𝐎ℕ𝐂𝔼 𝐀𝔾𝐀𝕀𝐍 | 𝕋𝐀𝔼𝐊𝕆𝐎𝕂 √

✿ 32 ✿

අතීත කල්පනාවෙ ගිලිලා හිටිය මම එයින් මිදුනෙ මගෙ ෆෝන් එක වයිබ්‍රේට් වෙන්න ගත්තු නිසා. කදුළු පිහිදාන ගමන් ෆෝන් ස්ක්‍රීන් එක දිහා බලපු මට මගේ අතින් ෆෝන් එක අත ඇරුණා.

Incoming call

My Beasty Prince Koo ♡

ඒ විදියට ම මුකුත් හිතාගන්න බැරුව හිටිය මම ආපහු නැමිල ෆෝන් එක අතට අරන් බැලුවත් ඒ ආව කෝල් එක ඒ වෙද්දී කට් වෙලා තිබුණ.

"න්-නැහැ..ම්-මේක වෙන්න බෑ..කොහොම ද...එ-එහෙම වෙන්නෙ.."

මගෙ ඇස් ආපහු කඳුලින් පිරෙනවා දැනෙද්දී මම මැසේජස් වලට ගිහින් බැලුවා. මම ජන්කුක්ට යවපු හැම මැසේජ් එකක්ම අග
Seen විදිහට වැටෙන්න ගත්තා.

මගේ ඇස් විමතියෙන් විශාල වෙද්දී අමුත්තක් දැනුන නිසා මම හතර වටේට ම හැරෙමින් බැලුවෙ හිතේ තිබුණ කුතුහලේටමයි.

එයාගේ ෆෝන් එක වෙන කෙනෙක් ලගටවත් ගිහින්ද... ??

ඒත් එක්කම වගේ..

"බියුටි! "

ඒ හඩ තද මුහුදු හුලගත් එක්ක මිශ්‍ර වෙලා මගේ සවන් අතරේ දෝංකාර දෙද්දී ෆෝන් එක දිහාට මෙච්චර වෙලා එල්ල වෙලා තිබුණ මගේ ඇස් එකසැරේම හැම පැත්තටම යොමු වුනේ ඉබේටම වගේ. ඒත් බීච් එකේ මම යි මම ආපු හයර් කරලා ගත්තු මෝටර් බෝට් එකයි ඇරෙන්න වෙන කිසිම දෙයක්වත් , කිසිම කෙනෙක්වත් හිටියෙ නෑ.

ඒ එක්කම මට හෙලිකොප්ටර් එකක සද්දයක් ඇහෙන්න වගේම හෙලිකොප්ටර් එකක් පහළට කරද්දි එනවා වගේ තද හුළඟකුත් වටේම හමන්න ගත්තම මම බැලුවත් කිසිම හෙලිකොප්ටර් එකක් මට දකින්න ලැබුනෙ නෑ.

"මයි බියුටි!"
මගෙ ලොකු වුනු ඇස් වල පිරිලා තිබුණු කදුළු බිඳු ටිකක් එකදිගට පහළට වැටෙද්දි මම බැලුවේ ඒ හඬ ආව මගෙ මොබයිල් එක දිහා. සමහරවිට මගෙ අතින් වැරදිලා වෙන්නැති අත වැදිලා කෝල් එකක් ආන්ස්වර් වෙලා තිබුණා. ඒ කෝලර් අයි-ඩී එකේ තිබුණේ " My Beasty Prince Koo ❤🌍👨‍❤️‍👨 " කියලා මම මගෙ ජන්කුකීව සේව් කරපු නම.

ඒත්...

අ-අනී !! ඒක..ඒ-ඒක වෙන්නෙ කොහොමද !!??

මම ඉකිය අස්සෙන්ම ෆෝන් එක වෙව්ලන අත් වලින් කන ගාවට ළං කළාම මට ආපහු ඒ කටහඬ ඇහුනා. ෆෝන් එකෙන් ඇහුනත් මට ඒ කටහඬ අඳුන ගන්න බැරි නෑ. කොහොමද මම මේ ලෝකෙ වැඩිපුරම ආදරේ කරන කටහඬ අඳුන නොගෙන ඉන්නෙ ?... බියුටි කියලා මට කතා කරන්නෙත් මගෙ ජන්කුක් විතරමයි !