البـارت 25
بقلمي الكاتبة بنين..
هكذا تموت امنياتنا وسنبقى عالقين في ذكرى تجمعنا
بين الحب والبعد بين الم الفراق بين ذكرى واخرى تجردنا من احلامنا هكذا عصفت بنا الاقدار
وسنبقى عالقين في ذكرى دائماً
اين انا واين انتم
لا تفارق احداً فمن فارقك لن يعود
الوحده لا تعني انك بقيت بمفرك بل تعني انك ستودع من هم اعز منك على قلبك ولا تعلم انهم سيعودون اولا
ولاكن يبقى اصعب انواع ألم الفراق هوه فراق الموت
كنا نكبُر احلامنا ونستصغر حياتنا ولاكن لان حياتنا كبرت بما فيها الكفايه ام احلامنا فلا وجود لها ........
.................................................................
حياة........
جنت نفس الفراشه الطايره الم بغراضي ورحت كملت اوراق خروجي اني وساره بس ساره جانت ضايجه ومقهوره تكولي شلون راح نتفارك
كملت كولشي وبقيت كاعده بلردها متانيه اهلي يجون ياخذوني
..............
علي.........
بسبب مهنتي اشكال البنات اشوف يوميه بس ماكو وحده نعجبت بيها جنت عادي طبيعي
بس حياة مختلفه عليهن بكُلشي بحجيها بخجلها
طبيعتها هادئه وبنفس الوكت قويه جانت من تاخذ العلاج تفقد وصبر نفسها كوه حته تقوي نفسها جانت من المرضه الي استجابت للعلاج وللمرض بقوتها
اليوم خروجها مدري شبيه ضايج خلكي عليها
جنت هواي اشاقيها احب اشاقيها واخجلها وهيه تبقه تتلفت وتخجل عبالك مسويه مصيبه يربي شنو هاي لبنيه وين جانو حاطينها
......
حياة..........
اجو امي واخويه حته يطلعوني من المستشفى جنت فرحانه بس قبل لا اطلع مريت على دكتور علي حتى يكتبلي العلاج الي اخذه من بره
دكتور علي.......
جنت كاعد بغرفتي اندك الباب
تفضل...
حياة...
دكتور علي كلي تفضلي دخلت عليه مادري من اشوفه شيصير بيه جسمي كله يكوم يرجف
سلام عليكم
دكتور علي..........
وعليكم السلام حياة خير بيج شي ليس لهسه مرحتي
حياة......
لا دكتور مو انت كلت قبل لتطلعين مري عليه انطيج مقويات وفيتامينات
بس عادي ملازم اصلاً اني مليت من الدوه
اسفه دكتور على الزعاج خليت وجاي اطلع
علي......
ضحكت على حجيها هههه يربي شنو هاي لبنيه اجت تروح كمت بسرعه لزمتها من ايدها
حياة حيل ناعمه واديها صغار ومدبدبات جنهن ادين طفله هههه
حياة........
يربي شنو هذا شو لازم ايدي واجر بيها ميعوفها
علي.......
حياة شبيج ليش هيج خايفه جاي افحصج اشوفج
حته اكدر اكتبلج علاج
... هوه كله جذب مادري ليش هيج لازم ايدها بدي ماعوفها....
حياة........
دكتور بس ايدي كامت توجعني
علي.....
صدك يلا يابه اسف وهسه اكتبلج علاجج وهاج هذا كارتي ااي شي تحتاجينه ااو ااي اعراض تصير عندج خابريني مفهوم تره حالتج ترجع نفس قبل ويروح تعبج وتعبي وياج
حياة........
انشالله دكتور اخذت الكارت مالته والراجيته ورحت يم ساره حته اودعها
ساره.........
حياة بنيه حبابه وفقيره جنت اتعاطف وياها من اجت للمستشفى بس بعدين من شفت طيبت كلبها حبيتها جانت يوميه تنضف الردها واكفه وكفه ويه المرضه الي وياهم وهيه مرضها نفسهم بس واكفتلهم وذا واحد تعب وتخربط تسهر اليل فوك روسهم
ربي يجازيج على نيتج وقلبج الطيب
حياة......
وصلت يم ساره شبكتها وبوستها ودعتها كتبتلي رقمها وكالت خابريني طمنيني عليج لتخلين بالي يمج كلتلها انشالله
طلعنه من المستشفى....
اااااخ شكد مشتاقه لجهالي شكد مشتاقه اشمهم
وأسولف وياهم وأكحل عيني بشوفتهم
من جبتهم لليوم الي رائد ضربني بي ممتفاركه وياهم لله يجازي الي جان السبب بتعبي وبقهري
ربي دليني على طريق الصح ربي عوضني باطفالي
ضليت افكر شلون اعيش اني وياهم ورائد راح يطلكني صدك جنت عايشه بضيم يم رائد بس جانت غرفتي مثل الجنه بلنسبه الي مكان راحتي
وين اروح هسه وشلون اكعد اني وياهم وأهلي ماينحملون كل شويه وهسه امي تكلي منو يصرف عليج ماعدنه مكان كوه عايشين احنه
وهمه اخوتي يشتغلون وحالتهم زينه بس شسوي
امي تستنكف تعيش بتها يمها لله كريم
ضليت اباوع على الطريق وأفكر بل حياة شلون راح نعيشها احنه ال 3 وشراح تلعب بينا ربي وفقنا ماعندي غيرك
