البـارت 28
بقلمي الكاتبة بنين..
هيه قصه وقصتي تبين طويله .............................
نضرتُ حولي ولقيتُ نفسي اقفز عالياً للاستقرار فوق نجمه مضيئه او افرد اجنحتي لانضم الى الطيور المهاجره .....................
حياة كعدت الصبح الساعه ٦:٠٠
اليوم عندي مراجعه بلمستشفى رحت اكعد امي
يمه يمه توديني للمستشفى اليوم مراجعتي
امي.........
لا ماكدر هو اني عندي رجلين حته اوديج روحي شوفي واحد من اخوانج
حياة........
يمه ولله استحي اروح اكعدهم وديني انتي
امي.......
روحي وحدج اخذي ولدج وروحي شنو صغيره انتي
حياة........
هوه اني اندل يمه مو تدرين بيه كلشي ماندل
امي.....
اخذيلج تكسي كليله للمستشفى يوصلج
حياة.......
شنو يمه هوه اني عندي فلس منين اخذ تكسي
امي......
جيبي الجنطه مالتي حته انطيج انوب انتي وجهالج عليه هو اني منيلي العيشه كوه مدبرتها نوب علي مرضج
حياة......
اخذت فلوس من امي وأخذت منتظر وطلعنه رحنه على الشارع اناجر تكسي لحد ما أجه رجال كبير بلعمر مبين عليه خير
كلاله منتظر المستشفى مدينة الطب
صعدنه ويا ورحنه للمستشفى رجال الطريق كله يسولف ويه منتظر ومنتظر هم يحجيله على مدرسته
نقهرت على منتظر شلون يسولف جان يكولي اتمنى اكعد ويااا بابا وسولف وشكيله الي بداخلي
وصلنه للمستشفى انطيت الكروه ونزلنه
اني صدك ماندل وانسه بسرعه الطريق بس مستشفى هلكد مكعدت بيها كمت اندل كولشي بيها
رحت ادور على ساره ولله مشتاقتلها احسها اختي وحبيبتي
من بعيد شفتها تفتر على الردهات رحت اركض يمها
شلونج ساره
ساره........
حياة هلو كلبي شلونج مشتاقتلج ادري اليوم موعدج ومن الصبح منتضرتج حته دكتور علي كل ساع يسال عليج
حياة.....
ااي هسه اجيت
ساره.....
ااي شلونج شصاير بيج ليش هيج وجهج اصفر وتعبانه
حياة....
ماكو شي بس شويه تعب مماخذه راحتي ببيت اهلي
ساره.....
اكلج هذا الولد الحلو منو اخوج
حياة....
ياا لا هذا ابني منتظر
ساره.....
ياا فدوه لالله من جنتي تسولفيلي عليهم عبالي جهال
طلعو شباب صلاوات شكد حلو هذا ابنج لله يحفظه
حياة....
نشالله هوه اني شريد غير لله يحفظهم الي
ساره.....
يله تره اني لازمتلج سره عند الدكتور علي كلت حته اول متجين تدخلين ومتضلين تنتظرين
حياة...
يله لعد منتظر انت انتظر هنا اكعد ولتكوم لو تتحرك وتخليني ادور زين
منتظر......
ااي ماما راح اكعد هناا
دكتور علي........
يربي ليش هواي افكر بهل بنيه وبالي يمها يمكن لان مضلومه وماعدها احد
ساره كالت اليوم تجي بس لهسه وهي ماكو خاف صاير شي بيها
واني وشارد بخيالي نفتح الباب ودخلت ساره وحياة
حياة....
السلام عليكم
علي.....
وعليكم السلام شلونج حياة
حياة......
الحمد لله دكتور زينه
علي.....
ليش لعد وجهج اصفر
حياة.....
مادري هو اني طبيعتي صفره
علي......
لعد شو من تخجلين تصيرين حمره
حياة......
لا دكتور ولله صفره انت مامنتبه
علي.....
بلعكس اني الانتبه
ااي شلونج اخبارج
حياة...
الحمد لله بخير
علي.....
وين كاعده هسه يم رجلج لو يم اهلج
حياة....
لا يم اهلي
علي...
ليش
حياة....
نفصلت اني ورجلي
علي....
احسن ميستاهلج
حياة...
هاا دكتور
علي....
انتي يستاهلج واحد احسن
حياة....
َلا دكتور اني ما أريد لا الي يستاهلني ولا الي م يستاهلني اريد اربي جهالي وأكعد
علي.....
يعني اذا احد يتقدملج متوافقين
حياة....
شوافق دكتور احنه بعدنا اصلاً ممطلقين بلمحكمه
علي.....
ااي ننتظر
حياة....
عفواً دكتور
علي...
لا ماكو شي اكول سلامتج
حياة....
شكرأ
مادري دكتور علي من يشوفني يبقه بس يسمعني حجي واني ما أعرف شجاوب كملت تحاليل وأخذت العلاج وطلعنه من المستشفى
رجعنا للبيت
اول مرجعنه شفنه البيت مكلوب كلاب وبس صياح وعياط .............
