وبعد العرس بشهر .................
البارت الثاني
بقلمي الكاتبه بنين...
رحنه اني وخالتي للعياده وسويت تحليل طلعت حامل فرحت والفرحه مشايلتني لان راح اصير ام بس اني وزوجي ابد ممتفقين يوميه ومشكله على اسباب تافها..
بس اني احبه واموت عليه بس هوه معلعلني تعلعل على أقل شي يضربني ينطي بيه كدام الناس وكدام نسوان اخوته هاذا الشي كُلش يتعبني منه بس اكول رجلي ومالي احد غيره اخوتي كولهم ازوجو وبقه بس الزغير وكوه عايش ويه اهلي ومشاكلهم اخوتي الكبار مينحملون ونسوانهم بعد اضرب منهم شلون الحيايه وامي لا تحل ولا تربط وبابا مينحمل ميتحمل شوفتنا اذا رحنه الهم يكضيها اصياح عليه وعلى خواتي وعلى جهالهن وأحنه مجبورات يجن العيال اتعير ليش مترحين لأهلج اهلج ميردونج ومن هاذا الحجي............
واني الي لله رجلي كلما احجي يكولي روحي لأهلج لو ياخذوني ويذبوني يم اهلي وابقه نسوان اخوتي ايذلن بيه على شنو خالتي كايلتلهم ابني ميريدها وجان يحب وحده واني جبتها وهنه مصدكات
حته اني كمت اصدك اشوف تعامله ويايه وحجاياته ويايه اثكال كرهت الساعه الي تزوجته بيها تحملت واني حامل اتحملت عيالي وهوه وياهم كل يوم ضرب ومشاكل وشيصير بلبيت خالتي تهد عليه حته لو جانن جناينها هنه الغلطانات اذب السالفه ابراسي وهوه يجي يصدك من غير يجون حمويني يكعدون يسفطون بلحجي عليه واني ابلع واسكت وشسوي يوم جاي انحضر الخطوبه بت حماي جان عليه تسعه أشهر ولادتي قربت رحت لأهلي اخذتني امي للصالون وحفتلي وحضرت على الخطوبه وأجه رجلي اخذني بليل كتله نتمشه لان الدكتوره كالت اتمشو المشي يسهل الولاده ورجعنه مشي ومرينه على بيت حماي الوسطاني كعدنه شوي ورجعنه للبيت نمت تقريبا نص ساعه وكعدت الساعه ١٢ بليل واني عندي وجع ابطني بس ماعرف هااي اوجاع الولاده او لا كامت تزيد عليه كمت كعدت زوجي راح نزل لأمه اجت خالتي عليه وخذوني للجده فحصتني كالت هااي ماعدها ولاده واني كوه امشي رجعوني للبيت همه كلهم نامو بقيت اني من ١٢ إلى الساعه ٥ اطلك الوجع موتني حسيت روحي راح تطلع ماتحملت كولش كمت الوب أخذوني للمستشفى ودزو على امي تجي ويانه اجت امي وطلعنه ورحنه نوموني وجاي ايولدوني وطك عندي نزيف وروحي ماعت كمت ماحس ابشي وامي ضاله تصرخ وتبجي واني احس بروحي تطلع اخذوني الغرفه العمليات ودزو على زوجي كلوله تعال وقع على مسئوليتك وقع زوجي وسوالي العمليه وره ساعه طلعو وكالو البنيه جايبه ولد وياا فرحت امي بيه وهيه عيونها مورمات من البجي جابو الطفل شعره اصفر وابيض بس حيل ناعم وراها طلعوني من غرفه العمليات واني البنج بيه بس الوجع البيه يموت شكد امبنجه بس ميته من الوجع وأحس بيه بس ماجنت بوعيي واني اسم زوجي ماوكع من حلكي بس. اكول تعبتني موتتني عذبتني بس ذني الحجايات الي يطلعن مني شوي وفكاني البنج وصدُك من باوعت على ابني منتضر ردت روحي احس الفرحه. مواسعتني. صادف اليوم الجبت بيه يوم خميس ويصادف يوم الجمعه خطوبه بت حماي خالتي جانت رايده تنطي بت حماي الاخويه بس اخويه موافق وخالتي محملتني هاذا الذنب وشوي وجاها اتصال ديباركولها ماعرف شكلولها بالموبايل وهيه هدت عليه كوله من وراج انتي الماخليتي ياخذ بتنه انتي هجمتي بيتنه واني كوه افتح عيوني من وره الوجع ودموعي تجري حته بهاذا اليوم مارحمتني. امي كاعده وساكته تخاف عليه وشدكولالها خالتي متخاف من لله شكد رايحه البيت لله بس هيه ابد محاطه لله بين اعيونها ثاني يوم طلعوني من المستشفى واني فرحانه اخذوني اهلي يمهم حته امي تداريني وكُل شوي متخربطه عليها واخوتي مالهم شغل حته لو يشوفوني ميته دزت على حماي الكبير هوه ومرته اجو اخذوني ودوني للمضمد وطلعنه ناسين الدوه مالتي بلبيت اتصل حماي على اخويه اجه اخويه جاب الدوه بس لعب طوبه كدام مرت حماي همه ميكيفون يلزمون عليه حجايه رجعوني للبيت بقيت يم اهلي اسبوع وأجت خالتي جنه كاعدين بلغرفه مالت امي و كاعدين يمي امي وابويه وخالتي كالت خالتي راح أخذها َ للبيت ورد عليها بابا علواه أخذيها بوكتها حسيت لو الكاع منشكه وبالعتني احسن هسه شلون وشينسي خالتي هااي الحجايه ياا ربي كامت امي خطيه لمت غراضي وهدومي وبدالت الي والطفل ورحنه ويه خالتي واني فرحانه راجعه الغرفتي والجهال ملتمين عليه ونسوان احمويني اتحمدولي بلسلامه وصعدت لغرفتي لليل واجه زوجي مكيف على الطفل وراها بأيام زوجي قدم على الجامعه ونقبل وهنا بدت معاناتي تزيد اكثر من قبل بس مو وحدي صار عندي طفل.....
ردت أضمك للچبيره وبالصغيرة فشلتني ،
أنتظرو الجزء 3
