"""""""""""""""""""&""""""""""""""""""""
(احداث من المستقبل البعيد).....
باوعلي بعيون دامعه وغمضهن حيل
نزلت دمعته ع خده اول مره اشوفه يبچي
جر نفس ورفع ايده مسح وجههه بقوه صار احمر
همست بصوت يرجف
حور..ع كيفك دا تتأذه
رفع راسه خزرني حيل ورفع. قبضه ايده
عبالي رح يضربني غمضت عيني
بس دك ع صدره حيل وهو يصيح
مهيمن.ولچ مو كد الاذيه الي قدمتيههه لهذاااااااا هذاااا الكلب ابن الكلب الي حبججججج.
شهكت واني ابجي خليت ايدي ع حلكي
حور.والله ماسويت شي مهيمن لتظلمني للمره الثانيه
مهيمن.هسه حسيت ب شعور الخيبه هسه حسيت بالذل
تدري كل الي واجهته بحياتي ورغم الكلام الي سمعته سابقاً
ورغم المشاكل الصارت
بس عمري ماحسيت بخيبه حتى من خسرتچ الخسره الاولى
ماحسيت بهيج ذل وخيبه
حور.افهمني ولتظلمني مهيمن تتندم والله
مهيمن.اشششش اكثر شي اتندم عليه بحياتي هو من دخلتج لحياتي الزوجيه وهدمت بيتي بيدي
حور.اني يا مهيمن هيج تحاجيني؟
ماكال شي بس باوعلي بلع ريگ وكال
مهيمن.حور انتي طالق.
رفعتله راسي بسرعه ركضت عليه خليت
ايدي ع حلگه وصحت بصوت عالي
حور..لا لا مهيمن فدوه لا لتكمل
دفع ايدي ودفعني لورا بخفه وصاح بوجهي
مهيمن.انتي طالق طالق طاالق وهاي بالثلاث وتحلمين بعد تصيريلي مره...
وكعت يم رجله واني مو مستوعبه الكاله
رجع لورا هو ويباوعلي نضرات استفهام؟
دكيت ع وجهي حيل وصرت اصرخ بهستريه
اجتني تركض خالتي ام احمد تبجي وتريد تسكتني وتلزمني
خرمشت وجهي ب اظافري
حسيت اللحم صار ب اظافري
مهيمن.يوووم لزميههه محرمه عليه ماكدرلهه
باوعتله واتوسل بعيوني وااشر ع نفسي
حور.اني حرمت عليك يا مهيمن هيج تهون ايامنه الحلوه وتنساهه وتكول حرمت عليه؟؟؟؟؟
مهيمن.يووووم
صاح ب امه وركض طلع بره واني حرفيا
نفعلت حيل وصرت اضرب بروحي
صرت ماحس ع الي دا اسوي...
"""""""""""""""""""&"""""""""""""""""""""""
ماعرف حسيت گلبي لعب من اشوفه مبدل
ومتعطر ويدندن اغاني وبيده موبايله
كلشوي يتصلون عليه وصوته ضحكته العاليه
تقرب باوعلي ابتسم
مهيب.يلا اني طالع محتاجه شي
غزل.لا سلامتگ بس وين رايح
مهيب.شغل شغل يلا مستعجل
أنت تقرأ
أسيرَ عيناكيِ
Randomلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
