أسيرَ عيناكيِ

بارت7

سندريلا الوحيده الي عرفت شتعوف للرجال😂🤝💖

""""""""""""""&""""""""""""""""
طبعاً بابا قرر يهدم البيت ويرجع يبني بناء احدث
ف لمينه الغراض وبابا كال عنده ابن صديقه كاله على بيت يمهم
صح ماعجبتني مساحته لان صغيره بالنسبه الي
اني متعوده على الترفيه والبيت النفه مامتعوده على بيت مقبط
ف انجبرت اوافق لان انسد الباب بوجهي وبابا ملاكي بيت اكبر
نقلنا الغراض

افتريت بالبيت لا بأس بيه بس كُلش حلو بنائه حديث
غرفتي جانت اكبر غرفه من بين الغرف حتى اكبر من غرفه اهلي
لان بابا. يعرف اريد غرفه جبيره وارتاح بيهة
اول يوم كعدنه اني عندي دوام بالجامعه
ف طلعت للدوام جان ولد واكف يم بيت جيرانه
باوعتله بغرور ملابسه بيهن صبغ ومدري شنو

اعتقد هم ذوله الي يشتغلون ببيتنه (اني جداً مغروره)
رحت للجامعه وبوكتهة المغرب طلعنه لبيت خالتي نغير جو
ورجعنه بليل جانوا هواي ولد واكفين بره شكد اكره هاي الوكفات
مريت من يمهم بغرور ودخلت لبيتنه واني ادردم عليهم
بس احلى شي الرجال شلون عاط بيهم ردت افطس ضحك

امي.ماماتي حور افهمي بطلي هل غرور
حور.اوي شخصيتي وبكيفي شعليكم بيهة؟عجيب
امي.ياامي ترضيهة بكل تجمعات يحجولي بنتج مغروره بنتج رافعه خشمهة
رجعت شعري الطويل لورا واني اباوع بغرور
حور.تره معاني وجهة هي هيج مغروره وبعدين يصحلي الغرور اشو جمال والحمدلله ودلال الحمدلله بابا مامخلي شي بنفسي وكُلشي متوفرلي وفوك كُل هذا اني طالبه طب شلون مايحقلي الغرور؟
امي.اوف منج ومن عنادج محد يكدرلج تالي يجي الي يكسر خشمج اليابس
حور.اوي وشنو تايهتله

عفتهة وكمت صعدت لغرفتي فتحت الباب
وكفت كدام المرايا الطويله الي تجي وي الغرف التركيه
باوعت لنفسي نداريت وشعري يفتر وراي
شنو مايحقلي الغرور اشو بياض وطول وجسم وشخصيه
ودلال وكُلشي بيه كُل شي تتمنى البنيه موجود بيه
عود صُدك ليش بنات الجامعه ميحبني وبنات خالاتي وبنات عماتي
اوي شعليه بيهم اني نارهم تاكل حطبهم
المهم عندي احب نفسي اني.....

سمعت فوني يدك رحت شلت اللفون وكلبت عيوني بضوجه
حور.الو ؟
نرجس.هلو حور
حور.هلا نرجس كولي ؟
نرجس..اتفقنه اني والبنات على طلعه تجينن؟
حور.ها وين؟
نرجس.للمول!
حور.اعرف للمول لعد وين طلعاتجن انتن بس قصدي يامول؟
نرجس.مول المنصور'
حور.حتى مللتني كد مترحن اله
نرجس.لعد وين؟
حور.اوك للمول ساعه شكد؟
نرجس.من ال٨ نطلع جهزي نفسج وكولي لعمار هم علمود الولد
حور.اوك....

كمت بعد ماجنت ممطوله على الجربايه
رحت يم الكنتور ظليت اگلب بالملابس واتافاف كلهن لابستهن
نزلت ارجف ولابسه شورت وتيشيرت نص ردان
وشعري فاتحته يركض وراي
حور.مام
حور.مامييي
امي.ها ولج شكو؟
حور.عندي طلعه فدشوي وي البنات شلبس مدري؟
امي.شنو شتلبسين بس ملابسج مال هاي السنه حيطك الكنتور
حور.اوو ماما كُلهن لابستهن
امي.اشو تعالي وراي
صعدت امي لغرفتي واني امشي وراهة واضحك
هي فتحت كنتتوري وشهكت كامت تكلب بملابسي