𝐎ℕ𝐂𝔼 𝐀𝔾𝐀𝕀𝐍 | 𝕋𝐀𝔼𝐊𝕆𝐎𝕂 √

✿ 12 ✿

"බලාගෙන!!!!..."

එයත් මෙඩිකල් ස්ටුඩන්ට් කෙනෙක් වගේ. ඒත් එයා ගොඩක් වේගෙන් මගේ පැත්තට දුවන් එන ගමන් හිටියෙ. ඒත් එක්කම දෙයක් පුපුරන සද්දයක් ඇහුන නිසා මම උඩ බලද්දී දැක්කේ මේන් හෝල් එකේ තිබුණ chandelier එක පුපුරනවත් එක්කම ඒක පහළට වැටෙන්න එනවා.

ඒක කෙලින්ම මගේ ඇග උඩට වැටෙන්නයි ආවෙ. මට වටේ පිටේ කීප දෙනෙක්ම කෑගහනව යන්තම් වගේ ඇහුනා. ඒත් එක්කම මට හිතන්නවත් කාලයක් නොදී ඒ දුවන් ආව කෙනා ඇවිත් මාවත් එක්කම එතනින් තල්ලු වුනා. තල්ලු වුන පාරට අපි දෙන්නම බිම වැටිල කීප වතාවක්‌ම පෙරලෙද්දී ඒ කෙනා මගේ ඔලුව යටින් අත තියාගන්නව මට දැනුනා.

අපි බිමට වැටිල තත්පර ගානක් යන්නත් කලින් chandelier එක බිමට වැටිල කෑලි කෑලි වෙලා ගියේ විශාල ශබ්දයක් එක්ක. ඒ සද්දෙට මම මාව තුරුලු කරගෙන හිටිය කෙනාගෙ පපුවට තවත් තුරුළු වුනේ මටත් නොදැනීම යි.

ටික වෙලාවක් යද්දි එයා මාව ටිකක් ඈත් කලාම මම හෙමිහිට ඇස් ඇරියා.

"ඔයා හොදින් නේද..."

මාව බේරගත්තු කෙනා ඇහුවත් මම තවමත් හිටියෙ ෂොක් වෙලා වගේ. තත්පර කීපයක් යද්දී පියවි සිහියට ආව මට එවෙලෙයි දැනුනේ ඒ කෙනා හිටියෙ සම්පූර්ණයෙන්ම මගේ ඇග මත කියල. එයාගේ එක අතක් මගේ ඔළුව පිටුපසිනුත් අනෙක් අත මගේ බඳ වටාත් එතිල තිබුණේ ආරක්ෂිත විදියට. මම අත් දෙකෙන් එයාව තදින් අල්ලගෙන හිටියා. හරියටම කිව්වොත් මම හිටියෙ එයාගේ තුරුලට මැදි වෙලා.

මම කලබල වෙලා එයාව මගෙන් ඈත් කරන්න උත්සාහ කරනකොට එයත් ටිකක් කලබලෙන් මගෙන් ඈත් වෙන්න උත්සාහ කළා. එයා මගේ මත ඉන්නව කියල නොහිත මම නැගිටින්න ඉස්සෙන්න හදනකොට ආපහු මාව හිටපු විදියට ම වැටුනෙ මම කලබලේට එයාගේ බෙල්ල වටේ අත යවල අල්ල ගනිද්දී. ඒ නිසාම ආපහු අපි දෙන්නම හිටපු විදියට ම වැටුනෙ මගේ ඔළුව වදින්න නොදි එයා ගත්තු එයාගේ අත ආපහු තියාගනිද්දි.