أسيرَ عيناكيِ

بارت 5

كمية الاطمئنان بهذهِ العبارة :
‏"يا عبدي لو علمت كيف أدبر لك أمورك، لعلمت يقينًا أني أرحم بك من أمك وأبيك، ولذاب قلبك محبًة لي .. فقل الحمدلله".
""""""""""""""&"""""""""""""""""
غزل.شبيج خاله داكلج بس اروح يم اروى ومناك نروح للجامعه
منى.خوش!روحي بس حسج اسمعج داخله لبيتهم من الباب وترحن
غزل.اي فتهمت
عفتهة وطلعت اخذت عبريه نزلني على الشارع
نزلت تمشيت لبيتهم طبعاً ماكتلكم بيت خالتي الي سافرت
يصير يم بيت اروى حايط على حايط بس صغير حيل حتى مايبين
ولو تردون الصدك هو بيتي اني بس هي من اجت للعراق خليتهة تسكن بي

وصلت يم بابهم دكيت الجرس طلعلي منصور
غزل.هلا خويا
منصور.هلا بيج خيتي تفضلي
غزل.شكرراً
دخلت جوه دخلني منصور من المطبخ جانت واكفه
علا زوجه حارث وشمس زوجه اخوهم الثاني مدري شسمه
ووياهن اروى واكفه تاكل زيتون
غزل.سلام
البنات.وعليكم
علا.ها شعدج هنا؟
باوعتلهة باستغراب واحراج ردت عليهة اروى
اروى.وانتي شعليج انتي كتلهةً نروح سوه

غلست عليهة واروى كلتلي تجيب جنطتهة وتجي
رحت للكراج انتضرهة واكفه وفاتحه الملزمه اراجع
مهيب.سلام عليكم
غزل.وعليكم السلام
مهيب.شعجب هنا؟
هذوله مصرين يحرجوني نداريت عليه وباوعتله باستغراب
غزل.اروى كلتلي نروح سوه
مهيب.ها يعني اخذج وي اروى؟
غزل.لا لتزحم نفسك اصلاً مجنت ادري انت رح تاخذنه
مهيب.وشبيج هسه عساس اني كتلت روحي حتى اخذج؟
غزل.يلا مرخصتك واعذروني على الازعاج

بعده مارد عفته وطلعت من الباب واسمعه يدردم وراي
كمت اتمشى للشارع العام هسه اني شجابني
وبعدين اروى ليش مكلتلي اخوهة العقده ياخذني
هي اصلاً مكلتلي منو ياخذنه بس كالت تعاي اني وياج نروح
عبالي مثلي عبريات شلون راحت من بالي هم ميرحون هيج
بقيت احجي بيني وبين نفسي لا هو ولا مرت اخو عدهم ذوق بالكلام
سمعت واحد يصيح باسمي التفت رضى ؟شجابه

رضى.ها غزل شبيج اركض وراج فحطتيني
غزل.اهلا رضى كول رايد شي؟
رضى.لا سلامتج بس شعجب جايه لبيت عمي
غزل.بيت عمك؟
رضى.اي شفتج بزواج خاله لابن عمي عزمنه ورحنه على فكره محسن يصير خاال ابن عمي
غزل.اعذرني ماشفتك هناك
رضى.تعاي اوصلج؟اني رايح
غزل.لا روح وبعدين وكفتنه هنا زحمه كُلش
رضى.حقج يلا روحي
طبعاً كُلش احترمه لرضى اخلاقه واسلوبه مشاء الله
بس المشكله دائماً يلمحلي باعجابه الي

رحت للشارع العام واكفه منتضره عبريه
وكفت كدامي سياره عااليه سوده نزلت الجامه كمزتني اروى
اروى.ادبسزز مو كتلج انتضري اني وياج نروح
باوعت لاخوهة الي يباوع للشارع رجعت باوعتلهة
غزل.لا ماريد ازحمكم وبعدين مجنت ادري اخوج ياخذنه
اروى.دصعدي مصار شي
غزل.لا روحي انتي هسه اصعد عبريه واجي
مهيب.عبريه؟هه
غزل.ماعاجبك اشخط سيارت وروح من كدامي
مهيب.الزمي لسانج وامشي اصعدي يلا واكفه هنا شنو وكفتج؟
غزل.خلص هياتهة اجت عبريه
اروى.دصعدي يا غال بعدين نتفاهم
خزرني اخوهة مهيب
مهيب.اصعدي عاد