""""""""""""""""„""""""""""""""""
..يايمه زوجتيني ورجلي البليه راده
لا هو صدر بالديوان حويل وبركبتو كلاده
كومي شوفي شحصلنه بس الآه والونه
عشرتنه وياكم صارت...
اجتي ضربه ع راسي بسرعه كمت وكفت
نوب ضحكت بصمت هو جان حابس ضحكته
بس خفاهه بسرعه وتحول وجهه للجديه
رواد.ها ولچ مامحصله مني بس الآه والونه؟
زهراء.مجرد اغنيه!
رواد.شحال لو ما اني نايم ع الجمر ومامحصل شي منچ
زهراء.تدخل تسبح محضرتلك حمام؟
رواد.غيري الموضوع بس ثقي بالله يا زهراء معروف بصبري اني هل كدوته خلگي لو خلص صبري توقعي شي موحلو مني
زهراء.شبيك حورت الموضوع ؟
رواد.دا انطيهه الچ مقدماً علمود متنصدمين بعدين
اخذ منشفه وراح للحمام مدري شبيه هاي ااايام؟
بس صراحه خوفني بكلامه وحسيت شعور موحلو
مجرد تخيلت يتركني
نفضت هاي الافكار من. راسي وكمت لفيت الشال
ونزلت جوه جات كاعده خالتي تتفرج تلفزون
وكدامهه ماعون فواكه تگشر تفاح وتنطي لجلنار
لان جلنار مدكنه تقرا
لان جلنار متحب كشر التفاح
ابتسمت ع منظرهن ودمعت عيوني احسد
الي عدهه ام وتحس بيهه وتدللهه
كعدت كبالهن عين عليهن وعين ع التلفزون
خاله انتبهت عليه
واني حايره هاي الخاله شلون اعرف ملتهه
ساعات تكون لطيفه وبعيونهه تخليني وتحبني
وساعات تكب عيطتهه عليه
وتظل تحجي وتسمني بحجيهه
رغم هذا مانسهه اوقاتهه الحلوه وابقى احبهه
لان اعرف بداخلهه نظيفه وطيببه
باوعتلي ومدتلي قطعه تفتح مبتسمه
ام رواد.اخذي خاله اكلي
زهراء.لا ماريد شكراً
ام رواد.اخذي اعتبريني امچ
دمعت عيوني بمجرد تخيلت امي موجوده
وهيج تعاملني !
اخذتهه من ايدهه اني مبتسمه
وهي مبادلتني الابتسامه
نزل. رواد سابح مبدل هستوه اجه من الدوام
وين رايح ؟
كعد ومد رجليه تنهد باوع لجلنار ضربهه ع راسهه
وهي مدنكه ع الكتاب
رفعت راسهه تفرك بشعرهه متوجهه
جلنار.كم مره اكُلك ايدك ثكيله لتضربني
رواد.شتسوين ولچ؟
جلنار.شتشوف انت؟
رواد.اخ من لسانچن بنات حواء
رواد.يوم عثمان ماجه؟
ام رواد.لا يمه صارله يومين هناك ماجاي
رواد.شوكت بحيل الله زواجهم؟
ام رواد.مادري اشو هو لا يقبل يكللنه شوكت علمود نجهز ولا هو رايح مجهز وياهه
رواد.الله يسهل.....زهراء سويلي لكمه متشوفيني كاعد عندي طلعه ؟
زهراء.اي كايمه
رواد.شو من ورا خشمج ؟ماعاجبج عمي ماريد لتتعبين نفسج
زهراء.شبيك هسه كايمه
أنت تقرأ
أسيرَ عيناكيِ
Rastgeleلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
