أسيرَ عيناكيِ

بارت 55

- أنا الذي تُبت بالأمسِ عن التعلقِ بالأشياء
‏غرتني اليوم ضحكتكِ .
⚓

""""""""""""""""""""""&""""""""""""""""""""
(بارت خاص لحور)
خلص بعد السمعته من الاقارب ومن اقرب الناس الي
قررت اشوف حياتي وي حسن
صح يعرف بالماضي
بس مو من حقي احرمه من شبابه وحياته

شنو ذنبه تزوج خشبه مو بنيه
لا عقلهه ويا ولا گلبهه
قررت بهاي الليله انطي حقوقه كامله
واصيرله زوجه مخلصه

صعدت وره العشه هو طلع للقاعه واني صعدت الغرفه
رتبتهه وفرشتهه فرشه العرس
وسويت اجواء وشموع معطره
وطلعت قميص نوم ماروني دموي ع الجربايه

دخلت للحمام نضف جسمي رغم مابي شعر
بس شلت الجلد الميت وسويت تقشيرات
وسبحت ب لوشن ومعطر جسم ومرطب

طلعت لبست القميص قصير للفخذ ومن الصدر
يصير موديله تول ولبست الروب طويل همزين
ستر عليه

فتحت شعري ع طوله طولان للفخذ كصيته
قبل كم يوم كصيت الحواف لان تالفه
وخليت مكياج خفيف بس طوخت الحمره

خلصت وطگيت كم صوره وشمرت الفون
طفيت الاضويه وشغلت السقوف الثانويه
اضويه هادئه ازرق واحمر وشمسسي

نوب طلعت كرزات وبقلاوه بماعون رتبتهن
ع الميز الصغير الي بالغرفه وعصير وبيبسي
من صدك اجواء تخبل

شغلت الشاشه الجبيره ع فلم رومانسي ووكفتهه
بقيت منتضره لمن دكت الساعه ١١
اتصل كال جاي بالطريق حضري حمام

كمت حضرتله حمام ورجعت كعدت اتفرج بالفون
سمعت خطوات ع الدرج وعرفت هذا حسن اجه
رتبت كعدتي وشمرت لفون

انفتح الباب وظل واكف يباوع مصدوم
بلعت ريگ والخجل طغه عليه يربي رح اموت
اول مره اكون بهل منظر كدامه
وهو مصدوم واني ارتبكت

للحضه تراجعت وردت انهي كلشي واكوم ابدل
بس سيطرت ع نفسي والدمعه بطرف عيني
تقدم خطوات بطيئه وسد الباب بقفلل

كمت اتقدم خطوه وارجع خطوتين
بس جبرت نفسي وتقدمت منه خليت اييدي ع صدره
ورفعت نفسي ع اطراف اصابع رجلي
وبسته بخده وابتعدت بس ايدي ع صدره

حور.الله يساعدگ عيوني يلا روح ع الحمام
حسن.تدللين عيوني

دنگ باسني بخدي هاي جانت اول مره اشتعلت نار
حسيت خدي دخن بنار والخجل رح يموعني
ابتعدت هو تخطاني وراح للحمام
بس كلشوي يلتفت عليه احسه مامصدگ
رده فعله مامتوقعتهه

دخل للحمام نص ساعه وطلع بس بالشورت
وينشق شعره بالمنشفه وعيونه متشخه عليه
همست بخجل كوه طلع صوتي

حور.تعال نشاهد فلم؟
حسن.تدللين كم حوريه عدنه تدلل علينه

ابتسمت ونصيت راسي راح يم الميز مشط وتعطر
واجه كعد بصفي لزگ وايده حاوطت اكتافي
رفع الريمونت وشغل الشاشه وبده الفلم