أسيرَ عيناكيِ

بارت3

- ﭑنِا بخَير منِذ ﭑن منعِت نفسَي منِ ﭑݪحُب .

"""""""""""""""&""""""""""""""
دك موبايلي رفعت راسي من الملف الكدامي
رفعته هذا خالي الصغير ابتسمت مشتاقله صار هواي مشايفه
اول مافتحت خط اجاني صوته العالي
...ولك وينك لا تجي ولا تسال كطعت فرد مره
مهيب.شسوي ياخالي شغل لفوك راسي
..اي خطيه كول مشغول بالملاهي والركصات
مهيب.ههه لا ذني الهن حكايه اخرى
...جا خوش متجي للبصره تشوف الراكصات الي هنا اله شيل عمييي
مهيب.خههه جا اني رح ادبر رقم الحب واكللهة الاستاذ يحضر ملاهي
..يول كلشي ولا هاي جا غير تكطع عليه الماي والكهرباء واني بعد خالك
مهيب.ههههه ديلا بله هسه شحجي وياك

...اي شلونك شخبارك؟
مهيب.الحمدلله انت شنو الاوضاع يمك
..والله شوي متوتره الاوضاع يمي
مهيب.له ليش صاير شي؟
..لا والله بس اني متوتر اريد احاجي اهلي على احلام
مهيب..اي وشكو بيهة؟ انت هم كبرت ولازم تستقر وهم يله تشوف خلفتك
..ياخلفه يمعود اصلا المهم اخذهة لا اريد خلفه ولا شي!
مهيب.شنو هاي جديده؟غير تحبهة المفروض تريد جهال منهة
..يمعود اريد احافض على رشاقتهة هي مال خلفه اصلا ماحب الجهال
مهيب.مادري عنك بعد المهم شوكت ناوي تحجي لاهلك

...بعد خل اشوف هاي اليومين ورح احاجيهة بهل موضوع
مهيب..اي استعجل شوي
..اي بس ياخي بتهة معقدتني
مهيب.اكلك اني من يمي كرهتهة لبتهة شحالك
..لا والله جداً خوش بنيه وخلوقه بس المشكله تحب ابوهة!
مهيب.اها هنا الحجي !وشسوتلك
..مامسويه شي بس خاف توكف بوجه امهة على هل زواجه هاي ونوب يطلعلي عارض جديد
مهيب.بس انت مو كلت هي متمشي بكلام بتهة
..لا الشغلات الجبيره بتهة مسيطره عليهة

مهيب.مدري عنك والله؟
...هو اني مقرر بس نتزوج اني وامهة اخذهة هي لجواد ابن مسلم
مهيب.جا مالكيت غير هذا جنه جربوع
...جا تاخذهة انت؟
مهيب.لا دخيل لله اودعناكم
..ههههههه اتشاقه يول شمالني جايب هاي اللوعه نوب اجيبهة على كلبي ماعاول اخلص منهة
مهيب..ههههه انت اخذهة لاحلام واطفر للبنان
...لا تحب بتهة متكدر تبعد عنهة اصلاً كلما افاتحهة بالموضوع تكلي بنتي وياي واني اسايرهة بالموضوع بس اريد اسده
مهيب.هم خطيه گلب ام هم هله هله بيهة محسن
محسن.ادري تحبهة بس غير رح تتزوج جديد المفروض تودي بتهة لابوهة شكو مچلبه بيهة؟اصلا هي من تطلكت اني كتلهة انطي الحضانه ثنينهم لابوهم مارضت

مهيب.لحضه شنو ثنينهم؟ليش هم ثنين؟
محسن.جا ماكتلك ثنين بنيه وولد بتهة الجبيره والولد اصغر منهة ب٣سنوات
مهيب.جا زين!والولد وين شعجب تروح تطب وتطلع والولد ميحجي؟
محسن.لا حضانه الولد لابو بس هي احلام چلبت ببتهة مارضت تنطيهة
مهيب.اي هم خطيه بعد شنسويلهة
محسن.ونوب لازكه من نتزوج اجيبهة وياي
مهيب.والحل؟
محسن.مادري والله افكر دائماً بهاي السالفه
مهيب.سالفتك عوجه
محسن.اي يبعد خالك
مهيب.ديلا شغلتني عن شغلي عود من تحاجي جدي بالموضوع اتصل عليه
محسن.خوش يلا اودعناكم
مهيب.في امان الله