أسيرَ عيناكيِ

بارت 61

"""""""""""""""""""$"""""""""""""""""
امي.يمه فدوه اروح لگلبگ فرحني واحچيلي؟
..يمه شگلچ احچيلي؟ منين ابديلچ؟
امي.يمه فدوه اغديلگ گلي اخوگ رح يطلع والله گلبي نشلع؟

غمضت عيني ونزلت دمعتي وي ما غمضت
رخت ايد امي من قميصي ورجعت لورا خطوتين

ابتسمت وميلت راسي رفعت ايدي مسحت دموعي
هزيت راسي بتكرار بالايجاب

جمال.اي يمه اخوي باجر يطلع يايمه گرت عينچ

صارت تهلهل والدموع تهلهل وياهه
كامت تحضن وتبوس بكل الموجودين
حتى الولد جماعتي حضنتهم وتبجي

درت وجهي للحايط وايدي ع وجهي نزلن دموعي
اول مره احس بهذا الشعور والاحساس
فرحه وبنفس الوقت ماعرف شلون تح اقابل اخوي

دخل للسجن بعمر ال١٦ بتهمه اغتصاب وقتل
وكل احنه ندري بريئ حتى القانون
بس هذا العراق العظيم الفقير مأكول حقه

وهسه تقريبا عمره ٣٢ سنه وماعرف شلون رح اقابله
من نسجن اني جنت صغير بس حيل متعلق بيه

اجتي امي وحرت اديه من وجهي وجهي تبوس بيهن
بسرعه سحبت ايدي وبست راسهه وحضنتهه
صارت تون بحضني وتهتف بأسم وليدهه بكرهه

امي.اخ يايمه يا زيد اااخ يا كسره ظهري اااخ يا گبرتي وشيبه راسي يا بكري ياا ااااخ