أسيرَ عيناكيِ

بارت 17

انا حالي صعبب وشلون اوصفه؟؟ انااا تكعد الوادم يله اغفئ💔.....

"""""""""""""""""&""""""""""""""""""
رائد.جاااي جاااااي
امي.واك يمه الولد نص ساعه صارلهم واكفين بالبرد
رائد.وطبهم حرش خل ماعليهم شي ميبردون خرفان يتدفون بصوفهم
امي.يا يا يمه لتحجي ع الولد خوش ولد

طكيتلهة زيج معدل وهي ظلت تدك ع خدهة
ضحكت وباوعت لروحي بالمرايا لاخر مره
لابس بنطرون زيتوني وقميص اسود وستره زيتوني بيدي
ورافع شعري ولابسه نظاره سوده ومحدد لحيتي
ومحبس فضه ع شكل حلقه بأيدي تعجبني ودائماً البسهة
ولابسه ساعه سوده ...

رشيت عطر اخر مره واخذت الموبايل ونزلت
امي.يمه اللهم صلي ع محمد وال محمد ربي يحفضك من شر العين الله يستر عليك وليدي وعين الحاره بارده يوم الاشوفك بقاط العرس

نزلت لمستواهة بست راسهة وايدهة وخدهة
رائد.الله يحفضج النه يمنه ويديمج خيمه ع راسنه ويديم دعائج النه وويانه
عفتهة وطلعت بره لكيت الولد واكفين ضرغام وجمال ويمهم رواد
سلمت ع رواد وصعدت بالسياره والولد وياي
شغلت السياره شخطتهة وطلعت واسمع صياح رواد وراي وياشرلي بالمرايه ...

رائد.شلونكم يولد
جمال.هلاو عيني المفروض اسمي الك
ضرغام.ولك طالع شخصيه
عفت الستيرن وخليت ايدي ع ياخه الستره اعدل بيهة

رائد.لعد شعبالكم كليوميه اني شخصيه بس انتوا عميان
ضرغام.دسوق لا نوب نسوي حادث من الحماوه
جمال.لا بس صدك طالع حليو اليوم صاك البنات تتچاتل عليك
ضرغام.دنجب لك تره البنات من كرايبي يصيرن لان المعزومين ع عرسه اخوي يا محفضوظ السلامه

رائد.اني مافتحت حلگي هذا جميل الوصخ
جمال.والله مو وصخ تره سبحت البارحه وزينب
ضرغام.طاح حضك اني اول البارحه سيحت شلون تسبح وراي؟
رائد.يولد اعذروني اليوم سبحت اني
ضرغام.دومك خاين يلا انزل من السياره
رائد.تره سيارتي يولد!
جمال.مع الافس عليك ضرغام تره رائد خوش ولد

ضحكت ورجعت عيني ع الطريق ونكمل الطريق
نتناكر وسوالف وضحك وشقه وصلنه لبيت اهل ضرغام
صفيت السياره باوعنه ع المرايه ع رواحتنه
عدلنه نفسنه وشعرنه ونزلنه وعود اني شخصيه وكذا

جمال جان لابس قاط نيلي بس بدون رباط يعني مثلي
ضرغام لابس هم قاط بس مقلم ولونه رصاصي واسود
سلمت ع ابو ضرغام واخو العريس الوحيد الجبير مالهم
سلمت ع الجماعه الي اعرفهم من اهل ضرغام
والي ماعرفه ضرغام عرفني عليه ...

رائد.يولد فچي ماحس بيه بعد وكع من البوس
جمال.اي ولك شكد يخمطون بوس ماشبعوا
ضرغام.دسكت لا ياخذوك يغتصبوك.!
ضحكنه وشوي تداهرنه نوب دخل مقتدى (اخ ضرغام)
دخل يبدل العريس واحنه كعدنه ع الكراسي برا ...

شوي وطلع العريس كمنه ندكله هوسات
ضرغام.هي هي هييهي اخونننه خوش اخوو يستاهل الهوسه
الولد.هيي هي هيهيييي
جمال.هذا قودي الورد يلحس بط.... القرد
ضربته علابيه فشلنه همزين محد سمع بس العريس وغلس خطيه ههه
بعلي ردت انطي دفره اشمره بحضن امه بس فشله كاشخ وكذا
دخلت بنصهم عود اريد اهوس اني..'