البـارت 21
بقلمي الكاتبة بنين...
ردتك بل ايام الصعبه لاكن انته ماجيت
.................................................
منتظر.....
حسيت الدنيا وكفت عندي حسيت هاهيه خلص عمري ويه عمر ماما ربي حفظلياها ماعندي غيرها ربييييييي
........
ام رائد........
َدخلت للبيت تعجبت من شفت حياة شبه ميته ضليت اعيط وضربت رائد وشلناها خليناها بسياره واخذناها لمستشفى مدينت الطب اول ماطبيت ضليت اعيط وجابولنه سديه خليناها بيها ودخلناها اما رائد ماقبلت يبقه ويانه خفت عليه رجعته للبيت
الممرضه.....
جيبوها هنا شبيها هاي لبنيه خطيه
ام رائد وكعت من الدرج
ممرضه......
وكعت من الدرج امي البنيه متكسره تكسر يااا درج مبين متعرضه للعنف هسه يجي دكتور ويشوف حالتها
علي جنت افتر على المرضه وجتني ممرضه كالت جابو بنيه فاقده الوعي جنها معترضه للعنف
العنف اكثر شي اكرها بلدنيا احس الرجال الي يمد ايده على مره هذا مو رجال لا هءذا انسان جبان يطلع عضلاته على امراه ضعيفه مالها لا حوله وله قوه
خليت وتجهت للطوارئ
ام رائد.......
اكلكم وكعت من الدرج شنو لازمينه اسأله وجواب يلا شوفو شغلكم نطوها دوه وخل نرجع بسرعه
دكتور علي.....
ااي علاج امي لبنيه منتهيه ومجاي تجاوب ويانه منو مسوي بيها هيج
ام رائد....... اكلك وكعت من الدرج
شسوي يربي شنو هااي الورطه احسن شي ارجع للبيت وخل يجي الناقص رجلها يشوفلها جاره
.................
ممرضه........
دكتور المريضه مجاي تجاوب فاقده الوعي وماكو ااي ضربه براسها حته نكول بسببها...........
دكتور علي.......
خل يجي ياخذوها للجمله العصبيه
ممرضه........
دكتور المره الوياها ماكو اختفت...
دكتور علي.......
صيحي ااي واحد يساعدج ودوها خطيه راح تفقد حياتها
ضليت اباوع عليها امرأه ضعيفه وجها مشوه اكو علامات ضرب قديمه واكو جديده بس اكو بوجها برائه كانما طفل وميدري بروحه اجه الممرض والممرضه شالوها وهيه فاقده متدري بدنيا ماكو الها سند ولا احد يمها يغطي بيها نقهرت على موقفها وهيه وحدها هنا ولمستشفيات مترحم
ممرضه.........
ياا ربي ولله خطيه هاي لبنيه لا عدها ام ولا اخت شلون بيها وهيه فاقده متدري بلدنيا
ضلت يومين بلمستشفى تكعد شويه وترجع تفقد ودكتور علي هوه لتابع حالتها وجان متعاطف وياها لدرجه حد مايوم سمعنه صوت وصياح بلردها مالتها ورحت اركض شفت جايين اهلها هم زين واجوها هسه بس بعد وكت يعني بزمنا واحد ميدري بته شبيها وين ماوين
حياة .......
بين النايمه وبين الكاعده تفكيري بجهالي اخاف ياخذوهم مني وميخلوني اشوفهم
لشوي وفزيت على صوت امي واختي فرحت من شفت اهلي يمي عشت شعور حلو حسيت عندي اهل عندي سند عندي عزوه
ضليت بلمستشفى ثلاثه ايام جانو مسويلي تحليل زرع ومن طلع التحليل جابته الممرضه وياها الدكتور واجو
دكتور علي..........
سلام عليكم
الكل......
وعليكم السلام دكتور
ممرضه.........
طلعت تحاليلج حياة
حياة..........
ضليت بلا رد مادري خايفه من شي دائماً من احس بشي وعندي خوف يصير صدك
دكتور علي.........
حياة انتي قويه ولازم ايمانج بربج يقويج اكثر انتي عندج الخبيث ( سرطان) بس نسبته قليله جدا يعني بلعلاج تتشافين ولتخافين احنه كُلنه وياج
حياة............
ضليت صافنه ربي كلشي ماريد من الدنيا اريد بس صحتي وجهالي ربي جهالي مالهم احد غيري ربي افرج عني ربي ماعندي احد غيرك اشتكيله ربي انتَ قوتي......
ضليت ابجي اصلاً عيوني ابد ميسكتن حته الممرضه تكول حته من نايمه عيونج يبجن
امي رجعت البيتهم ضلت اختي تجيني كل يومين
ضليت وحدي بلمستشفى ومن اخذ العلاج اتعب ولتمنه احد يمي يساعدني بس جان لمصبرني جهالي واتامل اطيب وارجعلهم
ام دكتور علي جان ونعم منه من رجال جان حته من يجي حاير شيجيب من ملابس واكل وعصائر وميرتاح اله يشوفني اكل ويطمن على صحتي
ضليت بلمستشفى لمده شهر جهالي مادري شي عنهم بس يوصلني اخبارهم يكولولي زينين ومابيهم شي ومنتضرين رجعتج
اما دكتور علي جان مهتم بيه لدرجه بلاخص من عرف قصتي من الممرضه الي صارت صاحبتي وبيت اسراري وهيه ماصدكت رايحه وحاجيه دكتور علي كلشي قصتي من البدايه للنهايه...........
دكتور علي.........
حياتي طبيعيه بس مادري شبيه حيل انقهر على المريضه حياة اشوفها كانما طفله كلشي متعرف
اول مره تمر عليه هيج بنيه هادئه جميله خوافه بريئه متدينه وفوك هذا كله متدري شي عن الدنيا وهمها كله اطفالها مستعده ترجع لرجلها وضيمه بس علمود متفترق عن اطفالها ربي يشافيج ويرجعج الهم سالمه
حياة..........
من اخذ العلاج اكوم ماحس بجسمي ولا رجليه بس الممرضه ساره جانت واكفه وياي ومتعوفني ماعرف شلون اجازيها خطيه جابتني ونومتي بلسديه بلردها مالتي وشكلتلي مغذي وغطتني وكلتلي نامي
شوي وجت امي واختي فرحت من شفتهم احس تعبي كله نزاح مني بس تفاجئت بحجي امي
امي........
هاا شلون صرتي شوكت طلعين كون تبقين هنا وماطلعين لان اذا طلعتي وين ترحين رجلج طلكج حته جهالج مايريدهم واني ماعدي مكان بيتنا
اكلج اكعدي كابلي خالتج وكعدي....
- وما فائــدة العــوده وانا بلفعل لملمت ما بقي مني ،؟
