البـارت 32
بقلمي الكاتبة بنين..
كلمه كلمه بينه ورِد السلام.........................
حياة........
طبعاً من حددو موعد خطبتي واني بس ابجي وأحس نفسي اريد اموت وجهالي ضايجين بس ميبينون على نفسهم حتى ميضوجوني
و نسوان اخوتي يسمعني حجي هاا حبيتيه وراح تاخذيه
حظ الكح... كاعد ومن هاذا الحجي
لليل اجت حجيه ملاك
حجيه ملاك....
سلام عليكم
الكل.....
وعليكم السلام
حجيه ملاك....
شلونج حياة انتي زينه باجر خطبتج شبيهن عيونج مورمات
حياة.....
مابيه شي حجيه تعبانه شوي
حجيه ملاك....
شبيج يمه جنج مغصوبه اذا احد جابرج كولي
حياة....
لا حجيه الكاتبه لله يصير
حجيه ملاك.....
ونعم بالله بنيتي هنياله علي عليج وعلى هدوئج
وهاي هديه علي دزاها الج
حياة....
اخذتها وكتلها شكراً خاله
حجيه ملاك....
مو اني جبتها حبيبتي علي هو الجابه اشكريه هوه
حياة......
ستحيت وماعرفت شجاوب
حجيه ملاك....
مراح تفتحينها
حياة......
ااي خاله هسه افتحه
من فتحتها لكيت بيها فستان لونه ماروني قصير اول مره اشوف هيج فستان حيل حلو ولكيت وياه علبه فتحتها طلع جايبلي موبايل ضليت صافنه
اني عمري ملازمه موبايل هوه جايبلي موبايل
بس فرحت بهديته حسيت كللبي طار من الفرح وكل شوي اطلع الفستان اشوفه وأرجع اضمه متخيلت من تالي اني البس هيج فستان
علي......
تفكيري جان بحياة اهلها مطلبو شي حته الذهب جبته على ذوقي مرضت تروح وياي بس يلا اعرف شلون احاسبج ورحت مرتين لأهلها مره على مود نشاوف ومرضت تطلعلي فاني مكان ماشوفها شفت ابوها ورجعت لعد شسوي احسن من ماضل بلايه مشاوف ومره ثانيه رحت اتفق ويه ابوها وضليت كاعد ساعه وماطلعت بس نتفاهم بحجايه حياتي
مليت شوي من برودها بس بنفس الوقت عاجبني احس نفسي راح اعلمها على يدي جبتلها موبايل بلكي تحن عليه وتسمعني صوتها هم رحمه
حياة........
لازمه الموبايل وأكلب بيه وكرم ومنتظر يمي يباوعون عليه مكيفيلي خطيبي جايبلي موبايل لله ليوفقك رائد كل الصار بيه بسببك
لشوي المبايل كام يرن ومكتوب عليه طبيبي
خفت وكلت منو هذا انطيته منتظر كلت افتح خط
منتظر......
الووو منو وياي
علي.......
الو منو انت
منتظر......
عمو انت المخابر مو اني
علي.....
ااي اني خابرت على حياة اني دكتور علي كلها
منتظر......
هسه انطيها الموبايل
هاج ماما يردوج
حياة.......
منو ماما
دكتور علي.......
اخذته منه حطيته على اذاني واني استمع الصوت انفاسه
علي.....
حسيت الموبايل صار عند حياة وأسمع صوت انفاسها العاليه
الووو
تسمعيني
حياة.... كللبي يدُك بسرعه جاوبته
ااي
علي........
تدرين اني ممصدك باجر خطوبتنا
حياة.... ضليت ارجف
ااي
علي.....
تفكيري صاير كله بيج ماصدك شوكت تصيرين يمي
ولله اخذت عهد على نفسي انو راح اخليج اسعد وحده بهاي الدنيا وأتمنى من ربي انو منفترق ونعيش عمرنه كله سوه وبنسبه لولدج فهم ولدي اني هم وماخليكم تحتاجون اي احد وراح اكون كد كلمتي تجي الايام وتشوفين طبيبج شيسوي علمودج
حياة.......
كلام علي الحجا وياي شجعني انو اسولف وياه واحجي وياه كلشي بداخلي
علي اني شفت اشكال من الذل والعذاب وتحملت الخاطر اطفالي
حته فكرت الزواج رافضتها بس اهلي جبروني بس رضيت بلواقع وكلت مو كل اصابيعج سوه دكتور علي من تقدملج تقدم ويدري شبيج وشعندج وشنو دراستج تدري كمت افكر واكول لله دزك الي ولولدي تعويض على السنين الراحت اتمنى تطلع كد الثقه ومتكسرني
علي........
افاااا حياة اني اكسرج ولله لخليج بعيوني اني ماصدكت لكيتج تتوقعين اضيعج اضيعج اضل وياج لكطع النفس
حياة.....
انشالله وصدك راح اكون عند حسن ضنك
علي.....
نشالله
صدك شحضرتي الباجر حجزتلج صالون باجر تجيج ساره الصبح تاخذج
حياة.....
لا دكتور شكرا اني ماحب هاي السوالف
علي......
دكتور شنو اذا تردين تسميني او دلعيني سميني علي بعدين اني احب الرسمية وباجر حطوبتنا لازم تتعودين ع اسمي ااوك حبيبتي
حياة......
ضليت صافنه وشرد عليه ربي ساعدني
ااي نشالله
علي.......
تدرين متمني ابقه احجي وياج
حياة.......
بكيفك
علي.......
شدا تسوين
حياة.......
كاعده
علي....
ليش متنامين
حياة......
هسه راح انام
علي.....
تدرين هسه شتمنى
حياة....
شنو
علي.......
اتمنى انتي يمي
حياة......
يله دكتور باي
وسديته ربي شنو هذا الدكتور قليل ادب
حطيت راسي على المخده وحلمت باحلام ورديه ودعيت ربي يفرحنا وميكسرنا اني وأطفالي لأن تعبنا هواي وممستعدين نتحمل اكثر من الي عشنا يم رائد ومرته والي عشنا يم اهلي هم مو قليل احس علي حيعوضني عن كلشي مو حلو صار وياي
نمت واني افكر المستقبل شضاملي
اجى يوم خطوبتي
كعدتني امي الصبح وو....
