البـارت 26
بقلمي الكاتبة بنين...
انكسر قنينه عطر منذ ١٧ عام دون قصد وأنجرح قدمي وتركت ندبه بقيت الى اليوم في قدمي كلما نضرت لها تذكرت شكل العطر ورائحتهُ وكيف انكسر
فما ضنك بل انفس اذا انكسرت او تحطمت فأنا اتذكر كيف كسرتموني وحطمتموني وصرت كائني كأس قد انكسر وتبعثرت كل لذاذته في مكان من سيجمعني ااو سيرجعني لشكلي الطبيعي
..................
اخاف من الأماكن الفوضى والأصوات العاليه الصوت
جعلتني اخاف ان أواجه نفسي بنفسي ولاكن دائماً كنت اقول ان لله لا يترك عبده الفقير وحده وتزداد قوتي
...................................................................
طول مالسياره تمشي بينا واني الف حسبه والف تفكير صار ببالي
حسيت بدوخه شوي كعدت اقرا ايات شوي وصلنا لبيت اهلي
( يكولون بيت الاهل المكان لوحيد الي تدخله وانت متدك بابه والي تاكل من اكله وانت مامستاذن وتكعد بلمكان الي يعجبك وتنام وين ماردت)
من دخلت بيت اهلي شفت نفسي جني بغربه مو بيت اهلي
نسوان اخوتي الكبار طالعات ببيوت وحدهن
ضالات بلبيت بس ثنين من الجناين نسوان اخواني الزغار
ضليت صافنه علبيت ورجليه جنهن ميردن يفوتن
رحت بوجهي للصاله الي كاعد بيها بابا صارلي سنين ماشايفتهم ولا حاجيه وياهم
اخذني رجليه لبابا ردت اسلم عليه كتله شلونك بابا
بس الكسرني رفعلي ايده من بعيد وكلي الحمد لله
بقيت واكفه بمكاني نقهرت عبالي راح ياخذني بحضنه بس الفاجئني انو اني مامرحب بيا بينهم
بس شسوي وين اروح اله مالله يفرجها عليه
ضليت كاعده بغرفت امي وامي كاعده يمي وجهال اخواني يلعبون ويكمزون فدوه لالله شكد حلوين بس نسوان اخوتي ابد منزلن صارلي ساعتين من اجيت ولهسه ما أجن سلمن علي شنو الاحترام العدهن هذا اذا ماطلع اهلي معلميهن يلا الله كريم
لشوي ونزلت وحده تقريباً بطولي بس اسمن اسمها هاله مرت جعفر اخوي اجت سلمت من بعيد وجان تكولي اسفه بس اني اخاف اتقرب وأسلم خاف تعديني
ضليت صافنه وماعرف شكول ماكول بس لله كريم
هاله.......
ااي حياة شنو يعني حتطلكين هاهيه
حياة.......
مادري لله كريم ربج الكاتبه يصير
هاله.......
شنو الكاتبه يصير يعني تره الانسان هوه ليقرر حياته
وانتي هجمتي بيتج بيدج هسه حته كعدتج هنا غلط احنه وكوه مكفينه البيت انوب علينه 3 نفرات راح نصير جنه نازحين
حياة......
ربي شلون بيه شو هاي من اجت ليهسه كل ساع وسمعتني حجايه جنها تريد تاكلني وامي ساكته متعرف تردها
بقيت كاعده وصافنه منتظره شوكت يتفقون ويه رائد ويجيبولي جهالي
تعبت من الكعده والكل يباوعلي بطرف عينه كامن يسون عشه ضليت كاعده وحدي وحاطه ايدي على خدي
صارت ساعه وماكو وصارت الساعتين ومحد صاحني كلي تعاي تعشي واني عندي علاج اخذه لازم وره لعشه لشوي ودخلت مرت اخوي الثاني
شيماء....
يااا كاعده هنا مو سوينه عشه ماجيتي كلتي
حياة......
ضليت صافنه شكلها كمت رحت للمطبخ لكيت هاله كاعده وتاكل طبيعتي ما اباوع على الواحد من ياكل بس هيه الكرصه مال خبز تسويها لكمتين والمواعين فارغه جانو مكملين اكل اجيت وكعدت يم امي
امي......
ياا حياة ماجيتي تعشيتي هسه بيه حيل اكوم اسويلج عشه
هاله شمري الحياة شوي من ماعونج
حياة.......
باوعت على هاله شمرتلي اصابع مال بتيته يمكن خمسه مدري سته بسفره وطشرن بنص السفره
ضليت اباوع مديت ايدي لميتهن خليتهن بخبزه سويتهن لفه واكلتهن لازم اكل حته اشرب العلاج
بس هذا اول يوم الي وبس اني وهيج سوو بيه ويشوفوني ثكيله عليهم لعد باقي لايام ومن يجون جهالي شيسوون بيه بس الحمد لله على كل حال..............
