كضيت عمري كله اتمنه منه حجايه..
جنت اخبز اجه رائد من يجي يدك هورن ويجي منتضر يفتحله الباب فتحله الباب ودخل نزل من السياره حاير اشجايب وياه أشكال الغراض عمري ماباوعت على شي ولا نفسي تريد بس مدري ليش ضليت صافنه عليهن وحسبات تجي أبالي وتروح محسيت على نفسي وغير ايدي انجوت بتنور كملت الخبز وصفطته وغسلت الأنجانه وصبيت غدا الي ولجهالي وردت اصعد فتت من باب غرفتهم باب غرفتهم صايره قريبه على الدرج شفت ليلى شلون تباوع بلغراض وتضحك ورائد يسولف ومنطلق وياها اول مره اشوف رائد يضحك ضليت صافنه انتبهت عليه ليلى اجت سدت الباب بوجهي...
اااخ شكد ستصغرت نفسي كدامها وليش هيج سويت
بس ماجنت بوعيي اول مره اشوف هيج منضر جنت اشوف حمويني ونسوانهم بس عادي ماهتم ولا اضوج هسه مدري وصار بيه كائنو تيزاب وندار عليه لو من اسمع صوته وهوه يصيح لها ماتحمل واسد اذاناتي.......
رائد. هاا حبيبتي عجبوج
ليلى. شكرا حبي
رائد. شلونج بلبيت
ليلى. ماكو مكضيتها بس نوم شسوي انت متعبني
رائد. شعندج غيري قابل شنو رائيج نطلع نفتر تغيرين جو
ليلى. ااي ولله محتاجه اغير جو ضايجه وهاي ألبومه مكابلتني وكاعده مدري شيصير بيه من اشوفها شنو من بشر ماعدها حساس واحد ميردونه شكو لازك مادري
رائد. سدي الموضوع
ليلى. شنو ادافعلها
رائد. لا مادافع وشعليه بيها بس تلعب نفسي من تجيبين طاريها
ليلى. عبالي كمت صبيت غده وأخذته للغرفه تغدينه وكملنه كال انتي بدلي واني راح اطلع اشوف امي
رائد. هلو يمه شلونج
خاله علا. هلا يمه شلوني كاعده مكابله الحياطين وكاعده شنو متعلم مرتك تجي تكعد تسئل شو متطلع من غرفتها هوه هيج كالوها اااخ ياا حياة صدك لو كالو جرب غيري تعرف خيري
رائد. شنو يمه ليلى اني مجايبها الج اني جبتها الي وعندج حياة امبقيها الج والخدمتج ولتوجعين راسي احنه راح نطلع
خاله علا. روح يمه لله وياك
حياة. خالتي صاحت عليه كالت اني راح اروح اطلع ديري بالج علبيت ونزلي جوه محد اكو نزلت شفت البيت فارغ وليلى ذابه صينيتها على السنك ورايحه تعلمت اكو من يخدم الها عفت صينيتهم وغسلت بس صينيتي وصينيت خالتي
ضليت افتر بلبيت ماشوف غير رجلي اخذتني لغرفتهم فتحت الباب ودخلت واني اباوع على الميز أشكال العطور والمكياج ضليت صافنه رغم اني أصغر من ليلى بلعمر بس ليشوفني يكول اكبر منها بعشر سنين ضليت اكلب لفت انتباهي العلاليك الجابهن رائد فتحتهن ردت اشوف شبيهن فتحتهن.
وياريت مافتحتهن كلها ملابس نوم غريبه عمري مشايفتهن وعطورات وغراض هواي حتى يمكن ماعرف ذني المن يستخدمن بقيت ارجع بيهن وماشوف غير الباب انفتح عليه......................
اريد اكتب حزن خاف اوجع الناس
واخاف الناس تعرف هذا حالي
