أسيرَ عيناكيِ

بارت 58

كأنني كوكبٌ تائهٌ في فضاءٍ لا يدري أي جُمْرٍ يتبعهُ .

"""""""""""""""""""„"""""""""""""""""
طنگرت وگلبت وجهي من بابا رزلني گدام البنات
وخصوصاً ليليان المكروهه كامت تتشمت بيه
اني وياهه عداوه من الصغر

صعدت لغرفتي ابچي قابل شسوي شعندي غير البچي
ليان صعدت وراي حاولت تهديني بس فشلت
حتى لارا صعدت تواسيني بس فشلت

نزلن وعافني وحدي بالغرفه اواسي نفسي
كارهه حتى روحي من ورا بابا وتصرفاته ويانه
كرهت اسمي وكرهت انو اني بنيه بسببه

اندگ باب الغرفه رفعت راسي من ايدي
حجيت بصوت مبحوح من البچي

وسن.لحد يدخل عوفوني وحدي

انفتح باب الغرفه ومد راسه اركان
حسيت الدنيا افترت بيه من الفرح من شفته
دكات گلبي حسيتهن رح يطلعن من صدري
وفواشات تركص بداخلي

رغم ضوجتي ورغم حيل مقهوره من ابوي
ب من شفت اركان اجاني حسيت
ملكت الدنيا
ابتسم وميل راسه وهو يكول ..

اركان.ايباااه حتى احنهه متردينه؟

ابتسمت من بين دموعي وهمست بخجل

وسن.اركان اطلع هسه يجي واحد ويشوفنه
اركان.مالچ شغل كلهه مشغوله بالعزيمه

نصيت راسي خجلانه منه وهو دخل وطبگ الباب
بس بقه واكف يم الباب ومن بعيد يحاجيني
يستحرم..

اركان.سمعت عمي مضوجج ليش ؟
وسن.كلعاده من لا سبب يرزلني
اركان.اوف يا عمي وين اكو واحد عنده هاي الجوهره ويبجيهه

كدما مفتقده الاهتمام والحنان
هيج كلمات بسيطه من شخص بسيط
تفرحني وتغمرني وتخليني اطير فوك الغيم

حيل فرحت وحسيت فراشات بداخلي تركص
حسيت الدنيا ضحكت بوجهي
من اركان هتف بهاي الكلمات البسيطه

اركان.اي شوفينه ضحكتچ الحلوه متلوگ عليچ الدموع واحچيلي يلا بعد منو ضوجج؟

وسن.ليليان ضوجتني لان تضحك عليه مم رزلني بابا
اركان.تعرفيهه عقلهه طكه ونص طنشيهه

ضحكت من بين دموعي وهو ابتسم ورخت ملامحه

اركان.عفيه شكد حلوه انتي ؟

نصيت راسي خجلانه وهو عدل وكفته
عبالك صحى ع نفسه والي حجه
فتح الباب مد راسه يستفقد خاف وواحد فوك
رجع باوعلي وغمز

اركان.يلا طالع كومي غسلس ونزلي جوه كسري عينهه وضحكي لتظلين تتبجبجين

هزيت راسي ابتسم وطلع واني مبتسمه
وحلكي مشكوك شكد مهتلفه صايره
كمت سويت مثل مكلي غسلت وعدلت شالي
ونزلت

جانن البنات كلهن بالمطبخ يصبن الغده للعزيمه
رحت يمهن ووكفت يم ليان ولارا ما فارقتهن
بس هنه يحبني